រាជធានីភ្នំពេញ ៖ អតីតតារាចម្រៀងល្បីឈ្មោះក្នុងស្រុកមួយរូប គឺអ្នកនាងឆោម និមល ហើយក៏ត្រូវជាប្អូនស្រីអ្នកស្រីឆោម ឆវិន ដែលបានចាកចេញទៅរស់នៅសហរដ្ឋអាមេរិកជាច្រើនឆ្នាំមកហើយ។ អ្នកនាង ឆោម…
រាជធានីភ្នំពេញ ៖ អតីតតារាចម្រៀងល្បីឈ្មោះក្នុងស្រុកមួយរូប គឺអ្នកនាងឆោម និមល ហើយក៏ត្រូវជាប្អូនស្រីអ្នកស្រីឆោម
ឆវិន ដែលបានចាកចេញទៅរស់នៅសហរដ្ឋអាមេរិកជាច្រើនឆ្នាំមកហើយ។
អ្នកនាង ឆោម និមល នៅតែប្រកបការងារសិល្បៈ ទោះនៅស្រុកស៊ីវិល័យ ហើយសំឡេងទៀតសោតឃើញថា ពីរោះរណ្តំមិនចាញ់ពីមុនឡើយ។ យ៉ាងណាមិញ នៅសហរដ្ឋអាមេរិកក៏ផ្ទុះនូវ រលកមេរោគកូវីដ១៩ខ្លាំងមិនណយដែរ ។ បែបនេះហើយ ទើបធ្វើអោយពលរដ្ឋដែលរស់នៅទីនោះ ការពារខ្លួន រក្សាអនាម័យអោយខ្ពស់ ខណៈកម្ពុជាយើងក៏រដ្ឋាភិបាល បានតស៊ូយ៉ាងខ្លាំងការពារសុខភាពប្រជាពលរដ្ឋខ្លួន។
អ្នកនាង ឆោម និមល វិញ បានឆ្លៀតពេលពីការងាររួសរាន់ចេញទៅចាក់វ៉ាក់សាំងការពារ វីរុសមេរោគកូវីដ១៩ ដែលតាមការអោយដឹង អ្នកនាងបានចាក់រួចរាល់២លើកហើយ ។ ពេលនេះ អ្នកនាងធូរចិត្តដែលក្នុងរាងកាយមានវ៉ាក់សាំងការពារជំងឺ សាហាវនេះ មិនអោយយារយីបាន។
បើទោះជាអ្នកនាង ឆោម និមល រស់នៅស្រុកអាមេរិកច្រើនឆ្នាំមែន តែអំឡុងស្រុកកំណើតមិនទាន់ផ្ទុះកូវីដ អ្នកនាងរមែងមកលេងភូមិដ្ឋានជាប្រចាំ និងបានឡើងច្រៀងសម្តែងតាមកញ្ចក់ទូរទស្សន៍។ ម្ចាស់បទ«មង្គលយើង» នេះនៅតែមានជីវិតស្នេហា អាថ៌កំបាំង ដោយនៅមិនទាន់ឃើញបង្ហាញមុខម្ចាស់ស្នេហ៍ឱ្យគេបានដឹង ខណៈអ្នកនាងចូលចិត្តរស់នៅបែបឯករាជ្យ។ ដោយ៖ ខាត់ សាមឿន
ចែករំលែកព័តមាននេះ