ខេត្តបន្ទាយមានជ័យ ៖ នគរបាលការិយាល័យ ប្រឆាំងគ្រឿងញៀ.នបានបញ្ជូនខ្លួនជនសង្ស័យជួញដូរនិងប្រើប្រាស់គ្រឿងញៀ.នចំនួន៤នាក់ ទៅសាលាដំបូងខេត្តបន្ទាយមានជ័យ នៅថ្ងៃទី២៥ ខែកុម្ភៈ ឆ្នាំ២០២១ ដើម្បីចាត់វិធានការតាមច្បាប់។ លោកវរសេនីយ៍ឯកធិន…
ខេត្តបន្ទាយមានជ័យ ៖ នគរបាលការិយាល័យ ប្រឆាំងគ្រឿងញៀ.នបានបញ្ជូនខ្លួនជនសង្ស័យជួញដូរនិងប្រើប្រាស់គ្រឿងញៀ.នចំនួន៤នាក់ ទៅសាលាដំបូងខេត្តបន្ទាយមានជ័យ នៅថ្ងៃទី២៥ ខែកុម្ភៈ ឆ្នាំ២០២១ ដើម្បីចាត់វិធានការតាមច្បាប់។
លោកវរសេនីយ៍ឯកធិន ស៊ិនដេត ស្នងការរង ទទួលផែនការងារប្រឆាំងគ្រឿង ញៀន បានឲ្យដឹងថា ជនសង្ស័យទាំង៤នាក់ខាងលើ រួមមាន១-ឈ្មោះសៅ ស្រស់ ហៅ ឆឺត ភេទប្រុស អាយុ ២៨ឆ្នាំ នៅភូមិកោះកែវ ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ២-ឈ្មោះប៉ា គឹមសួរ ភេទប្រុស អាយុ២៣ឆ្នាំ នៅភូមិស្នាយដង្គត់ សង្កាត់កោះពងសត្វ ក្រុងសិរីសោភ័ណ ខេត្តបន្ទាយមានជ័យ ៣-ឈ្មោះឈា ផៃ ភេទប្រុសអាយុ១៩ឆ្នាំ នៅភូមិអង្ករខ្មៅ ឃុំគយមែង ស្រុកមង្គលបូរី ខេត្តបន្ទាយមានជ័យ ។ ជនទាំង៣នាក់នេះមុខសញ្ញាជួញដូរគ្រឿងញៀ.ន និង៤-ឈ្មោះ នី សុខជា ហៅ អ៊ិត ភេទប្រុសអាយុ១៧ឆ្នាំ នៅភូមិកោះកែវ សង្កាត់កោះពងសត្វ ក្រុងសិរីសោភ័ណ ជាអ្នកប្រើប្រាស់។
ក្នុងនោះប្រតិបត្តិការខាងលើនេះ សមត្ថកិច្ចបានធ្វើការដកហូតបានវត្ថុតាងថ្នាំញៀ.នប្រភេទម្សៅក្រាមពណ៌សថ្លា សរុបចំនួន១៧កូនថង់,ទូរស័ព្ទដៃ៤គ្រឿង, កូនថង់ប្លាសិ្ទកសម្រាប់ច្រកថ្នាំញៀនមួយចំនួន ។
លោកវរសេនីយ៍ស្នងការរង ធិន ស៊ិនដេតបានបញ្ជាក់ថា៖ជនសង្ស័យទាំង៤នាក់ រួមទាំងវត្ថុតាង កម្លាំងនគគរបាលជំនាញការិយាល័យ ប្រឆាំងគ្រឿងញៀនបានរៀបចំសំណុំរឿងបញ្ជូនខ្លួនទៅសាលាដំបូង ខេត្តបន្ទាយមានជ័យ ចាត់ការតាមនិតិវិធីច្បាប់ នៅថ្ងៃទី២៥ខែកុម្ភៈឆ្នាំ២០២១នេះហើយដែរ៕
ចែករំលែកព័តមាននេះ