ខេត្តបន្ទាយមានជ័យ ៖ ប្រជាពលរដ្ឋខ្មែរ ចំនួន០៣នាក់ ជាពលករចំណាកស្រុក ចំណងលួចឆ្លងដែនចូលទៅប្រទេសថៃ ប៉ុន្តែត្រូវសមត្ថកិច្ចកម្ពុជាឃាត់អប់រំ នៅព្រឹកថ្ងៃទី០២ កុម្ភៈ ម្សិលមិញនេះ…
ខេត្តបន្ទាយមានជ័យ ៖ ប្រជាពលរដ្ឋខ្មែរ ចំនួន០៣នាក់ ជាពលករចំណាកស្រុក ចំណងលួចឆ្លងដែនចូលទៅប្រទេសថៃ ប៉ុន្តែត្រូវសមត្ថកិច្ចកម្ពុជាឃាត់អប់រំ នៅព្រឹកថ្ងៃទី០២ កុម្ភៈ ម្សិលមិញនេះ ហើយនាំមកធ្វើចត្តាឡីស័ក រយៈ១៤ថ្ងៃសិន មុនអនុញ្ញាតអោយត្រឡប់ទៅផ្ទះវិញ ។
យោងតាមរបាយការណ៍របស់កម្លាំងសមត្ថកិច្ច បានឲ្យដឹងថា ពលករខ្មែរបានដេកពូននៅតាមកម្ពោតព្រៃ លុះដល់ម៉ោង៩និង៤៥នាទីព្រឹកថ្ងៃទី០២ ខែកុម្ភៈ ត្រូវបានកម្លាំងនគរបាលប៉ុស្តិ៍ក្បាលស្ពាន នៃវរសេនាតូចការពារព្រំដែនគោកលេខ៨៩១ សហការជាមួយកម្លាំងយោធាកងពលលេខ៥១ ធ្វើការឃាត់ខ្លួនបាន ក្នុងនោះរួមមាន ៖
ទី១ ឈ្មោះភឿន ឆែម ភេទប្រុស អាយុ៣៥ឆ្នាំ នៅភូមិប្រជាធម្ម សង្កាត់-ក្រុងប៉ោយប៉ែត ខេត្តបន្ទាយមានជ័យ ។
ទី២ ឈ្មោះកេត ហំ ភេទប្រុសអាយុ១៧ឆ្នាំ រស់នៅភូមិផ្សារកណ្តាល សង្កាត់-ក្រុងប៉ោយប៉ែត ខេត្តបន្ទាយមានជ័យ ។
និងទី៣ ឈ្មោះត្រង ចិត្ត្រា ភេទប្រុស អាយុ២៥ឆ្នាំ រស់នៅភូមិជ្រៃ ឃុំជ្រៃ ស្រុកមោងឬស្សី ខេត្តបាត់ដំបង ។
ពលករខ្មែរទាំង៣ ត្រូវឃាត់ខ្លួនបាន នៅមាត់អូរព្រំដែន ចំណុចរោងម៉ាស៊ីន ក្រុមហ៊ុនគ្រែន ដាយម៉ិនស៊ីធី ក្រោយនាគមាស ហើយសមត្ថកិច្ច បានធ្វើការអបរំ រួចលោកវរសេនីយ៍ឯក ហាំ វណ្ណ: មេបញ្ជាការវរ:៨៩១ បានឲ្យចាត់កម្លាំងប៉ុស្តិ៍ក្បាលស្ពានបញ្ជូនពលករខ្មែរទាំង៣នាក់ ទៅធ្វើចត្តាឡីស័ក នៅមណ្ឌលសុំចត ស្ថិតនៅសាលាបឋមសិក្សា ហ៊ុន សែន ព្រហ្មនិម្មិត ក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ៕
ចែករំលែកព័តមាននេះ