ស្ពានក្រាលកញ្ចក់ដំបូងគេរបស់ចិនឈ្មោះ «Haoham Qiao» ប្រែថា «ស្ពានបុរសក្លាហាន» ប្រវែង៣០០ម៉ែត្រ និងកម្ពស់១៨០ម៉ែត្របានបើកឱ្យប្រើប្រាស់ជាសាធារណៈហើយ ។
ស្ពាននោះឆ្លងកាត់ឧទ្យានជាតិ Shiniuzai ភាគខាងត្បូងប្រទេសចិនដែលក្រាលកញ្ចក់ ល្អៗមានកម្រាស់២៤មីល្លីម៉ែត្រ ។ ស្ពាន Hahan Qiao មានបង្កាន់ដៃដែកការពារអ្នកធ្វើដំណើរកុំឱ្យរបូតដៃធ្លាក់ទៅក្រោម ។
អមជាមួយនឹងទេសភាពឧទ្យានជាតិ Shiniuzai ស្ពានក្រាលកញ្ចក់ Haohan Qiao ដំបូងគេរបស់ចិននឹងទាក់ទាញអ្នកទេសចរជាតិ និងអន្តរជាតិទៅកម្សាន្តប្រកបដោយសុវត្ថិភាព។ អំឡុងពេលបើកសម្ពោធជាផ្លូវការនេះមានអ្នកដំណើរសាកល្បងដើរលើស្ពានទាំងអារម្មណ៍ភ័យរន្ធត់ ទោះបីជាមានឧបករណ៍ការពារក៏ដោយ ពោលគឺពួកគេមានអារម្មណ៍ស្រៀវពេលមើលឆ្លុះតាមរយៈកញ្ចក់ទៅខាងក្រោម ។
ប្រវត្តិស្ពាននោះ គឺដំបូងធ្វើពីឈើ តែកាលពីឆ្នាំ២០១៤ ត្រូវដាក់ជំនួសដោយកញ្ចក់មួយផ្ទាំង ហើយក្រោយមកអាជ្ញាធរសម្រេចចិត្តឱ្យកែលម្អដោយសង់់ពីកញ្ចក់ទាំងស្រុងតែម្តង។ ស្ពានកញ្ចក់នោះនឹងក្លាយជាស្ពានខ្ពស់់ និងវែងជាងគេលើពិភពលោក ៕
ចែករំលែកព័តមាននេះ