រាជធានីភ្នំពេញ ៖ ក្រសួងការងារបានសម្រេចបញ្ឈប់ផ្តល់លិខិតអនុញ្ញាតចេញ-ចូល ដល់រោងចក្រសហគ្រាស និងសិប្បកម្ម នៅភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ។ យោងតាមសេចក្តីជូនដំណឹងបានបញ្ឈប់ការផ្តល់ «លិខិតអនុញ្ញាតចេញ-ចូល…
រាជធានីភ្នំពេញ ៖ ក្រសួងការងារបានសម្រេចបញ្ឈប់ផ្តល់លិខិតអនុញ្ញាតចេញ-ចូល ដល់រោងចក្រសហគ្រាស និងសិប្បកម្ម នៅភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ។
យោងតាមសេចក្តីជូនដំណឹងបានបញ្ឈប់ការផ្តល់ «លិខិតអនុញ្ញាតចេញ-ចូល ដល់រោងចក្រ សហគ្រាស និងសិប្បកម្ម នៅភូមិសាស្តរាជធានីភ្នំពេញ និងក្រុងតាខ្មៅនៃខេត្តកណ្តាល ។
ក្រសួងការងារ និងបណ្តុះបណ្តាលវិជ្ជាជីវៈ សូមជម្រាបជូនលោក លោកស្រីជាម្ចាស់ ឬនាយករោងចក សហគ្រាស និងសិប្បកម្ម ព្រមទាំងសាធារណជនជ្រាបថា គិតត្រឹមម៉ោង៤៖០០រសៀលនេះ ក្រសួង និងមន្ទីរការងារ និងបណ្តុះបណ្តាលវិជ្ជាជីវៈខេត្តកណ្តាលបានចេញ «លិខិតអនុញ្ញាតចេញ-ចូល» ចំនួន១០៧៩៨ សន្លឹក។
ក្រសួងបន្តថា យោងសេចក្តីសម្រេចលេខ៤៩សសរ របស់រាជរដ្ឋាភិបាល ស្តីពីការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងគោលការណ៍ឯកភាពរបស់គណៈកម្មការជាតិ គ.ប.ខ ក្រសួងសម្រេចបញ្ឈប់ការផ្ដល់ «លិខិតអនុញ្ញាតចេញ-ចូល» ជូនរោងចក្រ សហគ្រាស និងសិប្បកម្មចាប់ ពីពេលជូនដំណឹងនេះតទៅ។
លោក លោកស្រីជាម្ចាស់ ឬនាយករោងចក្រ សហគ្រាស និងសិប្បកម្ម អាចទៅស្នើសុំលិខិតអនុញ្ញាតឱ្យដំណើរការសកម្មភាពអាជីវកម្មពីអាជ្ញាធរមានសមត្ថកិច្ចដែលនៅជិតបំផុត ។ នៅពេលធ្វើដំណើរ សូមលោក លោកស្រី និងបងប្អូនកម្មករនិយោជិត ដែលមានការអនុញ្ញាតឱ្យបន្តសកម្មភាពអាជីវកម្មយកជាប់ខ្លួនជានិច្ចនូវ ៖
១. លិខិតអនុញ្ញាតឱ្យដំណើរការសកម្មភាពអាជីវកម្ម ។ ២. ឯកសារបញ្ជាក់អំពីតួនាទីការងារ មុខរបរ ឬអាជីវកម្ម (បណ្ណកម្មករ ឬបណ្ណបុគ្គលិក) ៣. អត្តសញ្ញាណប័ណ្ណសញ្ជាតិខ្មែរ ឬលិខិតបញ្ជាក់ទីលំនៅ៕
ចែករំលែកព័តមាននេះ