ADផ្ទាំងផ្សព្វផ្សាយពាណិជ្ជកម្ម

Picture

ហេតុ​អី​បានជា​កង​យោធា​មី​យ៉ា​ម៉ា​ធ្វើ​រដ្ឋប្រហារ​ផ្ដួលរំលំ​លោកស្រី​ស៊ូ​ជី?

8 ខែ មុន

ប្រទេស​មី​យ៉ា​ន់​ម៉ា ៖ កង​យោធា​មី​យ៉ា​ន់​ម៉ា កាលពី​ថ្ងៃ​ទី​១ កុម្ភៈ បាន​ធ្វើ​រដ្ឋប្រហារ​ផ្ដួលរំលំ​រដ្ឋ​អំណាច​​ស៊ី​វិល​របស់​លោកស្រី​ ស៊ូ​ជី ដែល​នោះ​ជា​ព្រឹត្តិការណ៍ នាំ​ឲ្យ​មានការ​​ថ្កោល​ទោស​​យ៉ាង​ខ្លាំងក្លា​ពី​សំណាក់​សហគមន៍​អន្តរជាតិ ។…

ប្រទេស​មី​យ៉ា​ន់​ម៉ា ៖ កង​យោធា​មី​យ៉ា​ន់​ម៉ា កាលពី​ថ្ងៃ​ទី​១ កុម្ភៈ បាន​ធ្វើ​រដ្ឋប្រហារ​ផ្ដួលរំលំ​រដ្ឋ​អំណាច​​ស៊ី​វិល​របស់​លោកស្រី​ ស៊ូ​ជី ដែល​នោះ​ជា​ព្រឹត្តិការណ៍ នាំ​ឲ្យ​មានការ​​ថ្កោល​ទោស​​យ៉ាង​ខ្លាំងក្លា​ពី​សំណាក់​សហគមន៍​អន្តរជាតិ ។

កង​យោធា​បាន​ចាប់ខ្លួន​លោកស្រី​ស៊ូ​ជី ព្រមទាំង​មនុស្ស​សំខាន់​ៗ​នៃ​គណបក្ស​សម្ព័ន្ធជាតិ​ដើម្បី​លទ្ធិប្រជាធិបតេយ្យ​របស់​លោកស្រី ហើយ​ប្រកាស​អាសន្ន​រយៈពេល​១​ឆ្នាំ ។ ប៉ុន្តែ​ការ​ធ្វើ​រដ្ឋ​ប្រហារ​​នោះ​មិន​មាន​អ្វី​គួរ​ឲ្យ​ភ្ញាក់ផ្អើល​ឡើយ ព្រោះ​ពាក្យ​ចចាមអារ៉ាម​នានា​ពី​ការ​ធ្វើ​រដ្ឋប្រហារ
លេច​ជា​ច្រើន​ថ្ងៃមុន​នេះ ខណៈ​សភាពការណ៍​នយោបាយ​មាន​ភាព​តានតឹង​ខ្លាំង​ចាប់តាំងពី​ខែវិច្ឆិកា​ដែល​មានការ​បោះ​ឆ្នោត​សភា​ចុង​ក្រោយ ដោយ​គណបក្ស​លោកស្រី​ស៊ូ​ជី​ជា​អ្នក​ឈ្នះ​ដាច់​មក ។

Picture

កង​យោធា​បាន​គំរាម​ប្រើ​កម្លាំង​ចាប់តាំងពី​ការ​បោះ​ឆ្នោត​នោះ ដែល​ប្រព្រឹត្ត​ទៅ​កាលពី​ថ្ងៃ​ទី​៨
វិច្ឆិកា​មក ដោយ​គណបក្ស​ដែល​កងទ័ព​បង្កើត​ឡើង​ត្រូវ​ចាញ់ឆ្នោត​ធ្ងន់ធ្ងរ​ទៀត ។ បណ្ដា​បេក្ខជន
របស់​គណបក្ស​នោះ​ទទួល​បាន​កៅអី​តែ​៣៣ ក្នុង​ចំណោម​កៅអី​ទាំង​៤៧៦​ក្នុង​សភា គឺ​មិន​បាន​ពេញ​១០%​ផង ។ ទន្ទឹម​នឹង​នេះ​ដែរ​គណបក្ស​លោកស្រី​ស៊ូ​ជី​ដណ្ដើម​បាន​សំឡេង​ជាង​៨០%​ក្នុង​សភា ។ នាយសេនាធិការ​កងទ័ព​បាន​ចេញ​មុខ​ដោយ​ផ្ទាល់​ប្រឆាំង​លទ្ធផល​នៃ​ការ​បោះ​ឆ្នោត​នោះ ដោយ​បរិ​ហារ​ពី​ការ​ក្លែងបន្លំ​ដ៏​ធំ​តែ​ពុំ​មាន​ភស្ដុ​តាង និង​ទាម​ទារ​ឲ្យ​មាន​រាប់​សន្លឹក​ឆ្នោត​ឡើង​វិញ​តែ​គណៈកម្មាធិការ​បោះ​ឆ្នោត​បាន​បដិសេធ ។ ដូច្នេះ​ហើយ​បាន​ជា​កងទ័ព​បាន​ចេញ​មុខ​ធ្វើ​អន្តរាគមន៍​ផ្ដួលរំលំ​លោកស្រី​ស៊ូ​ជី​ប៉ុន្មាន​ម៉ោង​មុន​ការ​ធ្វើ​សច្ចាប្រណិធាន​ចូល​កាន់​តំណែង​របស់​សភា​ថ្មី ។

ប្រមុខ​យោធា​មី​យ៉ា​ន់​ម៉ា​ឧត្ដមសេនីយ MIN AUNG HLAING ត្រូវ​ចូល​និវត្តន៍​រយៈពេល​៦​ខែ​ទៀត ជា​អ្នក​រៀបចំ​រដ្ឋប្រហារ​ដែល​ជា​លើក​ទី​៣​ចាប់តាំងពី​ប្រទេស​នោះ​ទទួល​បាន​ឯករាជ្យ​ពី
ឆ្នាំ​១៩៤៨​មក ។ ឧត្ដមសេនីយ​រូប​នោះ បាន​បរិហារ​ពី​ភាព​មិន​ប្រក្រតី​នានា​ក្នុង​ការ​បោះ​ឆ្នោត​សភា ដែល​គណបក្ស​លោកស្រី​ស៊ូ​ជី​ជា​អ្នក​ឈ្នះ​ដាច់ ។

Picture

កាលពី​ឆ្នាំ​២០០៩​ឧត្ដមសេនីយ​រូប​នោះ​ក្លាយជាអ្នកមាន​ឥទ្ធិពល​ខ្លាំង​នៅ​ក្នុង​កងទ័ព​បន្ទាប់​ពី​បង្ក្រាប​ពួក​ឧ​ទ្ទា​ម​ក្នុង​តំបន់ KOKANG នា​ព្រំដែន​ខាងកើត​របស់​ប្រទេស ដែល​នាំ​ឲ្យ​មាន​រត់
ភៀសខ្លួន​របស់​មនុស្ស​ប្រមាណ​ជា​៣៧.០០០នាក់ ។ ជាមួយ​មហិច្ឆតា​គឺ​ក្នុង​ឆ្នាំ​២០១១ ដែល​ឧត្ដម​សេនីយ​រូប​នេះ​បាន​ចេញ​មុខ​ដើរតួ ពេល​ឧត្ដមសេនីយ THAN SHWE ជ្រើសរើស​លោក​ជា​អ្នក​ស្នង​តំណែង​បន្ត ។

ចាប់តាំងពី​ឡើង​ត្រួតត្រា​លើ​កងទ័ព អគ្គមេបញ្ជាការ​យោធា​រូប​នោះ មិន បង្ហាញ​ថា​លោក
មាន​​បំណង​ផ្លាស់​ប្ដូរ​គោលការណ៍​ដែល​ឲ្យ​ពួក​យោធា​កាន់កាប់​កៅអី​សភា​២៥% ឬ​ខ​នៃ​រដ្ឋ​ធម្មនុញ្ញ​ដែល​រារាំង​លោកស្រី​ស៊ូ​ជី​មិន​ឲ្យ​កាន់​តំណែង​ប្រធានាធិបតី​ឡើយ ។ មុន​ថ្ងៃ​ទី​១​កុម្ភៈ​ឧត្ដម​សេនីយ MIN AUNG HLAING ក្លាយ​រួច​ហើយ​ជា​បុរស​ខ្លាំង​បំផុត​របស់​ប្រទេស ជា​ប្រមុខ​កង​ទ័ព​ដែល​មិន​ស្ថិត​ក្រោម​បញ្ជា​របស់​រដ្ឋាភិបាល ។ ម្យ៉ាងទៀត​លោក​ក្ដាប់​ក្នុង​ដៃ​រួច​ហើយ ក្រសួង​​គន្លឹះ​៣​គឹ​ក្រសួងការពារជាតិ ក្រសួងមហាផ្ទៃ​និង​ក្រសួង​ព្រំដែន​និង​កិច្ចការ​ផ្ទៃក្នុង ៕ ដកស្រង់​ចេញពី​វេ​ប​សាយ ៖ yahoo