ADផ្ទាំងផ្សព្វផ្សាយពាណិជ្ជកម្ម

Picture

មី​យ៉ា​ន់​ម៉ា ៖ មានការ​អំពាវនាវ​កាន់តែ​ច្រើន​ឲ្យ​ងើប​ប្រឆាំង​រដ្ឋប្រហារ​យោធា

8 ខែ មុន

ប្រទេស​មី​យ៉ា​ន់ ៖ មានការ​អំពាវនាវ​កាន់តែ​ច្រើន​កាលពី​ថ្ងៃ​ទី​៣ ខែ​​កុម្ភៈ នៅ​មី​យ៉ា​ន់​ម៉ា​ឲ្យ​ងើប​ប្រឆាំង​​រដ្ឋប្រហារ​យោធា​កាលពី​ថ្ងៃ​ទី​១ ​កុម្ភៈ ដោយ​កងទ័ព​ដ៏​មាន​ឥទ្ធិពល ដែល​ចាប់ខ្លួន​មេដឹកនាំ​រដ្ឋាភិបាល​ស៊ី​វិល លោកស្រី​អួ​៊ង​សាន់ ​ស៊ូ​ជី…

ប្រទេស​មី​យ៉ា​ន់ ៖ មានការ​អំពាវនាវ​កាន់តែ​ច្រើន​កាលពី​ថ្ងៃ​ទី​៣ ខែ​​កុម្ភៈ នៅ​មី​យ៉ា​ន់​ម៉ា​ឲ្យ​ងើប​ប្រឆាំង​​រដ្ឋប្រហារ​យោធា​កាលពី​ថ្ងៃ​ទី​១ ​កុម្ភៈ ដោយ​កងទ័ព​ដ៏​មាន​ឥទ្ធិពល ដែល​ចាប់ខ្លួន​មេដឹកនាំ​រដ្ឋាភិបាល​ស៊ី​វិល លោកស្រី​អួ​៊ង​សាន់ ​ស៊ូ​ជី និង​ចេញ​ការ​ប្រកាស​អាសន្ន​រយៈពេល​១​ឆ្នាំ​ព្រមទាំង​ដាក់ បណ្ដា​ឧត្ដមសេនីយ ឲ្យ​កាន់​តំណែង​សំខាន់​ៗ​។

រដ្ឋប្រហារ​នោះ​ភ្លាម​ៗ​ត្រូវ​បាន​ថ្កោលទោស​ដោយ​ប្រទេស​ជា​ច្រើន ពិសេស​សហរដ្ឋអាមេរិក ដែល​ចោទប្រកាន់​ជា​ផ្លូវការ​ដល់​ពួក​យោធា​ថា ធ្វើ​រដ្ឋប្រហារ ​និង​សន្យា​ដាក់​ទណ្ឌកម្ម​នានា ប្រឆាំង​បណ្ដា​ឧត្ដមសេនីយ ព្រមទាំង​ប្រកាស​ផ្ដាច់ជំនួយ​ដល់​មី​យ៉ា​ន់​ម៉ា​។

Picture

២​ថ្ងៃ​បន្ទាប់​ពី​រដ្ឋប្រហារ​នោះ មាន​សញ្ញា​ដំបូង​ៗ​នៃ​ការ​ងើប​តស៊ូ​ប្រឆាំង ត្រូវ​បានឃើញ​តាម​FACEBOOK ដែល​នា​ព្រឹក​ថ្ងៃ​ទី​៣ ​កុម្ភៈ មានការ​បង្ហោះ​ពាក្យ​ថា កងទ័ព​គួរ​ឲ្យ​អៀនខ្មាស់ ពួក​យោធា​ជា​ចោរ​។ អត្ថបទ​តាម ​FACEBOOK នោះ​ចេញ​ដោយ​បណ្ដា​គ្រូពេទ្យ​និង​គិ​លា​នុប្ប​ដ្ឋ​យិ​កា​ ដែល​មិន​រារែក​ឡើយ​ប្រកាស​ពី​ឆន្ទៈ​តវ៉ា​។ ក្នុង​សេចក្ដី​ប្រកាស​រួម​មួយ បុគ្គលិក​សុខាភិបាល​ទាំង​នោះ​និយាយ​ថា យើង​គោរព​តែ​រដ្ឋាភិបាល​ដែល​ជ្រើសតាំង ដោយ​ប្រជាធិបតេយ្យ​ប៉ុណ្ណោះ​។ យើង​ឈប់​ទៅ​កាន់​មន្ទីរពេទ្យ​ដែល​ពេល​នេះ​ស្ថិត​ក្រោម​ការ​ត្រួតត្រា​ដោយ​ខុសច្បាប់​ដោយ​ពួក​យោធា​។

រួច​កាលពី​យប់​ថ្ងៃ​ទី​២ ​កុម្ភៈ ក្នុង​សង្កាត់​ពាណិជ្ជកម្ម​នៃ​ទីក្រុង​រ៉​ង់​ហ្គូ​ន​ជា​បេះដូង​សេដ្ឋកិច្ច​របស់​ប្រទេស ប្រជាជន​នាំ​គ្នា​ចុច​ស៊ី​ប្លេ ​និង​វាយ​ឆ្នាំង ដើម្បី​ជា​ការ​តវ៉ា ដោយ​មនុស្ស​មួយ​ចំនួន​នាំ​គ្នា​ស្រែក​ពាក្យ​ថា ជយោ​លោក​ម៉ែ​ស៊ូ​ជី​។

ទោះបី​យ៉ាងណា​ ការ​ភ័យ​ខ្លាច​ពី​ការ​សងសឹក​នៅ​តែ​ខ្លាំងក្លា ក្នុង​ប្រទេស​ដែល​អស់​ពេល​យ៉ាង​យូរ ចាប់តាំងពី​ទទួល​បាន​ឯករាជ្យ​មក ស្ថិត​ក្រោម​ការ​ត្រួតត្រា របស់​កង​យោធា​អស់​ពេល​ជិត​៥០​ឆ្នាំ​។ លោក​FRANCIS WADE ជា​អ្នកនិពន្ធ​សៀវភៅ​ជា​ច្រើន​របស់​ប្រទេស​យល់​ថា ប្រជាជន​ពិតជា​ដឹង​ច្បាស់ ដែល​កងទ័ព​អាច​ប្រើ​ការ​គាប​សង្កាត់​និង​គំរាម ហើយ​មាន​ស​ង្ឍឹ​មតិច​ណាស់​ចំពោះ​ការ​តវ៉ា​របស់​អន្តរជាតិ រួច​បែប​នេះ​នឹង​អាច​រារាំង​ដល់​ឆន្ទៈ​នៃ​ការ​ងើប​តវ៉ា​។

កាលពី​ថ្ងៃ​ទី​៣​កុម្ភៈ​កាសែត ​GLOBAL NEW LIGHT OF MYANMAR ដែល​រដ្ឋ​កាន់កាប់ បាន​ចេញផ្សាយ​ការ​ព្រមាន​មួយ របស់​ក្រសួង​ព័ត៌មាន ខណៈ​អង្គការ​និង​សារព័ត៌មាន​មួយ​ចំនួន បាន​ផ្សាយពាក្យ​ចចាមអារ៉ាម​នានា តាម​បណ្ដាញ​សង្គម និង​ព្រមាន​ចំពោះ​អំពើ​បែប​នោះ ដោយ​អំពាវនាវ​ដល់​ប្រជាជន​ឲ្យ​រួម​សហការ​។

ក្រុមប្រឹក្សាសន្តិសុខ ​អ​.​ស​.​ប ​បាន​រួម​ប្រជុំ​សម្ងាត់​បន្ទាន់​កាលពី​ថ្ងៃ​ទី​២​កុម្ភៈ តែ​មិន​អាច​ព្រមព្រៀង​គ្នា​លើ​សេចក្ដីថ្លែងការណ៍​រួម​មួយ​។ ការ​ចរចា​នៅ​បន្ត ដើម្បី​ឲ្យ​សេចក្ដីថ្លែងការណ៍​នោះ​ត្រូវ​បាន​អនុម័ត ដែល​ចាំបាច់​ត្រូវ​មានការ​គាំទ្រ​របស់​ចិន ដែល​មាន​សិទ្ធិ​វេតូ​៕ ដកស្រង់​ចេញពី​វេ​ប​សាយ ៖ yahoo