សារព័ត៌មានបរទេសកាលពីពេល ថ្មីៗកន្លងមកផ្សាយថា រឿងហេតុដ៏គួរឱ្យគឺភ្ញាក់ផ្អើលមួយគឺផ្ទៃពោះរូបភាពស្គែនរបស់ស្ដ្រីមានគភ៌ម្នាក់បង្ហាញរូបស្រដៀងផ្ទៃមុខបុរសចំណាស់កំពុងថើមថ្ពាល់របស់កូនក្នុងផ្ទៃ ។ ស្ដ្រីជាម្ដាយភ្ញាក់ផ្អើលហើយមានជំនឿថា រូបផ្ទៃមុខចម្លែកនោះជារូបរបស់លោកតារបស់នាង ។
នាងជេត ហនប៊ី អាយុ២១ឆ្នាំ កាលពី២ឆ្នាំមុនបានធ្វើដំណើរទៅឆ្លុះអេកូ ដោយម៉ាសីុនស្គែននៅមន្ទីរពេទ្យមួយក្នុងចក្រភពអង់គ្លេស ។លទ្ធផលធ្វើឱ្យនាងជេត ហនប៊ីភ្ញាក់ផ្អើល ដោយឃើញរូបភាពបុរសចំណាស់កំពុងថើបទារកក្នុងផ្ទៃ ។ នាងមានការភិតភ័យ និងគិតថាជារូបមនុស្សចាស់ដែលរូបនាងធ្លាប់ស្គាល់ ។ នៅពេលត្រឡប់ទៅដល់ផ្ទះមើលរូបថតម្ដងទៀត នាងក៏ភ្ញាក់ផ្អើលព្រោះថា រូបភាពលោកតាជែក ហនប៊ី ដែលស្លាប់កាលពីឆ្នាំ២០១៧ ។
នាងជេត ហនប៊ី និយាយថា «ខ្ញុំភ័យខ្លាចនៅពេលឃើញរូបគាត់ប្រៀបដូចជាខ្មោចបេះ ខ្ញុំមានអារម្មណ៍ថា គាត់គឺលោកតាជែក ហនប៊ី ព្រោះដូចគ្នាទាំងភ្នែក ច្រមុះ និងមាត់ ។ ពួកយើងគ្រប់រូបស្ទើរតែមិនជឿថាជារូបរបស់លោកតាជែក ហនប៊ី បើជាការពិតខ្ញុំសូមឱ្យគាត់ជួយគ្រប់គ្រងកូនស្រីរបស់ខ្ញុំឱ្យមានសុខភាពល្អ ហើយខ្ញុំក៏គិតថានេះមិនមែនជារឿងអាក្រក់ទេ ព្រោះខ្ញុំបានចាំលោកតារបស់ខ្ញុំ ច្បាស់ និងសង្ឃឹមថាគាត់នឹងថែរក្សាចៅស្រីដ៏តូចនេះឱ្យបានល្អ» ៕
ចែករំលែកព័តមាននេះ