«Sentinel» គឺជាបេសកកម្មលំហអាកាសមួយបង្កើតឡើងដោយក្រុមហ៊ុនផលិតសម្ភារអវកាសអាមេរិក Ball Aerospace ក្រោមមូលនិធិមិនរកប្រាក់ចំណេញឈ្មោះថា
B612 Foundation ដែលជាបេសកកម្មក្នុងគោល
«Sentinel» គឺជាបេសកកម្មលំហអាកាសមួយបង្កើតឡើងដោយក្រុមហ៊ុនផលិតសម្ភារអវកាសអាមេរិក Ball Aerospace ក្រោមមូលនិធិមិនរកប្រាក់ចំណេញឈ្មោះថា
B612 Foundation ដែលជាបេសកកម្មក្នុងគោលបំណងដើម្បីកំណត់អត្តសញ្ញាណផ្កាយព្រះគ្រោះដ៏ច្រើនសន្ធឹកសន្ធាប់ស្ថិតក្បែរភពផែនដី ហើយពួកវានឹងត្រូវរៀបចំក្នុង
បញ្ជីស្រាវជ្រាវមួយរបស់វិទ្យាសាស្ត្រងាយស្រួលក្នុងការហៅ និងដាក់ឈ្មោះអាស្រ័យទៅតាមទំហំរបស់វា ។
តេឡេស្កុបអវកាស Sentinel នឹងត្រូវបង្កើតក្នុងឆ្នាំ២០១៨ ហើយស្ថិតក្នុងរយៈពេលប្រតិបត្តិការចំនួន៦ឆ្នាំកន្លះ ។ វានឹងក្លាយជាបេសកម្មមូលនិធិឯកជនដំបូងគេបង្អស់ដែលចូលទៅកាន់ប្រព័ន្ធព្រះអាទិត្យខាងក្នុង ។ យានអវកាសនឹងបំពាក់តេឡេស្កុបប្រភេទអាំងប្រាទំហំ០,៥ម៉ែត្រ ដែលមានលក្ខណៈស្រដៀងទៅនឹងដំណើរគន្លងភពសុក្រដែរ ស្ថិតនៅឆ្ងាយពីព្រះអាទិត្យ ។ វានឹងមានលទ្ធភាពបង្ហាញផ្ទៃមេឃនាវេលាពាក់កណ្តាលយប់រៀងរាល់២០ថ្ងៃម្តង ។ ក្នុងរយៈពេល១ខែពេញវានឹងស្វែងរកវត្ថុលើលំហអាកាសចំនួន២០.០០០ប្រភេទ ដែលច្រើនជាងយានជំនាន់មុនរកបានត្រឹមតែ ១០០០០ប៉ុណ្ណោះកាលពី៣០ឆ្នាំមុន ។ រាល់ទិន្នន័យរបស់វានឹងធ្វើឱ្យអ្នកវិទ្យាសាស្ត្រមាន
លទ្ធភាពគ្រប់គ្រាន់ក្នុងការរុករកផ្កាយព្រះគ្រោះនាពេលអនាគតយ៉ាងងាយស្រួល ។
ផ្កាយព្រះគ្រោះ គឺជាដុំថ្មយក្សដែលអណ្តែតក្នុងលំហអាកាស ហើយក្នុងដុំថ្មនោះមានសមាសធាតុ ផ្សេងៗនៅលាយឡំគ្នា ។ វាមានប្រវែងទទឹងច្រើនជាង៩០០គីឡូម៉ែត្រ ឬតិចជាង១គីឡូម៉ែត្រ ។ ពួកវាស្ថិតនៅជុំវិញព្រះអាទិត្យក្នុងរាងជារង្វង់ ៕
ចែករំលែកព័តមាននេះ