មុនចូលតុលាការ មេធាវីជិត១០នាក់ ស្ម័គ្រចិត្តការពារក្តីជូន សន្តិសុខធានាគារ ABA មិនគិតថ្លៃ
រាជធានីភ្នំពេញ ៖ នាព្រឹកថ្ងៃទី០៨ មេសា ២០២១នេះ កម្លាំងនគរបាលខណ្ឌសែនសុខ បានបញ្ជូនជនសង្ស័យឈ្មោះ ភឿន ភិរះ ជាមន្ត្រីនគរបាល…
រាជធានីភ្នំពេញ ៖ នាព្រឹកថ្ងៃទី០៨ មេសា ២០២១នេះ កម្លាំងនគរបាលខណ្ឌសែនសុខ បានបញ្ជូនជនសង្ស័យឈ្មោះ ភឿន ភិរះ ជាមន្ត្រីនគរបាល…
រាជធានីភ្នំពេញ ៖ នាព្រឹកថ្ងៃទី០៨ មេសា ២០២១នេះ កម្លាំងនគរបាលខណ្ឌសែនសុខ បានបញ្ជូនជនសង្ស័យឈ្មោះ ភឿន ភិរះ ជាមន្ត្រីនគរបាល និងជាសន្តិសុខធានាគារ ABA ដែលបាញ់បុរសម្នាក់ស្លា.ប់ នៅក្រោមស្ពានអាកាសផ្សារដីហុយ ទៅកាន់សាលាដំបូងរាជធានីភ្នំពេញ ដើម្បីកាត់ទោសតាមច្បាប់ ។
នៅព្រឹកថ្ងៃដដែលនេះ គេឃើញបុរសម្នាក់ឈ្មោះ ឆន សំណាង អះអាងថា ជាមេធាវីការពារក្តីឲ្យជនសង្ស័យ ដោយពុំយកប្រាក់នោះទេ ។ ខណៈនោះដែរ លោកមេធាវី ក៏បានសុំថតរូប ជាមួយជនសង្ស័យទុកជាអនុស្សាវរីយ៍ផងដែរ ។ ទោះបីជាយ៉ាងណា ជនសង្ស័យរូបនេះ ត្រូវគេដឹងថា គឺមានមេធាវីជាច្រើននាក់ កំពុងរង់ចាំចូលខ្លួនចូលមកដើម្បីការពាររូបលោក ដោយមិនគិតថ្លៃអ្វីទាំងអស់ ។
ជាមួយគ្នានេះដែរ ក្រុមមេធាវី បានអះអាងថា ការស្វះស្វែងគាំពារផ្នែកច្បាប់នេះ ដើម្បីការពារសិទ្ធិជនសង្ស័យក្នុងការទទួលបានយុត្តិធម៌ តាមនីតិវិធីច្បាប់ យ៉ាងហោចណាស់ចំនួន ៨រូបទៀត បានចេញមកជួយការពារក្តី មិនយកប្រាក់ ដោយសារមើលឃើញស្ថានភាពគ្រួសារជនសង្ស័យ ភឿន ភិរះ ជាកូនកំព្រាឪពុក និងជាអតីតតបញ្ញវន្ត ដែលបានទទួលអាហារូបករណ៍ ផ្នែកភាសាបារាំង នៅសាកលវិទ្យាល័យភូមិន្ទភ្នំពេញ ។
មេធាវីទាំង៨រូប ដែលបានស្ម័គ្រចិត្តចូលខ្លួនការពារក្តី ដោយមិនគិតថ្លៃជូនជនសង្ស័យ ភឿន ភិរះ រួមមាន ៖ ១-មេធាវី អ៊ន ហ៊ីង, ២-មេធាវី នី ចាន់ឌី, ៣-មេធាវី ឈរ ស៊ុនហុង, ៤-មេធាវី ស៊ឹង ច័ន្ទកន្និកា, ៥-មេធាវី សាន សុផា, ៦-មេធាវី ណែប ម៉ូនីកា, ៧-មេធាវី ប៉ាល់ វណ្ណារី និង៨-មេធាវី អោម ប៊ុនថា ។
ដោយឡែក នៅព្រឹកនេះដែរ ក៏មានសប្បរសជនម្នាក់ គឺលោកវរសេនីយ៍ឯក លាងតុងសួរ បានផ្ញើប្រាក់ចំនួន១០០ដុល្លារ តាមរយៈអធិការរងខណ្ឌសែនសុខម្នាក់ ដើម្បីឧបត្ថម្ភយកទៅប្រគល់ឱ្យជនសង្ស័យជាការលើកទឹកចិត្ត មុនពេលដែលជនសង្ស័យត្រូវបានបញ្ជូនទៅកាន់សាលាដំបូងរាជធានីភ្នំពេញ ។
ទាក់ទិនករណីបាញ់បុរសម្នាក់ស្លា.ប់មុខធនាគារ ABA ខាងលើ កត់សម្គាល់ឃើញថា មានសមត្ថកិច្ច ពិសេសគឺមហាជនជាច្រើននៅលើបណ្តាញសង្គមបានបញ្ចេញមតិគាំទ្រលើជនសង្ស័យរូបនេះថា ព្រោះតែដើម្បីការពារខ្លួនទើបគាត់ត្រូវបាញ់បែបនេះ ។ មហាជនបន្តថា ដូច្នេះ សូមច្បាប់មេត្តាគាត់ ដោយកុំយកទោសពីគាត់អី ។ ក្នុងនោះ មហាជនបានបង្ហាញអារម្មណ៍ក្តីអាណិតទៅលើជនសង្ស័យដោយមានពាក្យជូនពរលើជនសង្ស័យជាច្រើនផងដែរ ។
តើតុលាការ សម្រេចចោទប្រកាន់ ឬមិនចោទប្រកាន់ ឬមួយក៏បន្ធូរបន្ថយទោសយ៉ាងណានោះ រង់ចាំមើល ទាំងអស់គ្នា ?
សូមរំលឹកថា បុរសម្នាក់ត្រូវបានសន្តិសុខយាមនៅធនាគារវឌ្ឍនះអាស៊ី ចំកាត់ (ABA) សាខាទឹកថ្លាបាញ់ស្លាប់ ខណៈពេលបុរសនោះបានប្រើកាំបិតចុងស្រួចព្យាយាមស្ទុះចូលចាក់ ។ ហេតុការណ៍ផ្ទុះអាវុធនេះ បង្កអោយមានការភ្ញាកផ្អើល កាលពីវេលាម៉ោងប្រមាណ៩យប់ថ្ងៃទី០៦ ខែ មេសា ឆ្នាំ២០២១ នៅចំណុចមុខធានាគារ(ABA) សាខាទឹកថ្លា ដែលស្ថិតនៅតាមបណ្តោយមហាវិថីសហពន្ធរុស្ស៊ី ក្រោមស្ពានអាកាសផ្សារដីហុយ ក្នុងភូមិ ចុងថ្នល់ខាងកើត សង្កាត់ទឹកថ្លាខណ្ឌសែនសុខ រាជធានីភ្នំពេញ។ បន្ទាប់ពីផ្ទះអាវុធ សន្តិសុខ រូបបនោះ ដែលជាមន្ត្រីនគរបាល ត្រូវបាននគរបាលខណ្ឌសែនសុខឃាត់ខ្លួន ទាំងដកហូតកាំភ្លើង ខ្លីម៉ាករ៉ូឡូ មួយដើមផងដែរ ៕
ចែករំលែកព័តមាននេះ