ព្រះ​អង្គ​ម្ចាស់ William អំពាវនាវ​ឱ្យបញ្ឈប់​រើសអើង​ជាតិ​សាសន៍​ក្នុងពិភពបាល់ទាត់​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ព្រះ​អង្គ​ម្ចាស់ William អំពាវនាវ​ឱ្យបញ្ឈប់​រើសអើង​ជាតិ​សាសន៍​ក្នុងពិភពបាល់ទាត់​

4 ខែ មុន

ចក្រភព​អង់គ្លេស ៖ ព្រះ​អង្គ​ម្ចាស់ William នៅ​ថ្ងៃ​ទី​១ ខែ​កុ​ម្ភៈ​​នេះ បាន​អំពាវនាវ​ឱ្យ​បញ្ឈប់​ជា​បន្ទាន់​រាល់​សកម្មភាព និង​ពាក្យ​សម្តី​រើសអើង​ជាតិ​សាសន៍​នៅ​ក្នុង​ពិភព​បាល់ទាត់ ដែល​ព្រះ​អង្គ​បាន​ចាត់​ទុក​វា​ថា​ជា​ទ​ង្វើ​គួរ​ឱ្យ​ស្អប់ខ្ពើម​បំផុត​។ កីឡាករ…

ចក្រភព​អង់គ្លេស ៖ ព្រះ​អង្គ​ម្ចាស់ William នៅ​ថ្ងៃ​ទី​១ ខែ​កុ​ម្ភៈ​​នេះ បាន​អំពាវនាវ​ឱ្យ​បញ្ឈប់​ជា​បន្ទាន់​រាល់​សកម្មភាព និង​ពាក្យ​សម្តី​រើសអើង​ជាតិ​សាសន៍​នៅ​ក្នុង​ពិភព​បាល់ទាត់ ដែល​ព្រះ​អង្គ​បាន​ចាត់​ទុក​វា​ថា​ជា​ទ​ង្វើ​គួរ​ឱ្យ​ស្អប់ខ្ពើម​បំផុត​។

Picture

កីឡាករ Marcus Rashford ខ្សែប្រយុទ្ធ​ក្រុម Manchester United គឺជា​កីឡាករ​ចុង​ក្រោយបង្អស់​ដែល​រង​ការ​រំលោភ​បំពាន​រើសអើង​ជាតិ​សាសន៍​កាលពី​ស​ប្តា​ហ៍​មុន ខណៈ​កន្លង​មក​មិត្ត​រួម​ក្រុម​របស់​គេ​គឺ​កីឡាករ Anthony Martial និង Axel Tuanzebe ក៏​ជា​ជន​រង​គ្រោះ​ផង​ដែរ​។

Picture

កាលពី​ថ្ងៃ​ទី​៣១ ខែមករា កន្លង​ទៅ​ថ្មី​ៗ​នេះ ប៉ូ​លី​ស​ប្រចាំ​តំបន់ Greater Manchester ក៏​បាន​ចាប់ផ្តើម​បើក​ការ​ស៊ើបអង្កេត ដើម្បី​វែកមុខ​រក​ជន​បង្ក​មក​ទទួលខុសត្រូវ​ចំពោះ​ទ​ង្វើ​របស់​ពួក​គេ​។

Picture

ស្ថិត​ភាព​ចម្រូងចម្រាស​នេះ ព្រះ​អង្គ​ម្ចាស់ William ដែល​បច្ចុប្បន្ន​ជា​ប្រធាន​សមាគម​កីឡាបាល់ទាត់​អង់គ្លេស​ហៅ​កាត់​ថា FA បាន​បង្ហោះ​សា​រលើ​បណ្តាញ Twitter យ៉ាង​ដូច្នេះ​ថា «​ការ​រើសអើង​ជាតិ​សាសន៍​មិន​ថា​លើ​ទីលាន ក្រៅ​ទីលាន ឬ​នៅ​លើ​បណ្តាញ​សង្គម​ឡើយ វា​សុទ្ធសឹងតែ​ជា​ទ​ង្វើ​គួរ​ឱ្យ​ស្អប់ខ្ពើម​បំផុត វា​ត្រូវ​តែ​បញ្ឈប់​នៅ​ពេល​ឥឡូវនេះ​។ ហើយ​អ្នក​ដែល​ជ្រើសរើស​ការ​ផ្សព្វផ្សាយ​ដើម្បី​បញ្ឆេះ​ឱ្យ​មានការ​ស្អប់ខ្ពើម និង​ការ​បែងចែក​ជាតិ​សាសន៍ ត្រូវ​តែ​ទទួលខុសត្រូវ​ចំពោះ​សកម្មភាព​ពួក​គេ​»៕ (​ដកស្រង់​ចេញពី BBC)

Picture