Ronaldo សាងកំណត់ត្រាថ្មីមួយក្រោយជួយ Juventus ឈ្នះយប់មិញ
អ៊ីតាលី ៖ កីឡាករ Cristiano Ronaldo បានសាងកំណត់ត្រាថ្មីមួយជាប្រវតិ្តសាស្ត្រ បន្ទាប់ពីរកបាន១គ្រាប់កាលពីយប់មិញ ក្នុងជ័យជម្នះដែលក្រុម Juventus ផ្តួលក្រុមភ្ញៀវ…
អ៊ីតាលី ៖ កីឡាករ Cristiano Ronaldo បានសាងកំណត់ត្រាថ្មីមួយជាប្រវតិ្តសាស្ត្រ បន្ទាប់ពីរកបាន១គ្រាប់កាលពីយប់មិញ ក្នុងជ័យជម្នះដែលក្រុម Juventus ផ្តួលក្រុមភ្ញៀវ Spezia ដោយលទ្ធផល ៣-០។
គ្រាប់បាល់ទាំង៣គ្រាប់នេះ សុទ្ធតែរកបានក្នុងតង់ទី២ ដែលសម្រេចបានដោយកីឡាករ Álvaro Morata, Federico Chiesa និង Ronaldo នៅគ្រាប់ចុងក្រោយ។ ខណៈដែលក្រុមសេះបង្កង់ Juventus កំពុងស្ថិតនៅចំណាត់ថ្នាក់លេខ៣ក្នុងតារាងក្របខណ្ឌ Serie A ដោយមាន៤៩ពិន្ទុ តាមពីក្រោយក្រុមកំពូលតារាង Inter Milan ចំនួន៧ពិន្ទុ។
ការរកបាន១គ្រាប់យប់មិញ គឺជាគ្រាប់បាល់ទី២០ហើយសម្រាប់ Ronaldo នៅក្របខណ្ឌ Serie A រដូវកាលនេះ ដែលនាំឱ្យខ្សែប្រយុទ្ធព័រទុយហ្គាល់វ័យ៣៦ឆ្នាំរូបនេះ ក្លាយជាកីឡាករដំបូងគេក្នុងប្រវត្តិសាស្ត្រ ដែលធ្វើបានចាប់ពី២០គ្រាប់ឡើងទៅ ក្នុង១២រដូវកាលចុងក្រោយរបស់គេនៅលីគកំពូលទាំង៥របស់អឺរ៉ុប៕
ចែករំលែកព័តមាននេះ