Bosch ដែលជាក្រុមហ៊ុនផ្គត់ផ្គង់សម្ភាររថយន្តធំជាងគេបំផុតលើពិភពលោកកំពុងផលិតបច្ចេកវិទ្យាថាមពលថ្មថ្មី ដែលអះអាងថា វានឹងបង្កើនសមត្ថភាពរថយន្តអគ្គិសនីទ្វេដងនៅឆ្នាំ២០២០ ។ លក្ខណៈពិសេសរបស់ថ្មរថយន្តអគ្គិសនី
Bosch ដែលជាក្រុមហ៊ុនផ្គត់ផ្គង់សម្ភាររថយន្តធំជាងគេបំផុតលើពិភពលោកកំពុងផលិតបច្ចេកវិទ្យាថាមពលថ្មថ្មី ដែលអះអាងថា វានឹងបង្កើនសមត្ថភាពរថយន្តអគ្គិសនីទ្វេដងនៅឆ្នាំ២០២០ ។ លក្ខណៈពិសេសរបស់ថ្មរថយន្តអគ្គិសនីនឹងប្រើប្រាស់បច្ចេកវិទ្យាថ្មី គឺផ្អែកលើសមាសភាពរឹងមាំ ។
លោកវ៉ុលខ្មា ឌេនន័រ នាយកប្រតិបត្តិប្រចាំក្រុមហ៊ុននិយាយថា Bosch កំពុងប្រើប្រាស់ភាពឆ្លាតវៃ និងប្រភពធនធានហិរញ្ញវត្ថុរបស់ខ្លួនដើម្បីទម្លាយភាពទាល់ច្រកសម្រាប់ការចល័តរថយន្តអគ្គិសនី ។ តាមរយៈការប្រើប្រាស់ Solid State Cell មានន័យថា មានទាំងអេឡិចត្រូត និងអេឡិចត្រូលីត។ ក្រុមហ៊ុនបានសម្លឹងឃើញពីសក្តានុពលដើម្បីបង្កើនដង់ស៊ីតេថាមពលទ្វេដង ខណៈពេលជាមួយគ្នានេះដែរនឹងកាត់បន្ថយតម្រូវការទំហំប្រមាណជា៧៥ភាគរយ និងបង្កើនសុវត្ថិភាពជាមួយនឹងវត្ថុមិនងាយឆាបឆេះជាដើម ។ បើប្រៀបធៀបជាមួយនឹងរថយន្តអគ្គិសនីពេលបច្ចុប្បន្នធ្វើដំណើរបាន១៥០គីឡូម៉ែត្រ ខណៈរថយន្តបំពាក់បច្ចេកវិទ្យាថ្មថ្មីនឹងបង្កើនល្បឿនដល់ទៅ៣០០គីឡូម៉ែត្រ ដោយពុំចាំបាច់សាកថ្មនេះទេ ចំណែកឯតម្លៃក៏ទាបដែរ ។ ថ្មលីត្យូមបច្ចុប្បន្នដែលជាសមត្ថភាពថាមពលដ៏សំខាន់មានដែនកំណត់ ព្រោះថាអាណូតមានកម្រិត Graphite ដែលជាធ្យូងកាបោនធំពេក ។
កាលពីឆ្នាំ២០១៤ ក្រុមហ៊ុន Bosch បានចូលរួមជាមួយក្រុមហ៊ុន Mitsubishi Corporation និងក្រុមហ៊ុន GS Yuasa ក្នុងការបណ្តាក់ទុនថាមពលថ្មលីត្យូម និងកម្លាំង ។ នៅឆ្នាំ២០២៥ ក្រុមហ៊ុនអាល្លឺម៉ង់ព្យាករថា ១៥ភាគរយនៃរថយន្តអគ្គិសនីលើពិភពលោកទាំងអស់នឹងមានថាមពល Hybrid Powertrain ខណៈនៅអឺរ៉ុបច្រើនជាង 1/3 នៃរថយន្តថ្មីនឹងប្រើប្រាស់ថាមពលអគ្គិសនី ៕
ចែករំលែកព័តមាននេះ