រាជធានីភ្នំពេញ ៖ លោកម៉ម មិថុនា ដែលជាអ្នកនិពន្ធដ៏មានស្នាដៃនៅក្នុងផលិតកម្មហង្សមាស ត្រូវបានប្រកាសថា លទ្ធផលធ្វើតេស្ត គឺមានវិជ្ជមានកូវីដ១៩ បន្ទាប់ពីលោកធ្វើតេស្តជាលើកទី២។ នេះជាបុគ្គលសំខាន់មួយទៀតដែលផ្ទុកវីរុសកូវីដ១៩…
រាជធានីភ្នំពេញ ៖ លោកម៉ម មិថុនា ដែលជាអ្នកនិពន្ធដ៏មានស្នាដៃនៅក្នុងផលិតកម្មហង្សមាស ត្រូវបានប្រកាសថា លទ្ធផលធ្វើតេស្ត គឺមានវិជ្ជមានកូវីដ១៩ បន្ទាប់ពីលោកធ្វើតេស្តជាលើកទី២។ នេះជាបុគ្គលសំខាន់មួយទៀតដែលផ្ទុកវីរុសកូវីដ១៩ នៅក្នុងទ្រនំផលិតកម្មដ៏ធំនេះ ហើយក៏ញ៉ាំងឱ្យបញ្ហាមួយនេះកាន់តែកក្រើកឡើងៗ ជុំវិញរលកកូវីដផ្ទុះឡើងម្តងទៀត។
ប្រិយមិត្តភាគតិចបានដឹងថា លោកម៉ម មិថុនា ការណ៍ពិតជាស្វាមីរបស់អ្នកនាង ឌី កានសុភ័ក្រនាថ ប្អូនស្រី ឌី កានកុល្លីន ដែលជាអតីតតារាចម្រៀងយេរៗ ហើយ២នាក់បងប្អូននេះក៏បានអង្រួនសិល្បៈតាំងពីឆ្នាំ១៩៩៩ មកម្ល៉េះ។
ចំណែកភាពឆ្លងវីរុសទៅលើអ្នកសិល្បៈ បានកកើតឡើងមិនបញ្ចប់ឡើយ ដោយនាយប់ថ្ងៃទី១៦ ខែមីនា ឆ្នាំ២០២១នេះ បានរកឃើញតារាចម្រៀង និងសម្តែងលោកបញ្ញា សិទ្ឋិ ឆ្លងជំងឺនេះហើយចេញមុខប្រកាសឱ្យគេបានដឹង។
យ៉ាងណា នៅថ្ងៃទី១៧ ខែមីនា ឆ្នាំ២០២១នេះ រកឃើញករណីកូវីដមួយថ្មីទៀត លើលោក ម៉ម មិថុនា អ្នកនិពន្ឋដ៏ល្បីឈ្មោះក្នុងផលិតកម្មហង្សមាស។ លោកបានចេញធ្វើតេស្តលើកទី១ តាំងពីថ្ងៃ១០ ខែមីនា មិនមានសញ្ញាវិជ្ជមានឡើយ។ ប៉ុន្តែក្នុងការធ្វើតេស្តលើកទី២ បានផ្តល់សញ្ញាថា លោកកើតមានវីរុសកូវីដ១៩ ពេញលេញ។
គិតមកទល់ពេលនេះ តារាល្បីៗនៅកម្ពុជា ជាច្រើននាក់បានរកឃើញកូវីដ១៩ ធ្វើឱ្យខែមីនា ឆ្នាំ២០២១នេះ ក្លាយជាខែសាងព្រឹត្តិការណ៍សំខាន់មិនធ្លាប់ជួប និងជាប្រវត្តិសាស្ត្រ។ ដូច្នេះសូមបងប្អូន គោរពតាមបទបញ្ជា តាមក្រុមគ្រូពេទ្យបង្ហាញឱ្យបានល្អ រក្សាអនាម័យ និងគម្លាតឱ្យបានគ្រប់ពេល ពាក់ម៉ាស់ និងមានជែល ឬអាល់កុលដាក់តាមខ្លួនជានិច្ច។
ចំណែកនាយចឺម និងក្រុមគ្រួសារវិញ ក៏ត្រូវបានក្រុមគ្រូពេទ្យ រួសរាន់យកសំណាកទៅពិនិត្យផងដែរ ខណៈអ្នកដែលនៅជិតដិតក្បែរនឹងលោកបញ្ញា សិទ្ឋិ ក៏ត្រូវបានប្រកាសឱ្យយកសំណាកទៅពិនិត្យដែរ។
ចែករំលែកព័តមាននេះ