រដ្ឋបាលស្រុកគិរីវង់រកឃើញអ្នកកើតកូវីដ២នាក់បន្ថែមទៀត នៅភូមិព្រាល ឃុំសោម
- តាកែវ
ខេត្តតាកែវ ៖ រដ្ឋបាលស្រុកគិរីវង់ បានប្រកាសនៅថ្ងៃទី៣ ខែឧសភា ឆ្នាំ២០២១នេះ នៅភូមិព្រាល ឃុំសោម ស្រុកគិរីវង់ មានករណីវិជ្ជមានកូវីដ-១៩…
ខេត្តតាកែវ ៖ រដ្ឋបាលស្រុកគិរីវង់ បានប្រកាសនៅថ្ងៃទី៣ ខែឧសភា ឆ្នាំ២០២១នេះ នៅភូមិព្រាល ឃុំសោម ស្រុកគិរីវង់ មានករណីវិជ្ជមានកូវីដ-១៩ ចំនួន០២នាក់ ឆ្លងក្នុងព្រឹត្តិការណ៍សហគមន៍ ២០កុម្ភៈ។
ករណីវិជ្ជមាន២នាក់ខាងលើមាន ៖ ១.ឈ្មោះ ហន ចាស់ ភេទប្រុស អាយុ ២៧ឆ្នាំ រស់នៅភូមិព្រាល ឃុំសោម ស្រុកគិរីវង់ ។ ២. រឈ្មោះ ពៅ ម៉ាល័យ ភេទស្រី អាយុ២៦ឆ្នាំ រស់នៅភូមិព្រាល ឃុំសោម ស្រុកគិរីវង់ ។
រដ្ឋបាលស្រុកគិរីវង់ សូមអំពាវនាវដល់បងប្អូនប្រជាពលរដ្ឋ ដែលធ្លាប់ប្រាស្រ័យទាក់ទងផ្ទាល់ ឬប្រយោលជាមួយអ្នកជម្ងឺកូវីដ-១៩ខាងលើត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងចូលរួមយកសំណាកនៅមណ្ឌលសុខភាពសោម ឬមន្ទីរពេទ្យបង្អែកស្រុកគិរីវង់ ព្រមទាំងដាក់ខ្លួនឱ្យនៅដាច់ដោយឡែករយៈពេល១៤ថ្ងៃ ។
ក្នុងករណីដែលបងប្អូនមានបញ្ហាសុខភាពដូចជា ៖ ក្ដៅខ្លួន ឈឺក ក្អក ត្រូវប្រញាប់រួសរាន់រាយការណ៍ ជូនអាជ្ញាធរមូលដ្ឋាន ឬមណ្ឌលសុខភាពដែលនៅជិត ឬទំនាក់ទំនងផ្ទាល់តាមរយៈទូស័ព្ទលេខ៖ ០១២ ៣១២ ៨៨៦/០៩២ ៦៨០ ៥១៨/០៨៩ ៦៦៩ ៦២១/០៧០ ៧០០ ៥៧៨។
រដ្ឋបាលស្រុកសង្ឃឹមយ៉ាងមុតមាំថា៖ បងប្អូនប្រជាពលរដ្ឋចូលរួមសហការអនុវត្តឱ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល និងវិធានការ ។ ៣ការពារ និង៣កុំ របស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕
ចែករំលែកព័តមាននេះ