បន្ទាយមានជ័យ ៖ ពលករខ្មែរប្រុសស្រី៣នាក់ លួចឆ្លងដែនពីថៃចូលមកកម្ពុជាគេចវេសធ្វើចត្តាឡីស័ក ត្រូវបានឃាត់ខ្លួននៅវេលាម៉ោង៧និង២០នាទី ថ្ងៃទី២៤ ខែកុម្ភៈ ឆ្នាំ២០២១ នៅចំណុចមាត់អូរព្រំដែន ទល់មុខកាស៊ីណូ…
បន្ទាយមានជ័យ ៖ ពលករខ្មែរប្រុសស្រី៣នាក់ លួចឆ្លងដែនពីថៃចូលមកកម្ពុជាគេចវេសធ្វើចត្តាឡីស័ក ត្រូវបានឃាត់ខ្លួននៅវេលាម៉ោង៧និង២០នាទី ថ្ងៃទី២៤ ខែកុម្ភៈ ឆ្នាំ២០២១ នៅចំណុចមាត់អូរព្រំដែន ទល់មុខកាស៊ីណូ ឈមភូមិក្បាលស្ពាន សង្កាត់.ក្រុងប៉ោយប៉ែត ។
លោកវរសេនីយ៍ រស់ ពិសិដ្ឋ កម្លាំងនគរបាលការពារព្រំដែនគោកលេខ៩១១ បានប្រាប់ថា៖ ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងវិធានការពីលោកវរៈសេនីយ៍ឯក សូរ ចាន់រី មេបញ្ជាការនគរបាលវរៈការពារព្រំដែនគោកលេខ៩១១ ដើម្បីពង្រឹងការទប់ស្កាត់ពលករចំណាក់ស្រុកខុសច្បាប់ និងគេចវេសធ្វើចត្តាឡីស័ក ។
ហើយកម្លាំងនគរបាលការពារព្រំដែនគោកលេខ៩១១ សហការជាមួយកម្លាំងកងពលតូចថ្មើជើងលេខ៥១បានចេញល្បាតរួមគ្នា ប្រទះឃើញពលករខ្មែរចំនួន៣នាក់ ស្រីម្នាក់ព្យាយាមលួចឆ្លងដែលខុសច្បាប់ ដែលគេចវេសពីធ្វើចត្តាឡីស័ក រយៈពេល១៤ថ្ងៃ ដែលឃាត់ពលករបម្រុងឆ្លងដែលពីថៃចូលមកកម្ពុជា នៅចំណុចមាត់អូរព្រំដែនទល់មុខកាស៊ីណូខាងជើងច្រកទ្វារអន្តរជាតិប៉ោយប៉ែត ។
លោកវរៈសេនីយ៍ រស់ ពិសិដ្ឋ បានបញ្ជាក់ថា ក្រោយពេលឃាត់ពលករខ្មែរ៣នាក់ បម្រុងឆ្លងដែលពីចូលមកកម្ពុជា ដែលគេចវេសពីធ្វើចត្តាឡីស័ក ត្រូវបញ្ជូនតាមរថយន្តក្រសួងការពារជាតិដឹកទៅដាក់នៅមណ្ឌលក្រុងប៉ោយប៉ែត ដើម្បីធ្វើចត្តាឡីស័ករយៈពេល១៤ថ្ងៃ ៕
ចែករំលែកព័តមាននេះ