​គោលដៅ​​ទាំង​នេះ! ត្រឹម២ថ្ងៃ​សោះ​ ទទួល​បានភ្ញៀវទេសចរជា​ង៦០ម៉ឺននាក់ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

​គោលដៅ​​ទាំង​នេះ! ត្រឹម២ថ្ងៃ​សោះ​ ទទួល​បានភ្ញៀវទេសចរជា​ង៦០ម៉ឺននាក់

3 ខែ មុន
  • Phnom Penh

រាជធានៅភ្នំពេញ ៖ ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានថ្លែងនាថ្ងៃទី១៤ ខែកុម្ភៈ ឆ្នាំ២០២១ នេះថា…

រាជធានៅភ្នំពេញ ៖ ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានថ្លែងនាថ្ងៃទី១៤ ខែកុម្ភៈ ឆ្នាំ២០២១ នេះថា រយៈពេលពីរថ្ងៃនាឱកាសបុណ្យចូលឆ្នាំចិន (១២-១៣ កុម្ភៈ) កម្ពុជាទទួលបានភ្ញៀវទេសចរប្រមាណជាង ៦១៣,៥៩៦ ម៉ឺននាក់។

គោលដៅទេសចរណ៍សំខាន់ៗមួយចំនួន រួមមាន ៖ រាជធានីភ្នំពេញ៖ ១០៧,២០០នាក់

ខេត្តសៀមរាប៖ ៧៣,៤១៧ នាក់

ខេត្តកែប៖ ៦៥,២៧៧ នាក់

ខេត្តព្រះសីហនុ៖ ៦០,៦៤៦ នាក់

ខេត្តកំពត៖ ៥៩,២៦២ នាក់

ខេត្តបាត់ដំបង៖ ៤៩,៥០៥ នាក់

ខេត្តកណ្តាល៖ ៤៣,៨៩៩ នាក់

ខេត្តកោះកុង៖ ២២,៥៤១ នាក់

ខេត្តពោធិ៍សាត់៖ ១៥,១៩៨ នាក់

ខេត្តក្រចេះ៖ ១១,១៨៣ នាក់។

ឯកឧត្ដមរដ្ឋមន្ត្រីបានបញ្ជាក់ថា ៖ «ភ្ញៀវបានចេញដើរកម្សាន្តនៅទូទាំងប្រទេសមានចំនួន ៤០៨,៥២១ នាក់ ក្នុងនោះភ្ញៀវជាតិមានចំនួន ៤០៣,៧៨៦ នាក់ និងភ្ញៀវបរទេសផ្ទៃក្នុងមានចំនួន ៤,៧៣៥ នាក់»។

រូបភាព ៖ ក្រសួងទេសចរណ៍
Picture

បើតាមលោករដ្ឋមន្ត្រី ថោង ខុន ដូចការគ្រោងទុក ចលនាភ្ញៀវនាថ្ងៃទី២ មានសន្ទះខ្លាំងជាងថ្ងៃទី១ ប៉ុន្តែប្រជាពលរដ្ឋមួយចំនួនបានជ្រើសរើសដើរកម្សាន្តនៅតាមគោលដៅជិតៗ ឬវិលល្ងាច។ ជាក់ស្តែង តាមការបញ្ជាក់របស់អាជ្ញាធររាជធានីភ្នំពេញមានប្រជាពលរដ្ឋ និងភ្ញៀវទេសចរប្រមាណ ១០ ម៉ឺននាក់ បានដើរកម្សាន្តនៅតាមគោលដៅនានាក្នុងរាជធានីភ្នំពេញ។

រូបភាព ៖ ក្រសួងទេសចរណ៍
Picture

ដោយឡែក ខេត្តដែលមានភ្ញៀវទេសចរទៅកម្សាន្តច្រើន ដូចជា រមណីយដ្ឋានមួយចំនួនក្នុងខេត្តកំពត មានការកកកុញភ្ញៀវច្រើន។ អាជ្ញាធរមូលដ្ឋាននៅតែខិតខំក្នុងការណែនាំឱ្យភ្ញៀវទេសចររក្សាគម្លាត និងទប់ស្កាត់មិនឲ្យមានការជួបជុំជាក្រុមធំ។ ចំពោះការគ្រប់គ្រងសន្តិសុខ សណ្ដាប់ធ្នាប់ជាទូទៅមានភាពល្អប្រសើរ មិនមានបញ្ហា ឬការរំខានណាមួយកើតឡើងគួរកត់សម្គាល់ទេសម្រាប់រយៈពេល២ថ្ងៃនេះ៕