រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ករណីស្លា.ប់បុរសជនជាតិបារាំងអាយុ៨៦ឆ្នាំ ដោយសារជំងឺកូវីដ-១៩។ក្រសួងសុខាភិបាលនៃព្រះរាជាណាចក្រកម្ពុជា បានលើកឡើងឲ្យដឹងនៅថ្ងៃទី១៤ ខែមេសាថា យោងតាមរបាយការណ៍ពីមន្ទីរពេទ្យជោរៃ បានឱ្យដឹងថា បុរសជនជាតិបារាំងអាយុ៨៦ឆ្នាំ…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ករណីស្លា.ប់បុរសជនជាតិបារាំងអាយុ៨៦ឆ្នាំ ដោយសារជំងឺកូវីដ-១៩។
ក្រសួងសុខាភិបាលនៃព្រះរាជាណាចក្រកម្ពុជា បានលើកឡើងឲ្យដឹងនៅថ្ងៃទី១៤ ខែមេសាថា យោងតាមរបាយការណ៍ពីមន្ទីរពេទ្យជោរៃ បានឱ្យដឹងថា បុរសជនជាតិបារាំងអាយុ៨៦ឆ្នាំ រស់នៅសង្កាត់សំរោង ខណ្ឌព្រែកព្នៅ រាជធានីភ្នំពេញ បានចូលមកមន្ទីរពេទ្យនាថ្ងៃទី១១ ខែមេសា ឆ្នាំ២០២១ វេលាម៉ោង១២ :០០នាទីថ្ងៃត្រង់ ។
អ្នកជំងឺខាងលើ បានចូលមកដល់មន្ទីរពេទ្យនៅថ្ងៃទី១១ ខែមេសា ឆ្នាំ២០២១ វេលាម៉ោង ១២:០០នាទី ជាមួយនឹងស្ថានភាពស្លា.ប់បាត់បង់ជីវិតរួចទៅហើយមុនពេលចូលដល់មន្ទីរពេទ្យ។ ដោយជាករណីសង្ស័យ ស.ពត្រូវបានយកសំណាកធ្វើវិភាគ ជាលទ្ធផលបញ្ជាក់ថា ស.ពមានវិជ្ជមានកូវីដ-១៩ បញ្ជាក់ដោយមន្ទីរពិសោធន៍ជាតិសុខភាពសាធារណៈ នៅថ្ងៃទី១២ ខែមេសា ឆ្នាំ២០២១។
ក្រសួងបន្តថា ការសន្និដ្ឋានរបស់ក្រុមគ្រូពេទ្យ៖បុរសជនជាតិបារាំងអាយុ៨៦ឆ្នាំខាងលើនេះ បានស្លា.ប់បាត់បង់ជីវិតដោយសារជំងឺកូវីដ-១៩ មុនពេលចូលដល់មន្ទីរពេទ្យ ( Mourant entrant avec COVID-19) ។
ក្រសួងសុខាភិបាល សូមចូលរួមចំណែកសោកស្តាយជាពន់ពេក និងសូមចូលរួមមរណទុក្ខយ៉ាងក្រៀមក្រំជាទីបំផុតជាមួយក្រុមគ្រួសារស.ព។ សូមជម្រាបថា កម្ពុជាមានករណីស្លា.ប់ដោយសារជំងឺកូវីដ១៩ ចំនួន៣៦នាក់ហើយ បើគិតត្រឹមថ្ងៃទី១៤ មេសា ឆ្នាំ២០២១នេះ៕
ចែករំលែកព័តមាននេះ