រាជធានីភ្នំពេញ ៖ ចាប់តាំងពីផ្ទុះកើតឡើងនូវជំងឺកូវីដ១៩ ក្នុងព្រឹត្តិការណ៍សហគមន៍ ២០កុម្ភះ កាលពីប៉ុន្មានថ្ងៃកន្លងមកនេះ គេសង្កេតឃើញថា នៅតាមទីសាធារណៈមួយចំនួនផ្សារ និងផ្លូវសាធារណៈមួយចំនួនមិនសូវមានអ្នកដើផ្សារ ក៏ដូចជា…
រាជធានីភ្នំពេញ ៖ ចាប់តាំងពីផ្ទុះកើតឡើងនូវជំងឺកូវីដ១៩ ក្នុងព្រឹត្តិការណ៍សហគមន៍ ២០កុម្ភះ កាលពីប៉ុន្មានថ្ងៃកន្លងមកនេះ គេសង្កេតឃើញថា នៅតាមទីសាធារណៈមួយចំនួនផ្សារ និងផ្លូវសាធារណៈមួយចំនួនមិនសូវមានអ្នកដើផ្សារ ក៏ដូចជា អ្នកធ្វើដំណើរ ហាក់មានសភាពស្ងប់ស្ងាត់ និងមិនអ៊ូរអដូចពេលមុនៗឡើយ។
ជាក់ស្តែងនៅថ្ងៃទី ២៦ ខែកុម្ភៈ ឆ្នាំ ២០២១ នេះដែរ នៅផ្សារបឹងកេងកងដែលជាផ្សារ មួយដែលតែងតែមានមនុស្សយ៉ាងច្រើនកុះករនាំគ្នាមករកទិញម្ហូបអាហារ និង របស់របរប្រើប្រាស់ផ្សេងៗ តែក្នុងថ្ងៃនេះដែរ បើទោះបីជាក្រុមអាជីវករបើកលក់ជាធម្មតាក្តី តែអ្នកមកដើរផ្សារបែជាមានការថយចុះរហូតទៅដល់៥០% បើទោះបីជាផ្សារមានចាត់វិធានការ ដោយដាក់ម៉ាស៊ីនស្គែនកំដៅ ទឹកអាល់កុល ឬជែលលាងដៃ បំពាក់ QR Cord នៅគ្រប់ច្រកចេញ ឬចូល និងតម្រូវឱ្យក្រុមអាជីវករ និងអ្នកមកផ្សារពាក់ម៉ាស យ៉ាងណាក៏ដោយនោះ។
លោក ឯក និមល ប្រធានផ្សារបឹងកេងកងបានប្រាប់ឱ្យដឹងថា ក្រោយព្រឹត្តិការណ៍សហគមន៍ ២០ កុម្ភះ ដែលផ្ទុះកើតមានឡើនូវជំងឺកូវីដ១៩ កាលពីប៉ុន្មានថ្ងៃកន្លងមកនេះ ផ្សាររបស់លោកក៏បានចាត់វិធានការបន្ថែមដើម្បីទប់ស្កាត់និងការពារជំងឺមួយ នេះ ដោយមានដាក់អាល់កុល ឬជែលលាងដៃ ក៏ដូចជាម៉ាស៊ីនស្គែនកំដៅ និង QR Cord ទៅតាមការណែនាំរបស់អន្តរក្រសួង នៅតាមច្រកចេញ ចូលផ្សារទាំងតូច និង ធំ រហូតទៅដល់ចំនួន ១៣ទាំងអស់ ១០០%តែម្តង។
ដោយកាលពីមុន ផ្សារមានដាក់ម៉ាស៊ីនស្គែនកំដៅ ត្រួតពិនិត្យអ្នកមកផ្សារអោយមានពាក់ម៉ាសតែ៣ច្រកចេញចូលផ្សារធំៗតែប៉ុណ្ណោះ ហើយអាល់កុល ឬ ជែលលាងដៃ មានដាក់នៅគ្រប់ទីកន្លែងទាំងអស់នៅក្នុងផ្សារ ដើម្បីសំរាប់អោយពួកគាត់លាងសំអាតដៃ។
លោកក៏បានបន្តទៀតថា ការចាត់វិធានការដើម្បីបង្ការ និង ទប់ស្កាត់ជំងឺកូវីដ១៩ នេះដែរ នៅផ្សារបឹងកេងកង មិនមែនទើបតែធ្វើឡើងក្រោយផ្ទុះព្រឹត្តិការណ៍សហគមន៍ ២០ កុម្ភះ នេះទេ គឺបានធ្វើឡើងទៅតាមការណែនេះរបស់ ក្រសួងសុខាភិបាលកាលពីការចាប់ផ្តើមផ្ទុះជំងឺកូវីដតាំងពីមុនដំបូងមកម៉្លេះ ដោយមានវិធានការដាក់ម៉ាស៊ីនស្គែនកំដៅ ដាក់អាល់កុល ឬ ជែលលាងដៃ និងធ្វើការផ្សព្វផ្សាយទៅតាមក្រុមអាជីវករលក់ដូរក្នុងផ្សារអោយពួកគាត់ពាក់ម៉ាស និងលាងដៃគ្រប់គ្នា ចំណែកឯអ្នកមកផ្សារក៏ខាងផ្សារតម្រូវអោយពួកគាត់ពាក់ម៉ាស ទើបអនុញ្ញាតអោយចូលផ្សារបានផងដែរ។
លោកបានបន្តទៀតថា ថ្វីបើផ្សារចាត់វិធានការទប់ស្កាត់ជំងឺកូវីដ១៩បែបនេះក្តី តែនៅព្រឹកថ្ងៃទី ២៦ ខែ កុម្ភះ ឆ្នាំ ២០២១ នេះដែរ គេសង្កេតឃើញថា ប្រជាពលរដ្ឋមកកាន់ផ្សារបឹងកេងកងមានការថយចុះរហូតទៅដល់៥០%ឯណ្ណោះ និងមានសភាពរៀងស្ងប់ស្ងាត់ជាងមុនៗន្តិច ចំណែកឯក្រុមអាជីវករលក់ដូរម្ហូបចំណី និងលក់ដូរផ្សេងៗនៅតែនាំគ្នាលក់ដូររកស៊ីជាធម្មតាដដែល។
ពាក់ព័ន្ធទៅនឹងការចាត់វិធានការទប់ស្កាត់បង្ការ និងទប់ស្កាត់ជំងឺកូវីដ១៩ ក្រោយព្រឹត្តិការណ៍សហគមន៍ ២០ កុម្ភះ នេះដែរ ក្រៅពីផ្សារបឹងកេងកងដែលបានចាត់វិធានការណ៍ ដូចជាមានដាក់ម៉ាស៊ីនស្គែនកំដៅ ទឹកអាល់កុល ឬជែល ប្រើសំ សាប់លាងដៃ និង QR Cord ទៅតាមការណែរបស់ក្រសួងសុខាភិបាលនោះ ។ គេសង្កេតឃើញនៅផ្សារមួយចំនួនទៀត ដូចជា ផ្សាទួលទំពូង ផ្សារអូឡាំពិក ក៏មានដាក់ម៉ាស៊ីនបាញ់ទឹកអាល់កុលសំលាប់មេរោគ ម៉ាស៊ីនស្គែនកំដៅ ប្រាដាប់បាញ់ទឹកអាល់ កុល ជែលលាងដៃ និង QR Cord ក្នុងការតាមដាន់និងត្រួតពិនិត្យរំរាប់ជំងឺកូវីត ១៩ដូចគ្នាផងដែរ ៕
ចែករំលែកព័តមាននេះ