បុរសម្នាក់ជិះឡានទៅធ្វើរឿងស្មានមិនដល់នៅលើដើមអំពិលទឹក ផ្អើលមហាវិថីឈ្នះឈ្នះ
- ភ្នំពេញ
រាជធានីភ្នំពេញ ៖ ស.ពបុរសម្នាក់ត្រូវបានគេប្រទះឃើញបញ្ចប់ជីវិតដោយយកខ្សែចងភ្ជាប់ទៅនឹងដើមអំពិលទឹកមួយដើមនៅ
រាជធានីភ្នំពេញ ៖ ស.ពបុរសម្នាក់ត្រូវបានគេប្រទះឃើញបញ្ចប់ជីវិតដោយយកខ្សែចងភ្ជាប់ទៅនឹងដើមអំពិលទឹកមួយដើមនៅ
រាជធានីភ្នំពេញ ៖ ស.ពបុរសម្នាក់ត្រូវបានគេប្រទះឃើញបញ្ចប់ជីវិតដោយយកខ្សែចងភ្ជាប់ទៅនឹងដើមអំពិលទឹកមួយដើមនៅចំណុចដីវាលមួយកន្លែង ដោយមានចតរថយន្តមួយគ្រឿងម៉ាកវីស្តូ នៅក្បែរកន្លែងកើតហេតុនោះផងដែរ។
ហេតុការណ៍ខាងលើនេះបានបង្កអោយមានការភ្ញាក់ផ្អើលកាលពីវេលាម៉ោងប្រមាណ៧និង៣០នាទីព្រឹកថ្ងៃទី១១ ខែ ឧសភា ឆ្នាំ ២០២១ នៅចំណុចដីវាលមួយកន្លែង តាមបណ្តោយមហាវីថីឈ្នះ ឈ្នះ ស្ថិតក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
បុរសរងគ្រោះរូបនោះ ពុំស្គាល់អត្តសញ្ញាណឡើយ បានខ្សែនីឡុងចង់ភ្ជាប់ទៅនឹងដើមអំពិលទឹក ក្នុងដីវាលចំងាយប្រមាណជិត១០០ម៉ែត្រ ពីមហាវិថីឈ្នះឈ្នះ ដោយនៅក្បែរស.ពចម្ងាយប្រមាណ៥០ម៉ែត្រប្រទះឃើញរថយន្តមួយគ្រឿងម៉ាកវិស្តូ ពណ៌លឿង ពាក់ស្លាកលេខ ភ្នំពេញ ២AS-៦១៥០ ដែលសង្ស័យថា ជារថយន្តរបស់បុរសរូបនោះឈប់ចតចោល ។
តាមនគរបាលមូលដ្ឋានបានអោយដឹងថា នៅព្រឹកថ្ងៃកើតហេតុនោះ មានអ្នកដំណើរម្នាក់បានចូលទៅបត់ជើងក្នុងដីវាលខាងលើ ក៍បានប្រទះឃើញស.ពបុរសរងគ្រោះម្នាក់នោះ ដោយពុំដឹងថា កើតឡើងតាំងពីពេលណានោះទេ ។ បន្ទាប់ពីប្រទះឃើញបែបនេះ អ្នកដំណើររូបនោះក៍បានប្រាប់ប្រជាពលរដ្ឋក្បែរនោះឱ្យទៅរាយការណ៍ប្រាប់នគរបាលមូលដ្ឋានចុះមកពិនិត្យ ក៍បង្កអោយមានការភ្ញាក់ផ្អើល។
តាមប្រភពខាងលើបានអោយដឹងបន្តថា នៅព្រឹកនោះនគរបាលមូលដ្ឋាន ក៍បានទាក់ទងទៅនគរបាលការិយាល័យ បច្ចេកទេស និងវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញចុះទៅត្រួតពិនិត្យ ព្រមទាំងទាក់ទងក្រុមគ្រូពេទ្យ ចុះទៅធ្វើតេស្តស.ពជនរងគ្រោះ ពុំមានវិជ្ជមានកូវីដ១៩នោះឡើយ ។ ទោះបីជាយ៉ាងណា គេពុំដឹងថា បុរសរូបនោះ មានវិបត្តិអ្វីនោះឡើយ ។
តាមការត្រួតពិនិត្យ នគរបាលអោយដឹងថា ស.ពបុរសរូបនោះប្រើប្រាស់សារធាតុញៀ.ន នៅមុនបញ្ចប់ជីវិត បុរសរងគ្រោះរូបនោះ បានអា.រកដៃឆ្វេងតាំងពីក្នុងរថយន្ត ព្រោះមានឈាមធ្លាក់ក្បែរនោះ រួចក៍បានធ្វើដំណើរទៅឡើងដើមអំពិលទឹកបញ្ចប់ជីវិត ដោយមានឈាមហូរធ្លាក់ជាប់ដើមអំពិលទឹកផងដែរ។
តាមការត្រូតពិនិត្យ ជនរងគ្រោះពិតជាបានបញ្ចប់ជីវិតដោយខ្លួនឯង ហើយស.ពត្រូវបាននគរបាលបញ្ជូនទៅកាន់ឈាបនដ្ឋានវត្តបាក់ខែង ចំណែករថយន្តយកទៅរក្សាទុកនៅស្នាក់ការប៉ុស្តិ៍បាក់ខែង ដើម្បីស្រាវជ្រាវរកក្រុមគ្រួសារសាច់ញាតិឱ្យមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ