Sagrada Familia គឺជាព្រះវិហារកាតូលិកធំជាងគេនៅទីក្រុងបាសេឡូណា ប្រទេសអេស្ប៉ាញរចនាដោយស្ថាបត្យករឆ្នើមលោកអង់តូនី ហ្គ័រឌីនៅឆ្នាំ១៨៥២ ដល់ឆ្នាំ១៩២៦ ។ ទោះបីជាព្រះវិហារនោះសង់មិនទាន់ហើយគ្រប់ជ្រុងជ្រោយក៏ដោយ ក៏វាត្រូវបានចាត់ចូលជាសម្បត្តិបេតិកភណ្ឌពិភពលោកវាយតម្លៃដោយអង្គការយូណេស្កូ ហើយកាលពីខែវិច្ឆិកា ២០១០ សម្តេចសង្ឃ ប៉ូប ប៊ែនីឌីក ទី១៦ បានប្រកាសថា Sagrada Familia គឺជាព្រះវិហារសាសនាកាតូលិក និងជាកន្លែងសក្ការបូជាផងដែរ ។
សំណង់ព្រះវិហារនោះបានចាប់ផ្តើមនៅឆ្នាំ១៨៨២ ហើយលោកហ្គ័រឌី បានចូលរួមនៅឆ្នាំ១៨៨៣ ។ គម្រោងនេះត្រូវបានរួមបញ្ចូលដោយការចនាបទចំនួនពីរ គឺរចនាបថរបស់លោកហ្គ័រឌី និងរចនាបថសិល្បៈ Art Nouveau ។ លោកហ្គ័រឌីបានចំណាយពេលវេលាចុងក្រោយនៃការសាងសង់លើគម្រោងរហូតដល់បាត់បង់ជីវិតនៅវ័យ៧៣ក្នុងឆ្នាំ១៩២៦។ ក្នុងអំឡុងពេលនោះតិចជាង១ភាគ៤នៃគម្រោងត្រូវបានសាងសង់បញ្ចប់ ។ ចាប់តាំងពីពេលនោះមកការវិវឌ្ឍនៃសំណង់ព្រះវិហារ Sagrada Familia មានសភាពយឺតយ៉ាវដោយសារតែខ្វះជំនួយ និងត្រូវបានបង្អាក់ដោយសារសង្គ្រាមស៊ីវិលអេស្ប៉ាញ ។ ទោះជាយ៉ាងណាក៏ដោយ សំណង់នោះនឹងរួចរាល់ជាស្ថាពរនៅឆ្នាំ ២០១៦ ពោលគឺជាឆ្នាំគម្រប់ខួប១សតវត្សនៃការស្លាប់របស់លោកហ្គ័រឌី តែម្តង ។
លក្ខណៈពិសេសរបស់ព្រះវិហារ Sagrada Familia មានកំពូលស្រួចចំនួន៨ សំណង់បែបបុរាណជាមួយនឹងពណ៌ ព្រមទាំងការរចនាបថយ៉ាងប្រណីត ។ សសររបស់សំណង់ប្រាសាទមានរូបអណ្តើកទ្រ ។ ហើយអាចផ្ទុកសាវ័កចំនួន ៩០០០នាក់ ។ វាមានប្រវែងបណ្តោយ៩០ម៉ែត្រ និងទទឹង៦០ម៉ែត្រ ៕
ចែករំលែកព័តមាននេះ