រាជធានីភ្នំពេញ ៖ បុរសម្នាក់ដែលលោ.តពីលើជាន់ទី១០នៃដំបូលអគារមន្ទីរពេទ្យឯកជនមួយកន្លែង មានទីតាំងស្ថិតនៅចំនុចស្តុបស្ពានអាកាសផ្សារដីហុយ តាមបណ្តោយផ្លូវណតប្រ៊ីដ កែងមហាវិថីសហព័ន្ធរុស្ស៊ី កាលពីវេលាថ្ងៃត្រង់ទី២០ ខែ កុម្ភៈ ឆ្នាំ២០២១…
រាជធានីភ្នំពេញ ៖ បុរសម្នាក់ដែលលោ.តពីលើជាន់ទី១០នៃដំបូលអគារមន្ទីរពេទ្យឯកជនមួយកន្លែង មានទីតាំងស្ថិតនៅចំនុចស្តុបស្ពានអាកាសផ្សារដីហុយ តាមបណ្តោយផ្លូវណតប្រ៊ីដ កែងមហាវិថីសហព័ន្ធរុស្ស៊ី កាលពីវេលាថ្ងៃត្រង់ទី២០ ខែ កុម្ភៈ ឆ្នាំ២០២១ រហូតមកដល់ព្រឹកថ្ងៃទី២២ ខែកុម្ភៈ ឆ្នាំ២០២១ នេះត្រូវបានសមត្ថកិច្ចស្គាល់អត្តសញ្ញាណហើយ គីជាជនជាតិខ្មែរ មិនមែនជាជនជាតិចិននោះទេ បន្ទាប់ពីស្ត្រីជាប្រពន្ធរបស់ជនរងគ្រោះ ព្រមទាំងបងប្អូនបានធ្វើដំណើរទៅកាន់ឈាបនដ្ឋានវត្តទឹកថ្លា ដើម្បីមកទទួលយកស.ពបុរសរងគ្រោះ និងចាត់ចែងបូជានៅវេលារសៀលថ្ងៃដដែលនេះ ។
បុរសរងគ្រោះខាងលើត្រូវបាននគរបាលអោយដឹងថា ឈ្មោះ អ៊ុន ថនឌី អាយុ៣៤ឆ្នាំ ស្នាក់នៅផ្ទះលេខ១៨Gផ្លូវK4D ភូមិទ្រង់មាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ទាក់ទិននឹងករណីខាងលើនេះ ត្រូវបានក្រុមគ្រួសាររបស់ជនរងគ្រោះអោយដឹងថា ដោយសារតែជនរងគ្រោះមានជំងឺសរសៃប្រសាទ ។ ដោយបុរសរងគ្រោះរូបនោះមានបញ្ហាខួរក្បាលតាំងពីនៅរៀនប្រមាណ១០ឆ្នាំកន្លតមកហើយ បន្ទាប់ពីជួបគ្រោះថ្នាក់ចរាចរណ៍ ។កន្លងមក ជនរងគ្រោះតែងតែនិយាយរវើរវាយ ហើយមិននឹកស្មានថា ជនរងគ្រោះចាកចេញពីផ្ទះ មកលោ.តពីលើអគារមន្ទីរពេទ្យបែបនេះសោះ។
គួររំលឹកថា មានករណីបុរសម្នាក់ដែលសមត្ថកិច្ចអះអាងថា ជាជនជាតិចិន បានដើរចូលទៅអគារមន្ទីរពេទ្យឯកជនមួយកន្លែង ហើយលោ.តពីលើជាន់ទី១០ (ដំបូលអគារ) បណ្តាលអោយបោកក្បាលស្លា.ប់ភ្លាមៗនៅនឹងកន្លែង។
ហេតុការណ៍ខាងលើនេះបានបង្កអោយមានការភ្ញាក់ផ្អើលកាលពីវេលាថ្ងៃត្រង់ទី២០ ខែកុម្ភៈ ឆ្នាំ២០២១ នៅចំណុចអគារមន្ទីរពេទ្យឯកជនមួយកន្លែង ស្ថិតនៅចំណុចស្តុបស្ពានអាកាសផ្សារដីហុយ តាមបណ្តោយផ្លូវណតប្រ៊ីដ កែងមហាវិថីសហព័ន្ធរុស្ស៊ី ក្នុងភូមិចុងថ្នល់ខាងកើត សង្កាត់ទឹកថ្លាខណ្ឌសែនសុខ រាជធានីភ្នំពេញ។
តាមប្រភពពីនគរបាលអោយដឹងថា បុរសរងគ្រោះរូបនោះពុំស្គាល់អត្តសញ្ញាណឡើយ មានអាយុប្រមាណជាង៣០ឆ្នាំ ស្លៀកខោខ្លី ពាក់អាវយឺតពណ៌ស និងមានសម្បុរ.ស ទំនងជាជនជាតិចិន ។
តាមរយៈសកម្មភាពរបស់បុរសរងគ្រោះនៅក្នុងកាមេរ៉ាសុវត្ថិភាពបានអោយដឹងថា បុរសរូបនោះបានដើរចូលទៅតាមច្រកមន្ទីរពេទ្យឯកជនមួយកន្លែង កាលពីវេលាម៉ោងប្រមាណ១២និង៧នាទីថ្ងៃត្រង់ រួចបានដើរឡើងតាមជណ្តើរយន្តទៅជាន់ទី១០ ដែលជាដំបូលអគារ ។
តាមរយៈកាមេរ៉ាសុវត្ថិភាពបានអោយដឹងទៀតថា បុរសរូបនោះបានដើរឡើងទៅដល់ជាន់ទី១០រួចទៅឈរក្បែរបង្កាន់ដៃមួយសន្ទុះដោយមើលទៅក្រោយ និងបានវែកដើមផ្កាជាន់ឡើងទៅអង្គុយនៅលើបង្កាន់ដៃមួយឈប់សន្ទុះ រួចក៍បានលោ.តទ.ម្លា.ក់ខ្លួនចុះទៅក្រោមនៅវេលាម៉ោង១២និង២៦នាទីនិង៣៨វិនាទីថ្ងៃទី២០ កុម្ភៈ ឆ្នាំ២០២១ ។
តាមសមត្ថកិច្ចបានអោយដឹងថា បុរសរងគ្រោះរូបនោះទំនងជាមានវិបត្តិអ្វីមួយ ហើយ ធ្វើដំណើរចេញម្តុំផ្សារផ្លាហ្សារហូតទៅដល់អគារមន្ទីរពេទ្យខាងលើ ហើយមើលចុះឡើងក៍បានដើរចូលទៅក្នុងអគារ និងឡើងលើដំបូលអគាររួចលោ.តចុះមកក្រោមតែម្តង ។
ក្រោយពេលកើតហេតុ នៅលើខ្លួនជនរងគ្រោះ សមត្ថកិច្ចរកពុំឃើញមានលិខិតស្នាមសម្គាល់ខ្លួនអ្វីឡើយ ។ គ្រាន់តែរកឃើញមានទូរស័ព្ទមួយគ្រឿងបែកខ្ទេច ហើយស៊ីមក៍ពុំមានឈ្មោះទៀត ។ បន្ទាប់ពីពិនិត្យរួច ស.ពជនរងគ្រោះត្រូវបាននគរបាលបញ្ជូន ទៅតម្កល់ទុកនៅឈាបនដ្ឋានវត្តទឹកថ្លា ដើម្បីស្រាវជ្រាវរកបងប្អូនសាច់ញាតិឱ្យមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ