កម្ពុជាមិនទាន់មានផែនការចាក់វ៉ាក់សាំងជូនជនបរទេសនៅឡើយទេ
- ភ្នំពេញ
រាជធានីភ្នំពេញ ៖ តាមរយៈស្ថានទូតអូស្ត្រាលីប្រចាំនៅកម្ពុជា នៅថ្ងៃទី ២៤ ខែកុម្ភៈ ឆ្នាំ ២០២១ បានឱ្យដឹងថា រាជរដ្ឋាភិបាលកម្ពុជាបានបញ្ជាក់នៅថ្ងៃនេះ…
រាជធានីភ្នំពេញ ៖ តាមរយៈស្ថានទូតអូស្ត្រាលីប្រចាំនៅកម្ពុជា នៅថ្ងៃទី ២៤ ខែកុម្ភៈ ឆ្នាំ ២០២១ បានឱ្យដឹងថា រាជរដ្ឋាភិបាលកម្ពុជាបានបញ្ជាក់នៅថ្ងៃនេះ ជនបរទេសទាំងអស់ដែលកំពុងរស់នៅ ឬធ្វើការនៅក្នុងប្រទេសកម្ពុជា នឹងអាចទទួលបានវ៉ាក់សាំងប្រឆាំងនឹងជំងឺកូវីដ-១៩ ស្របតាមកម្មវិធីចាក់វ៉ាក់សាំងការពារជំងឺកូវីដ-១៩ របស់ប្រទេសកម្ពុជា។
ស្ថានទូតបានបន្តថា រាជរដ្ឋាភិបាលកម្ពុជាបានបញ្ជាក់ថា ការចាក់វ៉ាក់សាំងនឹងត្រូវផ្តល់ជូនដោយឥតគិតថ្លៃ ហើយព័ត៌មានលម្អិតនៃកម្មវិធីចាក់វ៉ាក់សាំងនេះ នឹងត្រូវផ្តល់ជូនតាមពេលវេលាកំណត់ ។ យើងនឹងផ្តល់ព័ត៌មានលម្អិតបន្ថែមទៀត នៅពេលយើងទទួលបានព័ត៌មានបន្ថែម។
ក្នុងការឆ្លើយតបនេះផងដែរ នៅថ្ងៃទី ២៥ ខែ កុម្ភៈ ឆ្នាំ ២០២១ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងដូចនេះថា ៖ «យើងមិនទាន់មានផែនការចាក់ ជូនជនបរទេសនៅឡើយទេ» ៕
ចែករំលែកព័តមាននេះ