រាជធានីភ្នំពេញ៖ បន្ទាប់ពីតំណក់ប្រេងលើកដំបូងដែលកម្ពុជាបូមយកបានកាលពីថ្ងៃទី២៩ធ្នូ ឆ្នាំ២០២០ រហូតមកដល់ពេលនេះក្រុមហ៊ុន KRISENERGY កំពុងរៀបចំបែបបទសុំចេញប្រេងទៅលក់ក្នុងទីផ្សារអន្តរជាតិ ខណ់ៈក្រុមហ៊ុនមួយនេះបាននិងធ្វើការយ៉ាងមមាញឹកជាមួយអ្នកទិញប្រេងរបស់ខ្លួន។
ឯកឧត្តម ជៀប សួរ អគ្គនាយកនៃអគ្គនាយកដ្ឋានប្រេងកាត នៃក្រសួងរ៉ែនិងថាមពល បានអោយដឹងថា សម្រាប់ក្រុមហុន KRISENERGYបច្ចុប្បន្ននេះ កំពុងតែផលិតប្រេងចេញពីអណ្តូងទាំង៥ជាធម្មតាហើយចំពោះផលិតកម្មប្រចាំថ្ងៃ ដូចក្រុមហ៊ុន ធ្លាប់បានប្រាប់ជារឿយៗ កន្លងមកហីយស្ថិតក្នុងកម្រិត២០០០ឬក្រោម២០០០បារ៉ែលក្នុងមួយថ្ងៃ។
ឯកឧត្តម ជៀប សួរ មានប្រសាសន៍ថា«បច្ចុប្បន្ននេះ ក្រុមហ៊ុន កំពុងរៀបចំបែបបបទសុំនាំចេញដើម្បីធ្វើការលក់ប្រេងក្នុងទីផ្សារអន្តរជាតិ។ គាត់កំពុងតែធ្វើការជាមួយអ្នកទិញយ៉ាងមមាញឹក ។អីចឹងយីងសង្ឃឹមថា ក្នុងពេលខាងមុខឆាប់ៗគាត់នឹងអាចលក់ប្រេងចេញបាន»។
ឯកឧត្តមលើកឡើងថា ផលិតកម្មប្រេងរបស់ក្រុមហ៊ុនបានទាបជាង ផែនការដែលបានគ្រោងទុក ក្រុមហ៊ុនកំពុងតែធ្វើការពិចារណា ព្រោះបច្ចុប្បន្ននេះ ក្រុមហ៊ុនដូច យើងបានដឹងស្រាប់ហើយ គាត់កំពុងមានបញ្ហាថវិកា ដើមទុនរបស់គាត់ជាមួយ ក្រុមហ៊ុនធំនិងម្ចាស់បំណុលផ្សេងៗ។
ឯកឧត្តមសង្កត់ធ្ងន់ថា«ឥលូវនេះ យើងរងចាំមីលការសម្រេចចិត្តរបស់ក្រុមហ៊ុនមេ តើគាត់នឹងធ្វើយ៉ាងណាសម្រាប់គម្រោងនេះ ។តែដោយឡែក អ្វីដែលជាកាតព្វកិច្ចក្នុងការអនុវត្តគម្រោងជាមួយប្រទេសយើង គឺយើងមីលទៅលីលក្ខណ្ឌផ្សេងៗក្នុងកិច្ចព្រមព្រៀង ដែលគាត់ត្រូវបំពេញ ហើយបើគាត់មិនអាចបំពេញបាន ដោយប្រកាណាមួយ យើងនឹងអនុវត្តទៅតាមលក្ខណ្ឌនៃកិច្ចព្រមព្រៀង»។
ពាក់ព័ន្ធនិងផលិតកម្មប្រេងរបស់កម្ពុជា បើយោងតាមសម្តេចអគ្គមហាសេនាបតីតេជោ ហ៊ុន សែន នាយកដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍កាលពីថ្ងៃទី២៩ធ្នូ ថា ប្លុកអេ ដែលទើបបូមបានប្រេងនេះ វាមិនពាក់ព័ន្ធនឹងតំបន់ត្រួតស៊ីគ្នាជាមួយប្រទេសថៃទេ។យើងជាមួយថៃកំពុងបន្តរកការចរចាជាមួយថៃដើម្បីរកការឯកភាព។
សម្តេចតេជោ គូសបញ្ជាក់ថា«នេះមិនមែនជាបណ្តាសារទេ តែវាជាពរជ័យសម្រាប់ប្រជាជនកម្ពុជានៅក្នុងដំណាក់កាលថ្មី ជាប្រភពប្រាក់ចំណូលថ្មី។នៅពេលខាងមុខយើងនឹងបានប្រភពចំណូលបានមកពីប្រេង, យើងនិងមានប្រភពចំណូលបានមកពីរ៉ែមាសរបស់យើងដែលនិងត្រៀមធ្វើអាជីវកម្ម, យើងនិងបានចំណូលពីធ្យូងថ្មដោយពុំចាំបាច់ទិញមកពីខាងក្រៅ ដោយយើងនិងដាក់ម៉ាស៊ីនៅខេត្តឧត្តមានជ័យ»។
លោកបណ្ឌិត គីសេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាធ្លាប់មានប្រសាសន៍ថា«ប្រវត្តិសាស្ត្រថ្មីនេះ(តំណក់ប្រេងដំបូង) គឺកើតចេញពីការខិតខំប្រឹងប្រែង បែកញើស ហូរញើសរបស់រាជរដ្ឋាភិបាល ពិសេសសម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជា ដែលលោកបានខិតខំប្រឹងប្រែង ហើយភាពជោគជ័យរបស់គាត់គឺដោយសារមានគោលនយោបាយឈ្នះ ឈ្នះនេះឯង ហើយខ្ញុំសូមឱ្យជនរួមជាតិចូលរួមអបអរសាទរនៅកិច្ចខិតខំរបស់រាជរដ្ឋាភិបាល»៕
ចែករំលែកព័តមាននេះ