អន្តរជាតិ ៖ វាជាដំណឹងដ៏ក្រៀមក្រំមួយដោយត្រឹមរយៈពេល២ថ្ងៃ វីរបុរសបាល់ទាត់ប្រេស៊ីលលោក Ronaldinho និងអតីតខ្សែប្រយុទ្ធឆ្នើមជម្រើសជាតិអាហ្សង់ទីន Carlos Tevez បានបាត់បង់មនុស្សជាទីស្រលាញ់ដោយសារតែកូវីដ១៩។
លោកស្រី Dona Miguelina ដែលត្រូវម្តាយបង្កើតរបស់ Ronaldinho អតីតខ្សែបម្រើប្រយុទ្ធក្រុម Barcelona និង AC Milan បានទទួលអនិច្ចកម្មក្នុងអាយុ៧១ឆ្នាំ កាលពីថ្ងៃទី២០ ខែកុម្ភះ ឆ្នាំ២០២១ កន្លងទៅ។ បន្ទាប់ពីមិនអាចតស៊ូឈ្នះនឹងកូវីដ១៩ ខណៈត្រូវបានធ្វើតេស្តរកឃើញវិជ្ជមានវីរុសនេះកាលពីខែធ្នូ ឆ្នាំ២០២០។
ដោយឡែក Carlos Tevez បានខកខានជួយក្រុម Boca Juniors ក្នុងជំនួបទល់នឹងក្រុម Newell’s Old Boys កាលពីថ្ងៃអាទិត្យសប្តាហ៍មុន។ ក្រោយពីឪពុកចិញ្ចឹមជាទីស្រលាញ់បំផុតរបស់អតីតខ្សែប្រយុទ្ធក្រុម Man UTD និង Man City រូបនេះ គឺលោក Segundo Raimundo Tevez បានទទួលម.រ.ណៈភា.ពដោយសារកូវីដ១៩ ក្រោយតស៊ូដើម្បីជីវិតចុងក្រោយជាមួយវីរុសនេះ អស់ពេលជាច្រើនសប្តាហ៍។
ដំណឹងនេះបានធ្វើមិត្តរួមអាជីព ជាពិសេសអ្នកគាំទ្ររបស់កំពូលកីឡាករទាំង២រូបខាងលើ បង្ហោះសារចូលរួមរំលែកទុក្ខជាមួយដំណឹងដ៏ក្រៀមក្រំមួយនេះ៕ (ដកស្រង់ចេញពី The Sun)
ចែករំលែកព័តមាននេះ