មហាសេដ្ឋីក្នុងតំបន់អាស៊ានមួយរូបចំណាយប្រាក់ជាង៦០០.០០០ដុល្លារទិញស្រាវីស្គី ផលិតនៅប្រទេសជប៉ុនដែលដាក់ដេញថ្លៃនៅហុងកុង និងចាត់ទុកថាជាតម្លៃខ្ពស់បំផុតនៅលើពិភពលោក ។ ក្រុមហ៊ុនដេញថ្លៃ Bonhams
មហាសេដ្ឋីក្នុងតំបន់អាស៊ានមួយរូបចំណាយប្រាក់ជាង៦០០.០០០ដុល្លារទិញស្រាវីស្គី ផលិតនៅប្រទេសជប៉ុនដែលដាក់ដេញថ្លៃនៅហុងកុង និងចាត់ទុកថាជាតម្លៃខ្ពស់បំផុតនៅលើពិភពលោក ។ ក្រុមហ៊ុនដេញថ្លៃ Bonhams មានស្នាក់ការធំនៅហុងកុង ឱ្យដឹងថា កាលពីពេលថ្មីៗកន្លងមកបានយកស្រាវីស្គីពីជប៉ុនដាក់ដេញថ្លៃ និងមានសេដ្ឋីក្នុងតំបន់អាស៊ានម្នាក់ ចំណាយប្រាក់ទិញក្នុងតម្លៃខ្ពស់ ។ មហាសេដ្ឋីរូបនោះបានទិញស្រាវីស្គីរបស់ជប៉ុន ដែលមានស្លាកបិទជារូបសន្លឹកបៀ ចំនួន៥៤ដប មានតម្លៃ៤៨៩.៩៦៨ដុល្លារ ។
ក្រុមហ៊ុនមិនបានបង្ហាញឈ្មោះ និងជនជាតិរបស់មហាសេដ្ឋីរូបនោះទេ បញ្ជាក់ត្រឹមថា ជាករណីពិសេសដែលបានទិញក្នុងតម្លៃខ្ពស់ បំបែកឯតទគ្គកម្មពិភពលោក ក្នុងអំឡុងពេលដែលសេដ្ឋកិច្ចកំពុងធ្លាក់ចុះ ។
វីស្គី Karuijawa នេះ គឺជាស្រាដ៏កម្រដាក់ឱ្យដេញថ្លៃតែមួយដបពីចំនួនសរុប៤១ដប ក្រោយពីបានផ្អប់រយៈពេលយូរដល់ទៅ៥៥ឆ្នាំ។ វីស្គីនេះបានផលិតនៅក្នុងរោងស្រា Karuijawa នៅខេត្តណាហ្គាណូ ភាគកណ្តាលប្រទេសជប៉ុន។ លើសពីនេះក្រុមហ៊ុនផ្តល់ព័ត៌មានលំអិតរបស់ស្រាថា ជាវិស្គីជប៉ុនដ៏ចំណាស់បំផុតនៅលើលោក មានចំណុះ៧០០មីល្លីលីត្រ ។ លក្ខណៈពិសេសក្រៅពីស្រាមានអាយុយូរឆ្នាំក៏មានភាពស្រស់ស្អាតនៃស្លាកយីហោធ្វើពីក្រដាសច្នៃដោយដៃតាមបែបជប៉ុន ឬហៅថា «វ៉ាស៊ី» និងឈ្មោះស្លាកយីហោស្រាសរសេរដោយជក់ ៕
ចែករំលែកព័តមាននេះ