រាជធានីភ្នំពេញ ៖ ក្រុមគ្រួសារលោកហួរ ឡាវី មានវិបត្តិធ្ងន់ជាងគេ អំឡុងពេលផ្ទុះរលកទី៣ កូវីដ១៩នេះ។ សមាជិកលោក មានអ្នកកើត មួយចំនួន ដូចជាភរិយា កូនស្រីច្បងកំពុងពពោះ វី ឌីណា វី ឌីណែត និងប្អូនស្រីពៅ វី លីដា។ អ្នកណាៗក៏ស្លុតចិត្តនៅពេល មួយប៉ព្រិចភ្នែកសោះជួបរឿងខ្លោចផ្សារ និរាសគ្នាបែកបាក់ ពិសេសបាត់បង់ប្រពន្ឋ ម្តាយជាទីគោរពដែលតែងតែផ្តល់ការអប់រំដល់កូនប្រចាំ។
ចំពោះអ្នកនាង វី ឌីណា បងស្រីរបស់តារាចម្រៀង វី ឌីណែត ដែលកាលពីពេលកន្លងទៅ បានធ្វើឱ្យមហាជនផ្ទុះការអាណិតអាសូរយ៉ាងខ្លាំង ដោយសារតែអ្នកនាងឆ្លងវីរុសកូវីដ-១៩ ទាំងកំពុងពពោះកូនក្នុងផ្ទៃ ៧ ខែនោះ បានប្រកាសជាសះស្បើយហើយនៅថ្ងៃទី ៨ ខែមេសា ឆ្នាំ ២០២១ នេះ។ខណៈបានជាសះស្បើយត្រលប់ទៅផ្ទះវិញ បងស្រីតារាចម្រៀងស្រីខាងលើ បានរៀបរាប់ថា «ថ្ងៃនេះនាងខ្ញុំ វី ឌីណា ស្វាមី និង តាំតូច បានត្រលប់ទៅផ្ទះវិញហើយ ដោយពួកយើងបានជាសះស្បើយហើយពីជំងឺកូវីដមួយនេះ ។ពួកយើងសូមអរគុណដល់ប៉ាម៉ាក់ អ៊ំពូមីង បងប្អូន និង មិត្តភក្ដិទាំងអស់ដែលបានលើកទឹកចិត្ត ព្រមទាំងជួយផ្គត់ផ្គងចំណីអាហាររបស់របរផ្សេងៗទៀត សូមអរគុណខ្លាំងបំផុត» ។
ចំណែក ប្អូនស្រី លីដា បានសរសេរបង្ហោះដែរថា « ម៉ាក់ថ្ងៃនេះណា Dina Vy និងកូនប្រសារម៉ាក់ Pich Kagnarith ព្រមទាំងចៅប្រុសម៉ាក់មកដល់ផ្ទះវិញហើយ ពួកយើងជិតបានជួបជុំគ្នាដូចមុនហើយ គ្រាន់តែខ្វះសំឡេងឡូឡារបស់ម៉ាក់។ ប៉ានៅតែមិនអស់ចិត្ត ឃើញមុខកូនៗក៏នឹកដល់ម៉ាក់រហូត ប៉ាអើយកូនៗដឹងថាប៉ានឹកម៉ាក់😭😭😭។
អ្វីៗ បានសល់ត្រឹមតែអនុស្សាកន្លងមក ដែលក្រុមគ្រួសារតារាល្បី ឈ្មោះមួយនេះបានបន្សល់នៅ។ មានតែពាក្យកាត់ចិត្តប៉ុណ្ណោះ សំខាន់គ្មានអ្នកណាចង់ព្រាត់ឡើយ ។ នេះជាវាសនាកម្រិតមិនខុសគ្នា សុំត្រឹមតែតស៊ូដើម្បីជីវិតបន្តទៀត។ ដោយ៖ ខាត់ សាមឿន
ចែករំលែកព័តមាននេះ