ពលករខ្មែរ ត្រឡប់ពីប្រទេសថៃ ចូលតាមច្រកអូរបីជាន់ និងច្រកបឹងត្រកួន ១ថ្ងៃ ជាង ១០០នាក់
- Banteay Meanchey
បន្ទាយមានជ័យ៖ ពលករខ្មែរ ត្រឡប់ពីប្រទេសថៃ បានចូលតាមច្រកអូរបីជាន់ និងច្រកបឹងត្រកួន រយៈពេល ១ថ្ងៃ មានចំនួន ១១៨នាក់ នៅថ្ងៃទី១៧…
នៅបន្ទាយមានជ័យ អ្នកជំងឺកូវីដ១៩ ស្លាប់កើនដល់ ១៧នាក់ ក្នុងនោះ មានជនបរទេស ៣នាក់
ស្វាយរៀង រកឃើញអ្នកវិជ្ជមានកូវីដ១៩ ថ្មី ៣១នាក់ថែមទៀត និងអ្នកពាក់ព័ន្ធផ្ទាល់ ៦៣នាក់
ការស្តារប្រឡាយ បឹងទំពុន ក្នុងរាជធានីភ្នំពេញ សម្រេចបាន ៦០ភាគរយហើយ
ពលករលួចឆ្លងដែនខុសច្បាប់៩នាក់ ត្រូវបានឃាត់ខ្លួនឲ្យធ្វើចត្តាឡីស័ក
នគរបាលខណ្ឌដង្កោ ឃាត់ខ្លួនមុខសញ្ញាលួចម៉ូតូ ២នាក់ ដកហូតវត្ថុតាង ពាក់ព័ន្ធនឹងអំពើចោរកម្មមួយចំនួន
សមត្ថកិច្ច ចាប់ទាន់ ជាន់កែងបុរសម្នាក់ បន្លំខ្លួនជានគរបាល ដើរទារលុយពលរដ្ឋ លក់ដូរតាមចឹញ្ចើមផ្លូវ
អាជ្ញាធររាជធានីភ្នំពេញ ដាក់ផែនការទប់ស្កាត់ជំងឺកូវីដ-១៩ តាមរោងចក្រ-សហគ្រាស
អាជ្ញាធរសមត្ថកិច្ច ហាមឃាត់អ្នកភូមិ ជួបជុំផឹកស៊ី ក្នុងពេលអនុវត្តវិធានការរដ្ឋបាល នៅតាមឃុំ ដោយសារតែឆ្លងកូវីដ
បុរសម្នាក់ រត់ចេញពីមណ្ឌលចត្តាឡីស័ក ត្រូវបាននគរបាល ដេញឃាត់ខ្លួនបាន បញ្ជូនទៅមណ្ឌលវិញ
បន្ទាយមានជ័យ៖ ពលករខ្មែរ ត្រឡប់ពីប្រទេសថៃ បានចូលតាមច្រកអូរបីជាន់ និងច្រកបឹងត្រកួន រយៈពេល ១ថ្ងៃ មានចំនួន ១១៨នាក់ នៅថ្ងៃទី១៧ ខែឧសភា ឆ្នាំ២០២១នេះ។
លោក លី សុវណ្ណារិទ្ធ អភិបាលស្រុកអូរជ្រៅ បានប្រាប់ថា នៅថ្ងៃទី១៧ ខែឧសភា ឆ្នាំ២០២១នេះ ក្រុមការងារមណ្ឌលសំចតច្រកអូរបីជាន់ ក្នុងឃុំអូរបីជាន់ ស្រុកអូរជ្រៅ បានទទួលប្រជាពលរដ្ឋខ្មែរ ជាពលករខ្មែរ ដែលត្រឡប់ពីប្រទេសថៃ មានចំនួន ១០៨នាក់ ស្រី ៤នាក់ ក្នុងនោះ មានប្រជាពលរដ្ឋ ខេត្តបន្ទាយមានជ័យ ៦០នាក់ ខេត្តបាត់ដំបង ៨នាក់ ខេត្តកំពង់ធំ ១១នាក់ ខេត្តកំពត ២នាក់ ខេត្តពោធិ៍សាត់ ៤នាក់ ខេត្តសៀមរាប ៣នាក់ ខេត្តតាកែវ ២នាក់ ខេត្តឧត្តរមានជ័យ ៧នាក់ ខេត្តប៉ៃលិន ម្នាក់។
លោក អែម សុខា អភិបាលស្រុកថ្មពួក បានបញ្ជាក់ថា ក្រុមការងារមណ្ឌលសំចតច្រកបឹងត្រកួន ស្រុកថ្មពួក បានទទួលប្រជាពលរដ្ឋខ្មែរជាពលករត្រឡប់ពីប្រទេសថៃ តាមច្រកតំបន់ព្រំដែនបឹងត្រកួន ស្រុកថ្មពួក នៅថ្ងៃទី១៧ ខែឧសភា ឆ្នាំ២០២១នេះ មានចំនួន ១០នាក់ ស្រី ៦នាក់ រស់នៅខេត្តសៀមរាប ៤នាក់ ខេត្តស្វាយរៀង ៣នាក់ ខេត្តតាកែវ ២នាក់ ខេត្តបាត់ដំបង ម្នាក់។
អភិបាលស្រុកទាំងពីរ បានប្រាប់ថា ចំពោះប្រជាពលរដ្ឋខ្មែរ ដែលត្រឡប់ពីប្រទេសថៃ តាមច្រកអូរបីជាន់ស្រុកអូរជ្រៅ និងច្រកតំបន់ព្រំដែនបឹងត្រកួន ស្រុកថ្មពួក ដែលត្រូវបានក្រុមការងារ នៅមណ្ឌលសំចត ទទួលពិនិត្យសុខភាព ហើយអប់រំណែនាំ និងជូនអាហារពួកគាត់ រួចត្រូវបានដឹកជញ្ជូនតាមរថយន្តក្រសួងការពារជាតិ ទៅដាក់តាមមណ្ឌល ដើម្បីធ្វើចត្តាឡីស័ក រយៈពេល ១៤ថ្ងៃ៕ ប៊ុន ធឿន
