សារព័ត៌មាន «UPI »របស់អាមេរិក កាលពីពេល ថ្មីៗកន្លងផ្សាយថា លោករ៉ូប៊ើត សាមូអេល អ្នកបង្កើតក្រុមហ៊ុន «សេមអូលឡាញហ៊្វូត» និយាយថា លោកមានចំណូល១.០០០ដុល្លារ ក្នុងមួយសប្តាហ៍ ពីរបរស៊ីឈ្នួលតម្រង់ជួរជំនួសអតិថិជនជាអ្នកមានដែលមិនមានពេលទៅទិញផ្ទាល់នៅពេលទំនិញថ្មីទើបបើកលក់ ឬមានការបញ្ចុះថ្លៃទំនិញ ផ្សេងៗ ។
លោកមូអេល ឱ្យដឹងថា ក្រុមការងាររបស់លោក «ជាអ្នកតម្រង់ជួរអាជីព» ដោយគិតថ្លៃឈ្នួលឈររង់ចាំចំនួន២៥ដុល្លារ ក្នុងរយៈពេល១ម៉ោងដំបូងដែលឈរតម្រង់ជួរមុខ ។ ក្នុងការតម្រង់ជួរទិញ iphone 6s ស៊េរីថ្មីនៅខណ្ឌមីតជេកហ្គីង ក្នុងក្រុងញូវយ៉ក កាលពីពេល ថ្មីៗកន្លងមក លោកមូអេលបានចំណាយពេល៤៨ម៉ោង រកចំណូលបានប្រហែល១.០០០ដុល្លារ ។
លោកអាដូនីស ផច បុគ្គលិក ក្នុងក្រុមហ៊ុន «សេម អូលឡាញហ៊្វូត» បញ្ជាក់ថា ពួកគេឈរតម្រង់ជួរប្រកបដោយភាពអត់ធ្មត់ មានពេលខ្លះត្រូវស៊ូទ្រាំទាំងភ្លៀងធ្លាក់ ព្យុះព្រិល ឬអាកាសធាតុក្តៅខ្លាំងជាដើម ៕
ចែករំលែកព័តមាននេះ