រាជធានីភ្នំពេញ ៖ រឿងរ៉ាវ ក្មេងស្រី២នាក់ បានជ្រុះលុយ ២០ដុល្លារអាមេរិក នៅពេលកំពុងធ្វើដំណើរតាមដងផ្លូវ នៅម្តុំផ្សារទំនើបអ៊ីអនម៉ល សែន សុខ កាលពីល្ងាចថ្ងៃទី៣០ មេសា ២០២១នេះ លុះពេល ក្មេងស្រីម្នាក់ជិះម៉ូតូ ត្រលប់ទៅកន្លែងជ្រុះ ដើម្បីរើសលុយវិញ ស្រាប់តែលុយនោះ ត្រូវបានបុរសម្នាក់ បើករថយន្តមួយគ្រឿងម៉ាក់ Hight Lander ដែលមានស្លាកលេខ 2V-5883 រើសបានមុន បាត់ទៅហើយ ។
បន្ទាប់មក ក្មេងស្រីរូបនោះ បានព្យាយាមសុំលុយនោះវិញ ប៉ុន្តែទទូចសុំយ៉ាងណាក៏ដោយ ក៏បុរសជិះរថយន្តដែលរើសលុយបាន មិនព្រមប្រគល់អោយដែរ ខ្លាចមិនមែនម្ចាស់លុយ ។ ប៉ុន្តែនៅពេលទទូចសុំលុយមកវិញនោះ ក៏មានប៉ះពាក្យសម្ដីខ្លះ ចុងក្រោយ បុរសជិះក្នុងរថយន្ត ក៏បានហែកលុយ ២០ដុល្លារចោល នៅមុខក្មេងស្រីម្នាក់នេះ រួចហើយបើករថយន្តចេញទៅបាត់ទៅ ។
ក្មេងស្រីម្នាក់ខាងលើនេះ បានបង្ហោះវីដេអូ សម្តែងការតូចចិត្តនៅលើគណនីហ្វេសប៊ុករបស់ខ្លួនដែលមានឈ្មោះ Nith Nith ដោយរូបនាងបានសរសេរយ៉ាងដូច្នេះថា «បងប្អូន ជួយមើលទៅ លុយខ្ញុំជ្រុះហើយ ខ្ញុំសុំគាត់ តាមសម្រួលហើយម៉េច គាត់មិនព្រមឲ្យខ្ញុំ ហើយនិយាយចេញឡើងថា បើប្រាប់គាត់ពីដំបូងថា លុយខ្ញុំ គាត់ឲ្យបាត់ហើយ ចុះខ្ញុំប្រាប់ថាលុយខ្ញុំជ្រុះ ខ្ញុំសុំវិញបានអត់ពូ ? គាត់ថា មិនមែនលុយខ្ញុំ ហើយខ្ញុំខំជិះត្រលប់បក មករើសវិញហើយ ម៉េចគាត់នៅតែ ឱនរើសទៀត លុយ 20$ វាមិនច្រើនទេ សម្រាប់អ្នក តែច្រើនសម្រាប់ខ្ញុំ ធ្វើការរាល់ថ្ងៃ ទម្រាំបានលុយប៉ុណ្ណឹង សម័យកូវីដ ពិបាករក ខ្លាំងណាស» ។
នៅម៉ោង១១ព្រឹកថ្ងៃទី០១ ឧសភា ២០២១ បុរសជិះរថយន្ត Hight Lander ក៏បានចេញវីដេអូ បកស្រាយវិញថា «ខ្ញុំសូមបកស្រាយរឿងកាលពីម្សិលមិញ ដែរប្អូនស្រីចោទថា ខ្មុំរើសលុយគាត់ហើយ មិនអោយគាត់វិញ» ៕
ខាងក្រោមនេះ ជាវីដេអូ របស់ ក្មេងស្រី ដែលជ្រុះលុយ២០ដុល្លារ និងវីដេអូ របស់ បុរសដែល រើសបាន ៖
ចែករំលែកព័តមាននេះ