ខេត្តកំពត ៖ ក្រុមគ្រូពេទ្យបង្អែកស្រុកកំពង់ត្រាច បានសហការជាមួយអាជ្ញាធរស្រុក និងមន្ត្រីមកពីមន្ទីរការងារបណ្ដុះបណ្ដាលវិជ្ជាជីវៈខេត្តកំពត បានចុះមកដល់ទីតាំងក្រុមហ៊ុនពូចិនខេមូឌា-ខូអិលធីឌីកណ្ដាលទួល ស្ថិតក្នុងឃុំកំពង់ត្រាចខាងលិច ស្រុកកំពង់ត្រាច ខេត្តកំពត ដើម្បីរកអ្នកប៉ះពាល់ប្រយោលជាមួយអ្នកកើតជំងឺកូវីដ១៩ ក្នុងនោះក៏បានពិនិត្យ និងយកសំណាកពីកម្មករោងចក្រក្រុមហ៊ុនពូចិននេះ ចំនួន៤៤នាក់ ហើយក៏បានរកឃើញកម្មករចំនួន២១នាក់ គឺវិជ្ជមានកូវីដ១៩ ចំណែកកម្មករអវិជ្ជមានចំនួន២៣នាក់ទៀត ត្រូវបានចត្តាឡីស័ករយៈពេល១៤ថ្ងៃ។
នៅព្រឹកថ្ងៃទី១៣ ខែមិថុនា ឆ្នាំ២០២១នេះ ក្រុមគ្រូពេទ្យ និងអាជ្ញាធរស្រុក បន្តចុះមកដល់ទីតាំងក្រុមហ៊ុនពូចិន ជាលើកទី២ ដើម្បីយកសំណាក់ពីកម្មករនៅក្នុងរោងចក្រ ទៅពិនិត្យរកមេរោគកូវីដ១៩ បន្តទៀត។
គួរបញ្ជាក់ថា រដ្ឋបាលខេត្តកំពត ក៏បានចេញសេចក្ដីជូនដំណឹងជាផ្លូវការនៅថ្ងៃទី១៣ ខែមិថុនានេះដែរថា បានរកឃើញអ្នកឆ្លងថ្មីកូវីដ១៩ ចំនួន៥៥នាក់នៅក្នុងខេត្តកំពត ក្នុងនោះស្ត្រីមានចំនួន៤៩នាក់។
ចំណែកអាជ្ញាធរខេត្តកំពត ក៏បានប្រកាសព័ត៌មានដែរថា នៅថ្ងៃទី១៣ ខែមិថុនា ឆ្នាំ២០២១នេះ ក៏មានបុរសម្នាក់អាយុ៦៨ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពតនេះ មានវិជ្ជមានកូវីដ១៩ ។ ហើយបុរសរូបនេះចេញមកហាត់ប្រាណ ក្រោយមកក៏បានដួលដាច់សរសៃឈាម រួចត្រូវបានដឹកមកសម្រាកព្យាបាលនៅក្នុងមណ្ឌលវិឡាល័យព្រះបិតាជាតិ ស្រុកកំពង់ត្រាច បន្ទាប់មកក៏បានស្លា.ប់កាលពីព្រឹកថ្ងៃទី១៣ ខែមិថុនានេះផងដែរ។ ចំណែកស.ពអ្នកដែលបានស្លា.ប់ ត្រូវបានរថយន្តសង្គ្រោះមន្ទីរពេទ្យបង្អែកកំពង់ត្រាច ដឹកយកមកបូជានៅភ្នំទទឹងថ្ងៃ ជាប់នឹងភ្នំប្រាសាទ ឃុំភ្នំប្រាសាទ ស្រុកកំពង់ត្រាច។
ចែករំលែកព័តមាននេះ