ខេត្តបន្ទាយមានជ័យ ចាក់វ៉ាក់សាំងបង្ការកូវីដ១៩ ដល់មន្ត្រី និងកងកម្លាំងជាង ៨ពាន់នាក់
- បន្ទាយមានជ័យ
បន្ទាយមានជ័យ៖ ខេត្តបន្ទាយមានជ័យ បានចាក់វ៉ាក់សាំងបង្ការកូវីដ១៩ ដល់មន្ត្រី និងកងកម្លាំង ដោយចាក់លើកទី១ បានចំនួន ៥,០៥៥នាក់ និងលើកទី២ បាន…
បន្ទាយមានជ័យ៖ ខេត្តបន្ទាយមានជ័យ បានចាក់វ៉ាក់សាំងបង្ការកូវីដ១៩ ដល់មន្ត្រី និងកងកម្លាំង ដោយចាក់លើកទី១ បានចំនួន ៥,០៥៥នាក់ និងលើកទី២ បាន…
បន្ទាយមានជ័យ៖ ខេត្តបន្ទាយមានជ័យ បានចាក់វ៉ាក់សាំងបង្ការកូវីដ១៩ ដល់មន្ត្រី និងកងកម្លាំង ដោយចាក់លើកទី១ បានចំនួន ៥,០៥៥នាក់ និងលើកទី២ បាន ៣,២០៦នាក់។ របាយការណ៍នេះ គិតត្រឹមថ្ងៃទី៣១ ខែមីនា ឆ្នាំ២០២១។
លោកវេជ្ជបណ្ឌិត រឿន សុធី អនុប្រធានមន្ទីសុខាភិបាលខេត្តបន្ទាយមានជ័យ បានប្រាប់ថារហូតដល់ថ្ងៃទី៣១ ខែមីនា ឆ្នាំ២០២១ ខេត្តបន្ទាយមានជ័យ បានចាក់វ៉ាក់សាំងដល់មន្ត្រីនិងកងកម្លាំងជួរមុខ ដែលចាក់លើកទី១ បានចំនួន ៥,០៥៥នាក់ ស្រី១,៤៨៣នាក់ លើកទី២ បានចំនួន ៣,២០៦នាក់ ស្រី ៣,៤០០នាក់។
លោកបានបញ្ជាក់ថា ខេត្តបន្ទាយមានជ័យ មានកន្លែងចាក់វ៉ាក់សាំងចំនួន ៤កន្លែង រួមមាន មន្ទីរពេទ្យខេត្ត រឺមន្ទីរពេទ្យមិត្តភាពកម្ពុជា.ជប៉ុន មង្គលបូរី មន្ទីរពេទ្យបង្អែកប៉ោយប៉ែត មន្ទីរពេទ្យបង្អែកថ្មពួក មន្ទីរពេទ្យបង្អែកព្រះនេត្រព្រះ ដែលចាក់វ៉ាក់សាំងជំហ៊ានដំបូង លើមន្ត្រីនិងកងកម្លាំងជួរមុខ ដើម្បីអនុវត្តការងារជាមួយបងប្អូនប្រជាពលរដ្ឋ ដែលត្រឡប់ពីប្រទេសថៃ នៅតាមមណ្ឌល និងការពារទប់ស្កាត់តាមបន្ទាត់ព្រំដែន។
លោកវេជ្ជបណ្ឌិត រឿន សុធី បានបញ្ជាក់ថា យុទ្ធនាការចាក់វ៉ាក់សាំង (SINOVAC) នឹងបន្តចាក់ជូនប្រជាពលរដ្ឋ ចាប់ពីអាយុ ១៨ឆ្នាំឡើង ចំនួន ១៣ទីតាំង លើ ៩ស្រុក/ក្រុង ដែលមានក្រុមគ្រូពេទ្យ ១៣ក្រុម ដោយមាននៅក្រុងសិរីសោភ័ណ ២ទីតាំង ក្រុងប៉ោយប៉ែត២ក្រុម ស្រុកព្រះនេត្រព្រះ ២ក្រុម ស្រុកមង្គលបូរី ២ក្រុម និងស្រុកផ្សេងៗទៀត មានចំនួន១ក្រុម ដែលចាប់ផ្តើមចាក់ នៅថ្ងៃទី០២ ខែមេសា ឆ្នាំ២០២១ នេះ៕ ដោយ៖ ប៊ុន ធឿន
ចែករំលែកព័តមាននេះ