ខេត្តកំពត ៖ បើតាមសេចក្តីរាយការណ៍បានឱ្យដឹងថា បន្ទាប់ពីមានការផ្ទុះឡើងនៃជំងឺឆ្លងកូវីដ១៩ ដ៏គំហុកមួយ ដែលត្រូវបានក្រុមគ្រូពេទ្យចុះធ្វើតេស្តផ្ទាល់ទាំងអ្នកចូលលេងល្បែងស៊ីសង និងបុគ្គលិកជាង២រយនាក់ កាលពីព្រឹកថ្ងៃទី២៩ ខែឧសភា ឆ្នាំ២០២១ រហូតមកដល់ល្ងាចនោះ ត្រូវបានក្រុមគ្រូពេទ្យបង្ហាញថា អ្នកវិជ្ជមានកូវីដ១៩ មានចំនួន១០៦នាក់ ក្នុងនោះមានទាំងប៉ូលិសច្រកទ្វារចំនួន៤នាក់ផងដែរ។
សេចក្តីរាយការណ៍បន្តថា នេះជាចំនួនអ្នកកើតកូវីដ១៩ ដ៏ច្រើនមិនធ្លាប់មានពីមុនមកនេះក៏ដោយ ក៏មិនទាន់ចេញទិន្នន័យជាផ្លូវការនៅឡើយ។ ប៉ុន្តែរដ្ឋបាលខេត្តកំពត បានចេញសេចក្ដីជម្រាបជូនមកលោកអភិបាលស្រុកកំពង់ត្រាច ចុះថ្ងៃទី៣០ ខែឧសភា ឆ្នាំ២០២១នេះថា ឱ្យផ្អាកអាជីវកម្មកាស៊ីណូសុខគីមម៉េង នៅច្រកទ្វារទ្វេភាគីតន់ហន់ ឃុំព្រែកក្រឹស ស្រុកកំពង់ត្រាច និងបិទផ្សារតន់ហន់ផងដែរ និងផ្អាកអាជីវកម្មកាស៊ីណូនៅច្រកទ្វារព្រំដែនអន្តរជាតិព្រែកចាក ស្ថិតក្នុងឃុំឬស្សី ស្រុកខាងលិច ស្រុកកំពង់ត្រាច ខេត្តកំពតទៀតផង។
សេចក្តីរាយការណ៍បន្តតៀតថា ពលរដ្ឋនៅក្នុងមូលដ្ឋានដែលមានលំនៅដ្ឋានជិតកាស៊ីណូច្រកទ្វារទាំង២ ដែលអាជ្ញាធរបានប្រកាសបិទ ប៉ុន្តែអ្វីៗវាបានហួសអស់ទៅហើយ ព្រោះរហូតមកដល់ពេលនេះ មានអ្នកឆ្លងចំនួនច្រើនតាមបណ្ដាស្រុក ហើយក្រុមសង្គ្រោះបន្ទាន់កំពុងតែបំពេញភារកិច្ច រួមទាំងកងកម្លាំងទាំង៣ផងដែរ ប៉ុន្តែការបែកធ្លាយអ្នកឆ្លងជំងឺកូវីដ១៩ ដែលមានចំនួនច្រើនជាងគេនោះ គឺចេញពីកាស៊ីណូច្រកទ្វារទ្វេភាគីតន់ហន់តែម្តង។
ចែករំលែកព័តមាននេះ