ការ​ពិត​នៅ​ពីក្រោយ​ដើម​ពោធិ៍​ដ៏​ធំ​ត្រូវ​ភ្លៀង​ខ្យល់​​​រលើង​ទាំង​ឫស រួច​ផ្អើល​ថា​ទាក់ទង​រឿង​ទុំ​ទាវ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ការ​ពិត​នៅ​ពីក្រោយ​ដើម​ពោធិ៍​ដ៏​ធំ​ត្រូវ​ភ្លៀង​ខ្យល់​​​រលើង​ទាំង​ឫស រួច​ផ្អើល​ថា​ទាក់ទង​រឿង​ទុំ​ទាវ

1 ខែ មុន
  • Kampong Cham

ខេត្ត​ត្បូងឃ្មុំ ៖ ដើម​ពោធិ៍​ដ៏​មួយ​ដើម​ធំ ដែល​មាន​អាយុកាល​ខ្ទង់រយ​ឆ្នាំ ត្រូវ​បាន​ភ្លៀង​លាយឡំ​ដោយ​ខ្យល់​កន្ត្រាក់ ជា​ហេតុ​បណ្ដាល​ឱ្យ​រលើង​ទាំង​ឫស​ទៅ​លើ​ដី ហើយ​ត្រូវ​បាន​បណ្ដាញ​សង្គម​បង្ហោះ​ចែកចាយ​ត​ៗ​គ្នា​ថា ជាដើម​ពោធិ៍ ដែល​មាន​ប្រវត្តិ​ទាក់ទង​រឿង​ទុំ​ទាវ ស្ថិត​នៅ​ភូមិ​ជើង​ខាល…

ខេត្ត​ត្បូងឃ្មុំ ៖ ដើម​ពោធិ៍​ដ៏​មួយ​ដើម​ធំ ដែល​មាន​អាយុកាល​ខ្ទង់រយ​ឆ្នាំ ត្រូវ​បាន​ភ្លៀង​លាយឡំ​ដោយ​ខ្យល់​កន្ត្រាក់ ជា​ហេតុ​បណ្ដាល​ឱ្យ​រលើង​ទាំង​ឫស​ទៅ​លើ​ដី ហើយ​ត្រូវ​បាន​បណ្ដាញ​សង្គម​បង្ហោះ​ចែកចាយ​ត​ៗ​គ្នា​ថា ជាដើម​ពោធិ៍ ដែល​មាន​ប្រវត្តិ​ទាក់ទង​រឿង​ទុំ​ទាវ ស្ថិត​នៅ​ភូមិ​ជើង​ខាល ឃុំ​មង់​រៀវ ស្រុក​ត្បូងឃ្មុំ ។ ជាមួយ​នោះ ក៏​ត្រូវ​បាន​រដ្ឋបាល​ខេត្ត​ត្បូងឃ្មុំ ចេញ​សេចក្តី​បំភ្លឺ​ព័ត៌មាន​ទាំង​យប់​ថា ដើម​ពោធិ៍​ដែល​ដួល​រលំ​នោះ មិនមែន​ជាដើម​ពោធិ៍​ជើង​ខាល ប្រវត្តិ​ស្នេហ៍​ទុំ​ទាវ​នោះ​ទេ​។

Picture

លោក​កួ ហុ​ក ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្ត​ត្បូងឃ្មុំ បាន​ប្រាប់​ឲ្យ​ដឹង​ថា ដើម​ពោធិ៍​ដែល​ដួលរ​លំដោយ​ខ្យល់​កន្ត្រាក់​នោះ កាលពី​ល្ងាច​ថ្ងៃ​ទី​៦ ខែឧសភា ឆ្នាំ​២០២១ ត្រូវ​បាន​ឯកឧត្តម​បណ្ឌិត​ជាម ច័ន្ទ​សោភ័ណ អភិបាលខេត្ត​បាន​ចាត់​ឱ្យ​លោក​ហាក់ សុខ​មក​រា អភិបាលរង​ខេត្ត រួម​នឹង​កម្លាំង​ជំនាញ​វប្បធម៌ ចុះ​មក​ពិនិត្យ​ទាំង​យប់​ថា តើ​ដើម​ពោធិ៍​ដែល​ដួល​រលំ​នោះ ពិតជា​ដើម​ពោធិ៍​មាន​ប្រវត្តិ​ទាក់ទង​រឿង​ស្នេហ៍​ទុំ​ទាវ​មែន​ឬទេ?

Picture

ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្ត​ត្បូងឃ្មុំ បន្ត​ឲ្យ​ដឹង​ថា កម្លាំង​ជំនាញ​បាន​ធ្វើការ​ស្រាវជ្រាវ​ទាំង​យប់ ដោយ​ពិនិត្យ​ឃើញ​ថា ដើម​ពោធិ​មួយ​ដើម​ដ៏​ធំ ដែល​ដួល​បាក់​រលំ​ទៅ​លើ​ដី​នោះ គឺ​មិន​មាន​ប្រវត្តិ​ទាក់ទង​ស្នេហ៍​ទុំ​ទាវ​នោះ​ទេ គឺជា​ដើម​ពោធិ៍​អ្នកតា​ក្រហម​.​ក ដែល​មាន​ចម្ងាយ​ប្រមាណ​៧០​ម៉ែត្រ ពី​ដើម​ពោធិ៍ ដែល​មាន​ប្រវត្តិ​ស្នេហ៍​ទុំ​ទាវ​។

Picture

ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្ត​ត្បូងឃ្មុំ បន្ត​ឲ្យ​ដឹង​បន្ត​ថា រហូត​មក​ដល់​ព្រឹក​ថ្ងៃ​ទី​៧ ខែឧសភា ឆ្នាំ​២០២១​នេះ ក្រុមការ​ងារ​របស់​លោក​បាន​បន្ត​បេសកកម្ម ដោយ​រួម​សហការ​ជាមួយនឹង​ខណ្ឌ​រដ្ឋបាល​ព្រៃឈើ ខេត្ត​ត្បូងឃ្មុំ បាន​ជួល​ជាង​មក​ឱ្យ​អារ​មែក​ឈើ ច្រងេងច្រងាង​ចេញ​។ ដោយ​ទុក​តែ​មែក​ធំ​ៗ ដោយ​ប្រើ​ពេល​លើស​ពី​មួយ​កំណាត់​ព្រឹក រហូត​ដល់​ពេល​រសៀល ទើប​ប្រើប្រាស់​អេ​ស្កា​វ៉ា​ទ័​រ​ធុន​ធំ​ចំនួន​២​គ្រឿង មក​ស្ទូច​បញ្ឈរ​ដាំ​ឡើង​វិញ ដោយ​ធ្វើ​ឡើង​តាម​ការ​ណែនាំ​ពី​សំណាក់​ឧបនាយករដ្ឋមន្ត្រី​ជា សុ​ផា​រ៉ា ប្រធាន​​ក្រុមការងារ​ថ្នាក់​ជាតិ​ចុះ​ជួយ​ខេត្ត​ត្បូងឃ្មុំ​។

Picture

ជាមួយ​នោះ ឯកឧត្តម ជាម ច័ន្ទ​សោភ័ណ អភិបាលខេត្ត ក៏​បាន​អញ្ជើញ​ចុះ​មក​ពិនិត្យ​ដោយ​ផ្ទាល់​នៃ​ការ​ដាំ​ដើម​ពោធិ៍​មួយ​ដើម​ធំ​ឡើង​វិញ ព្រមទាំង​បាន​ណែនាំ​ឱ្យ​ចាក់​ដី​ផ្លូវ​ភ្ជាប់​ពី​ចំណុច​ពោធិ៍​អ្នកតា​ក្រហម​.​ក ទៅ​ដល់​ដើម​ពោធិ៍ ដែល​មាន​ប្រវត្តិ​ស្នេហ៍​ទុំ​ទាវ ព្រមទាំង​ធ្វើ​របង​នេះ​ជា​កន្លែង​បុរេប្រវត្តិសាស្ត្រ ដែល​នឹង​ត្រូវ​ធ្វើការ​អភិវឌ្ឍ​ជា​ដំណាក់កាល​បន្តបន្ទាប់​។

Picture

លោក កួ ហុ​ក ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្ត​ត្បូងឃ្មុំ បញ្ជាក់​ថា បើ​តាម​ការ​ពិនិត្យ​ដើម​ពោធិ៍​មួយ​ដើម​ធំ ដែល​ដួល​រលំ​នោះ គឺ​មាន​អាយុកាល​ខ្ទង់រយ​ឆ្នាំ ហើយ​ត្រូវ​បាន​អ្នកស្រុក​រៀបចំ​ធ្វើបុណ្យ​ក្នុង​មួយ​ឆ្នាំ​ម្ដង ដោយ​មាន​លេងល្បែង​កំសាន្ត និង​សែន​ប្រេ​ន​សុំ​សេចក្តីសុខ​ទៀត​ផង​។ តែ​មក​ដល់​សព្វថ្ងៃ ការ​សែនព្រេន​នេះ​មិន​បាន​ធ្វើ​នោះ​ទេ ដោយសារ​តែ​ខ្លាច​កូ​វី​ដ​-១៩ ។

Picture

បើ​រំលឹក​ទៅ​អតីតកាល​ដើម​ពោធិ៍ ដែល​នៅ​ក្រោយ​មាន​ឆ្លងកាត់​ដោយ​វាលស្រែ កាលពី​ប្រមាណ​ជាង​៥០០​ឆ្នាំ​មុន ត្រូវ​បាន​អ​ជូន យក​ទុំ​និង​ទាវ មក​ស​ម្លា​.​ប់​ចោល​នៅ​ក្រោម​ដើម​ពោធិ៍ ដោយសារ​តែ​ខឹង​ទុំ​ពង្រាត់​ទាវ​ពី​អ​ជូន​។ ហើយ​នៅ​ក្នុង​អក្សរសិល្ប៍​ប្រជាប្រិយ​ខ្មែរ​ក៏​បាន​ចងក្រង​រឿង​នេះ​ឡើង ដំបូង​ដោយ​ភិក្ខុ​សោម​បាន​សរសេរ​តាក់តែង​ជា​រឿង​ស្មូត បន្ទាប់​មក​ធ្វើ​ជា​កំណាព្យ​រឿង និង​ក្រោយមក​ទៀត​ជា​ល្ខោននិយាយ ហើយ​ក្រោយមក​ក៏​បាន​ចារ​ជា​ប្រវត្តិ​មក​ដល់​បច្ចុប្បន្ន​នេះ​។

Picture

ព្រោះ​មាន​ទីកន្លែង​ច្បាស់លាស់ ហេតុ​ដូច្នេះ​ហើយ ត្រូវ​បាន​គេ​យក​មក​ធ្វើ​ជា​អក្សរសិល្ប៍​ប្រវត្តិសាស្ត្រ ចំណែក​នៅ​រំលង​ផ្លូវជាតិ​លេខ​៧ មិន​ឆ្ងាយ​ពី​គ្នា​ប៉ុន្មាន គឺ​មាន​ដើម​ពោធិ៍​មាន​អាយុកាល​ចន្លោះ​២០០​ទៅ​៣០០​ឆ្នាំ ហើយ​ត្រូវ​បាន​គេ​ធ្វើ​អាស្រម​យាយ​ផា​ន់​ផង​ដែរ​។

ចំណែក​លោក​ហាក់ សុខ​មក​រា អភិបាលរង​ខេត្ត​ត្បូងឃ្មុំ ក៏​បាន​ដឹកនាំ​កម្លាំង​ជំនាញ ដោយ​រក​គ្រឿងចក្រ​មក​ស្ទូច​ដើម​ពោធិ៍​ដែល​ដួល​រលំ​នោះ ដាំ​ឡើង​វិញ​រួចរាល់ និង​រៀបចំ​ចាក់​ដី​បន្ថែម រួច​សាងសង់​អាស្រម​អ្នកតា​ក្រហម​.​ក ឡើង​វិញ​។ លុះ​ពេល​ដែល​ស្ងប់​កូ​វី​ដ​កន្លែង​នេះ នឹង​អាច​ក្លាយជា​តំបន់​ទេសចរណ៍​ទាក់ទាញ​មនុស្ស​មក​កម្សាន្ត​លេង​៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture