AFP ផ្សាយកាលពីពេល ថ្មីៗកន្លងមកថា គណៈកម្មការក្រសួងទេសចរណ៍នេបា៉ល់ បញ្ជាក់ថា អាជ្ញាធរកំពុងពិចារណាលើជនពិការ និងអ្នកមានអាយុច្រើនមិនឱ្យឡើងភ្នំ «អេវើរ៉េស» និងភ្នំដទៃទៀតដើម្បីការពារសុវត្ថិភាព ។
សំណើរបស់ច្បាប់នោះកើតមានក្រោយពីរញ្ជួយដីដ៏ខ្លាំងកាលពី៥ខែមុន សម្លាប់ជនជាតិណេប៉ាល់ និងអ្នកទេសចរបរទេសជាច្រើនពាន់នាក់ ក្នុងចំនួននោះមានអ្នកឡើងភ្នំចំនួន១៨នាក់ដែរ ។ ទោះបីជាបែបណាក៏ដោយ សំណើនោះអាចរងការរិះគន់ថាជាការរើសអើង ។
លោកហ្គោវិនថា មន្ត្រីជាន់ខ្ពស់នក្រសួងទេសចរណ៍នេប៉ាល់និយាយថា ការឡើងកំពូលភ្នំ «អេវើរ៉េស» មិនមែនជារឿងលេងសើច ហើយសំណើនេះមិនមែនជាការរើសអើងទេ ។ ក្នុងករណីជនពិការគេចាំបាច់ត្រូវមានអ្នកផ្សេងជួយគ្រាហ៍ឡើងភ្នំ ។ ក្រៅពីនេះរដ្ឋាភិបាលបានពិចារណាអាចចេញច្បាប់ឱ្យអ្នកឡើងភ្នំអេវើរ៉េស ត្រូវឆ្លងកាត់ការឡើងភ្នំមួយផ្សេងទៀត ដែលមានកម្ពស់៦.៥០០ម៉ែត្រជាមុនសិន ដើម្បីពិសោធន៍ឱ្យដឹងថា អាចទប់ទល់លើកំពូលភ្នំដែលមានកម្ពស់៨៨៤៨ម៉ែត្រនោះបាន ឬអត់ ។
នៅក្នុងកំណត់ហេតុ ជនពិការអាចឡើងភ្នំអេវើរ៉េសបានដោយជោគជ័យ រួមមានលោកម៉ាកអីុងគ្លីសជនពិការជើងពីប្រទេសនូវែលសេឡង់ និងលោកអីុរិក វ៉ាយហេនម៉េយ័រ ជនជាតិអាមេរិកពិការភ្នែក ។ ក្រៅពីនេះក៏មានមនុស្សវ័យចំណាស់ដែលឡើងភ្នំខ្ពស់បំផុតនៅលើពិភពលោកបាន គឺលោកយូអីុជីរ៉ូ មីអ៊ុរ៉ា អាយុ៨២ឆ្នាំ អាចឡើងដល់កំពូលភ្នំនៅក្នុងអាយុ៨០ឆ្នាំ ៕
ចែករំលែកព័តមាននេះ