ការប្រើប្រាស់ថ្នាំជក់មានសន្ទុះខ្លាំងនៅសហរដ្ឋអាមេរិកក្នុងដើមទសវត្សរ៍ទី៦០ គឺស្ទើរតែ៤៥ភាគរយនៃការជក់របស់មនុស្សពេញវ័យជារឿងធម្មតា ។ រដ្ឋាភិបាលប្រទេសនានាតែងតែអប់រំប្រជាពលរដ្ឋពីផលប៉ះពាល់សុខភាព ដោយសារការប្រើប្រាស់ថ្នាំជក់ ដូច្នេះហើយការប្រើប្រាស់ថ្នាំជក់បានធ្លាក់ចុះជាលំដាប់ ។
នៅដើមទសវត្សរ៍ទី៩០ ចំនួនអ្នកប្រើប្រាស់ថ្នាំជក់ជាមនុស្សពេញវ័យរបស់អាមេរិកបានធ្លាក់ចុះមក២៥ភាគរយ ហើយនៅឆ្នាំ២០១០ តួលេខនេះបានបន្តធ្លាក់មកត្រឹម២០ភាគរយ ។ នៅឆ្នាំ២០២០ ការប្រើប្រាស់ថ្នាំជក់នៅតាមទីសាធារណៈនឹងត្រូវបានហាមឃាត់នៅរដ្ឋនានាក្នុងសហរដ្ឋអាមេរិក ។ មិនត្រឹមតែនៅអាមេរិកទេ ពោលគឺបណ្តាប្រទេសមួយចំនួនទៀតលើសាកលលោកក៏ចាត់វិធានការស្រដៀងគ្នានេះដែរដើម្បីឱ្យពលរដ្ឋរបស់ខ្លួនមានសុខភាពល្អ ។ អត្រានៃការប្រើប្រាស់ថ្នាំជក់រំពឹងនឹងបន្តធ្លាក់ចុះថែមទៀត ។ នៅឆ្នាំ២០៤០ ចំនួនអ្នកប្រើប្រាស់ថ្នាំជក់លើពិភពលោកនឹងមានចំនួនតិចជាង៥ភាគរយ ។
ថ្នាំជក់គឺជាសារធាតុញៀនមួយប្រភេទ ហើយមានច្រើនជាង៧០ប្រភេទឯណោះ ។ ថ្នាំជក់ត្រូវបានប្រើប្រាស់ក្នុងសហរដ្ឋអាមេរិកអស់រយៈពេលយូរមកហើយ ។ វាប៉៉ះពាល់ដល់សុខភាពរបស់មនុស្សដូចជា បេះដូង ថ្លើម សួត និងជំងឺមហារីកមួយចំនួនទៀត ។ នៅឆ្នាំ ២០០៨ អង្គការសុខភាពពិភពលោក WHO បានដាក់ឈ្មោះថ្នាំជក់ថាជា «បុព្វហេតុធំបំផុតនៃការបំផ្លាញជីវិតមនុស្សលើលោក» ៕
ចែករំលែកព័តមាននេះ