រកឃើញក្រុមដំបូងគេឆ្លងទៅវគ្គ១៦ក្រុម Eropa League
អង់គ្លេស ៖ ក្រុមមាន់ខ្នាយមាស Tottenham Hotspur ក្លាយជាក្រុមដំបូងគេដែលឆ្លងទៅកាន់វគ្គ១៦ក្រុមចុងក្រោយក្របខណ្ឌ Europa League បន្ទាប់ពីបានបំបាក់ក្រុម Wolfsberger…
អង់គ្លេស ៖ ក្រុមមាន់ខ្នាយមាស Tottenham Hotspur ក្លាយជាក្រុមដំបូងគេដែលឆ្លងទៅកាន់វគ្គ១៦ក្រុមចុងក្រោយក្របខណ្ឌ Europa League បន្ទាប់ពីបានបំបាក់ក្រុម Wolfsberger…
អង់គ្លេស ៖ ក្រុមមាន់ខ្នាយមាស Tottenham Hotspur ក្លាយជាក្រុមដំបូងគេដែលឆ្លងទៅកាន់វគ្គ១៦ក្រុមចុងក្រោយក្របខណ្ឌ Europa League បន្ទាប់ពីបានបំបាក់ក្រុម Wolfsberger ក្នុងវគ្គ៣២ក្រុមចុងក្រោយសរុបទាំង២ជើងក្នុងលទ្ធផល ៨-១។
កាលពីជំនួបជើងទី១ ដែលធ្វើនៅប្រទេសហុងគ្រី Spurs ក្នុងនាមជាក្រុមភ្ញៀវបានលុតក្រុមតំណាងប្រទេសអូទ្រីស Wolfsberger ដោយលទ្ធផល ៤-១។ ខណៈដែលជំនួបជើងទី២ ដែលបញ្ចប់ទៅកាលពីយប់មិញ នៅចក្រភពអង់គ្លេស Spurs បានយកឈ្នះ ៤គ្រាប់បន្ថែមទៀត។
Dele Alli បានកា្លយជាកីឡាករលេចធ្លោជាងគេសម្រាប់ជំនួបយប់មិញ បន្ទាប់ពីខ្សែបម្រើអង់គ្លេសរូបនេះ បង្ហាញទម្រង់លេងយ៉ាងល្អ ជាពិសេសគឺការទាត់បកក្រោយបញ្ចូលទីដែលគ្រាប់បើកឆាកយ៉ាងអស្ចារ្យនៅនាទី១០។
ជ័យជម្នះដ៏ធំធេងនេះ នាំឱ្យក្រុមលោក José Mourinho កក់កៅអីវគ្គ១៦ក្រុមចុងក្រោយ រង់ចាំការចាប់ឆ្នោតវគ្គនេះ ដែលនឹងប្រព្រឹត្តិទៅនាយប់នេះ៕
ចែករំលែកព័តមាននេះ