ប្រព័ន្ធព្រះអាទិត្យ (Solar System) រួមមានព្រះអាទិត្យ និងវត្ថុដែលវិលជុំវិញវា ។ វត្ថុដែលវិលជុំវិញព្រះអាទិត្យគឺភពទាំង៩ ស្ថិតក្នុងប្រព័ន្ធព្រះអាទិត្យដែលជាប្រព័ន្ធភព (Planetary System) ។
ប្រព័ន្ធព្រះអាទិត្យបានកកើតឡើងតាំងពី ៤,៦ពាន់លានឆ្នាំមុន ដោយសារដែនទំនាញដ៏ខ្លាំងក្លារវាងដួងតារា និងវត្ថុក្នុងលំហជាច្រើនទៀត ។ ភពដែលស្ថិតក្នុងប្រព័ន្ធព្រះអាទិត្យរួមមាន ៖ ភពពុធ សុក្រ ផែនដី និងភពអង្គារ ។ ចំណែកឯភពស្ថិតក្រៅប្រព័ន្ធព្រះអាទិត្យរួមមាន៖ ភពព្រហស្បតិ៍ (ភពធំជាងគេ) ភពសៅរ៍ អ៊ុយរ៉ាណុស ណិបទូន និងភពព្លុយតុង ។
ខាងក្រោមនេះគឺជាភពទាំង៩ក្នុងចក្កវាឡ និងព្រះអាទិត្យដែលមានអង្កត់ផ្ចិត និងលក្ខណៈពិសេសមួយចំនួនទៀតរបស់ភព នីមួយៗ ៖
ព្រះអាទិត្យ
ព្រះអាទិត្យគឺជាដុំបាល់ភ្លើងយក្សឆេះយ៉ាងសន្ធោសន្ធៅមួយស្ថិតនៅចំកណ្តាលប្រព័ន្ធព្រះអាទិត្យ ហើយវាគឺជាប្រភពថាមពលដ៏មានសារសំខាន់សម្រាប់ភាវៈរស់លើផែនដី ។ ព្រះអាទិត្យមានអាយុកាលប្រហែល៤,៦ពាន់លានឆ្នាំមុន ។
ព្រះអាទិត្យ ៖
-កកើតឡើងតាំងពី៤.៥៦៧ពាន់លានឆ្នាំមុន ។
-មានចម្ងាយពីផែនដី ៖ ១៤៩.៦០០.០០០គីឡូម៉ែត្រ ។
-ម៉ាស់ ៖ ១.៩៨៩ E30 គីឡូក្រាម ។
-សីតុណ្ហភាពផ្ទៃខាងក្រៅ ៖ ៥.៧៧៨កែវ វិន ។
១អង្សាកែវវិនស្មើ -២៧២,១៥អង្សាសេ ។
ភពពុធ
ភពពុធគឺជាភពទី១ តូចជាងគេ និងជិតជាងគេទៅនឹងព្រះអាទិត្យក្នុងចំណោមភពចំនួន ៨ផ្សេងទៀតក្នុងប្រព័ន្ធព្រះអាទិត្យ ។
ភពពុធ ៖
-មានចម្ងាយពីព្រះអាទិត្យ ៥៧.៩១០.០០០គីឡូម៉ែត្រ ។
-ម៉ាស់ ៣២៨.៥E២១គីឡូក្រាម ។
-ដំណើរគន្លង៨៨ថ្ងៃ ។
ភពសុក្រ
ភពសុក្រគឺជាភពទី២ ក្នុងប្រព័ន្ធព្រះអាទិត្យបន្ទាប់ពីភពពុធ ហើយវាត្រូវមនុស្សបុរាណរ៉ូមាំងដាក់ឈ្មោះថាជាភពពោរពេញដោយក្តីស្រឡាញ់ និងស្រស់ស្អាត ។ ភពសុក្រមានទំហំ និងម៉ាស់ស្រដៀងទៅនឹងភពផែនដីដែរទើបធ្វើឱ្យអ្នកវិទ្យាសាស្ត្រហៅភពសុក្រថាជាភពកូនភ្លោះនឹងភពផែនដី ។
ភពសុក្រ៖
-មានចម្ងាយពីព្រះអាទិត្យ១០៨.២០០.០០០គីឡូម៉ែត្រ ។
-ម៉ាស់ ៖ ៤.៨៦៧E២៤គីឡូក្រាម ។
-ដំណើរគន្លង២២៥ថ្ងៃ ។
ភពផែនដី
ភពផែនដីគឺជាភពទី៣ និងជាភពស្រស់ត្រកាលសម្រាប់ភាវៈរស់មានជីវិតរស់នៅ ។
ភពផែនដី៖
-មានភពណបចំនួន១គឺភពព្រះចន្ទ ។
-បានកកើតឡើងតាំងពី៤,៥៤ពាន់លានឆ្នាំមុន ។
-មានចម្ងាយពីព្រះអាទិត្យ ១៤៩.៦០០.០០០គីឡូម៉ែត្រ ។
-ម៉ាស់ ៖ ៥.៩៧២E២៤គីឡូក្រាម ។
-ចំនួនប្រជាជន ៧.១២៥ពាន់លាននាក់ ។ តួលេខពីឆ្នាំ២០១៣ ។
-ការរស់រានមានជីវិតអាយុ ៧០.៧៨ឆ្នាំ ។ តួរលេខឆ្នាំ២០១២ ។
ភពអង្គារ
ភពអង្គារគឺជាភពទី៤ និងតូចជាងគេបន្ទាប់ពីភពពុធក្នុងប្រព័ន្ធព្រះអាទិត្យ ។ ភពអង្គារជាទូទៅតែងតែត្រូវបានគេហៅថាជា «ភពក្រហម» ព្រោះវាមានអុកស៊ីតដែកនៅលើផ្ទៃរបស់វាទើបបណ្តាលឱ្យមានពណ៌ក្រហមដូច្នេះ។ ភពអង្គារគឺជាបេសកកម្មរបស់អ្នកវិទ្យាសាស្ត្រដែលត្រៀមនឹងបញ្ជូនមនុស្សទៅរស់នៅទីនោះនៅឆ្នាំ២០២៥ ។
ភពអង្គារ៖
-មានចម្ងាយពីផែនដី ២២៥.៣០០០.០០០គីឡូម៉ែត្រ ។
-មានចម្ងាយពីព្រះអាទិត្យ ២២៧.៩០០.០០០គីឡូម៉ែត្រ ។
-ម៉ាស់ ៖ ៦៣៩E២១គីឡូក្រាម ។
-មានភពរណបចំនួនពីរគឺភព Phobosនិងភព Deimos ។
ភពព្រស្បតិ៍
ភពព្រហស្បត្តិ៍គឺជាភពទី៥ និងជាភពធំជាងគេបង្អស់ក្នុងប្រព័ន្ធព្រះអាទិត្យ ។ វាមានម៉ាស់ធំជាងព្រះអាទិត្យដល់ទៅ១ពាន់ដងឯណោះ ។
ភពព្រហស្បតិ៍៖
-មានចម្ងាយពីព្រះអាទិត្យ ៧៧៨.៥០០.០០០គីឡូម៉ែត្រ ។
-ម៉ាស់ ៖ ១.៨៩៨E២៧គីឡូក្រាម ។
-ដំណើរគន្លង១២ឆ្នាំ ។
-មានភពរណបចំនួន៦៧ ។
ភពសៅរ៍
ភពសៅរ៍គឺជាភពទី៦ និងជាភពធំជាងគេទី ២ បន្ទាប់ពីភពព្រហស្បតិ៍ ។
ភពសៅរ៍៖
-មានចម្ងាយពីព្រះអាទិត្យ ១.៤៣៣.០០០.០០០គីឡូម៉ែត្រ ។
-ម៉ាស់ ៖ ៥៦៨.៣E២៤គីឡូក្រាម ។
-ដំណើរគន្លង២៩ឆ្នាំ ។
-ភពរណបមានចំនួន៦២ ដែលក្នុងនោះមានតែភពរណបចំនួន៥៣តែប៉ុណ្ណោះត្រូវបានដាក់ឈ្មោះជាផ្លូវការ ។
-មានប្រព័ន្ធខ្សែក្រវ៉ាត់ចំនួន៦ គឺខ្សែក្រវ៉ាត់ A,B,C,D,E និងខ្សែក្រវ៉ាត់ F ។
ភពអ៊ុយរ៉ាណុស
ភពអ៊ុយរ៉ាណុសគឺជាភពទី៧ និងជាភពដែលមានម៉ាស់ធំជាងគែទី៤ ក្នុងប្រព័ន្ធព្រះអាទិត្យ ។ ភពអ៊ុយរ៉ាណុសមានសមាសភាពដូចទៅនឹងភពណិបទូនដែលអ្នកវិទ្យាសាស្ត្របានកំណត់ថាជាភពទឹកកកយក្ស (Ice Giant) ។
ភពអ៊ុយរ៉ាណុស៖
-មានចម្ងាយពីព្រះអាទិត្យ ២.៨៧៧.០០០.០០០គីឡូម៉ែត្រ ។
-ម៉ាស់ ៖ ៨៦.៨១E២៤គីឡូក្រាម ។
-ដំណើរគន្លង៨៤ឆ្នាំ ។
-ភពរណបចំនួន២៧ ។
ភពណិបទូន
ភពណិបទូនគឺជាភពទី៨ និងជាភពឆ្ងាយជាងគេបំផុតក្នុងប្រព័ន្ធព្រះអាទិត្យ។ ភពណិបទូន៖
-មានចម្ងាយពីព្រះអាទិត្យ ៤.៥០៣.០០០.០០០គីឡូម៉ែត្រ ។
-ម៉ាស់ ៖ ១០២.៤E២៤គីឡូក្រាម ។
-ដំណើរគន្លង១៦៥ឆ្នាំ ។
-ភពរណបចំនួន១៤ ។
ភពព្លុយតុង
ភពព្លុយតុងគឺជាភពស្ថិតក្នុងរយៈចម្ងាយចន្លោះពី៤.៤ទៅ៧.៣ពាន់លានគីឡូម៉ែត្រពីព្រះអាទិត្យ ។
-ម៉ាស់របស់ភពព្លុយតុង ៖ ១.៣១គុណនឹង ១០២២ គីឡូក្រាមតិចជាង០៩.២៤ភាគរយរបស់ម៉ាសភពផែនដី ។
-អង្កត់ផ្ចិត ៖ ២៣៧០គីឡូម៉ែត្រ ។
-បិរិយាកាស ៖ ភពព្លុយតុងមានបរិយាកាសស្តើងរួមមាននីត្រូហ្សែន (N2), មេតាន (CH4) និងឧស្ម័នកាបូនឌីអុកស៊ីត (CO) ។
-ស្នូលខាងក្នុងរបស់ភពព្លុយតុងបែងចែកជា ៣ផ្នែករួមមាន ៖
១-នីត្រូហ្សែនកក (Frozen Nitrogen)
២-ទឹកកក (Water Ice)
៣-ថ្ម (Rock)
-ភពរណបព្រះចន្ទចំនួន៥ គឺ Charon ដែលមានអង្កត់ផ្ចិតពាក់កណ្តាលភពព្លុយតុង និងជាភពរណបធំជាងគេក្នុងចំណោម៤ទៀតដូចជា Styx, Nix, Kerberos និងភពរណប Hydra ៕
ចែករំលែកព័តមាននេះ