យោងតាមរបាយការណ៍ថ្មីរបស់អង្គការសហប្រជាជាតិក្រោមចំណងជើងថា «ការរំពឹងទុកនៃចំនួនប្រជាជនលើលោក» ឱ្យដឹងថា ចំនួនប្រជាជនពេលបច្ចុប្បន្នមានចំនួន៧,៣ពាន់លាននាក់ ហើយនឹងកើនដល់៨,៥ពាន់លាននាក់ នៅឆ្នាំ២០៣០ បន្ទាប់មកកើនដល់៩,៧ពាន់លាននាក់ នៅឆ្នាំ២០៥០ និងនៅឆ្នាំ២១០០ មានចំនួន១១,២ពាន់លាននាក់ ។
លោកវ៉ូ ហុងបូ មន្ត្រីអង្គការសហប្រជាជាតិទទួលបន្ទុកផ្នែកសេដ្ឋកិច្ច និងកិច្ចការសង្គមថ្លែងថា «ការយល់ដឹងពីការផ្លាស់ប្តូរប្រជាសាស្ត្រនឹងផ្តល់ផលល្អក្នុងការរៀបចំប្រជាជាតិក្នុងរយៈពេលប៉ុន្មានឆ្នាំខាងមុខទៀត ។ ក្នុងអំឡុងពីឆ្នាំ២០១៥ ដល់ឆ្នាំ២០៥០ ពាក់កណ្តាលនៃចំនួនប្រជាជនលើពិភពលោកមានការកើនឡើងដែលគេរំពឹងទៅលើបណ្តាប្រទេសចំនួន៩ ដូចជាប្រទេសឥណ្ឌា នីហ្ស៊េរីយ៉ា ប៉ាគីស្ថាន កុងហ្គោ អេត្យូពី តង់ហ្សានី សហរដ្ឋអាមេរិក ឥណ្ឌូណេស៊ី និងប្រទេសអ៊ូហ្គង់ដា» ។ របាយការណ៍ថ្មីនេះបានព្យាករពីដំណើរវិវឌ្ឍនៃប្រជាជន និងកត្តាមួយចំនួនដូចជា៖
ការផ្លាស់ប្តូរនៃចំណាត់ថ្នាក់ចំនួនប្រជាជននាពេលបច្ចុប្បន្ន
ចិន និងឥណ្ឌានៅតែជាប្រទេសធំជាងគេបំផុតក្នុងលោកដែលប្រទេស នីមួយៗ មានចំនួនប្រជាជនច្រើនជាង១ពាន់លាននាក់ តំណាងពី១៨ភាគរយ ទៅ១៩ភាគរយនៃចំនួនប្រជាជនលើពិភពលោក ប៉ុន្តែនៅឆ្នាំ២០២០ ចំនួនប្រជាជននៅប្រទេសឥណ្ឌាអាចនឹងកើនឡើងដោយផ្តួលប្រទេសចិនបាន ។
កំណើនប្រជាជននៅអាហ្វ្រិក
ជាមួយនឹងអត្រាកំណើនប្រជាជនខ្ពស់នៅអាហ្វ្រិកត្រូវបានអ្នកវិភាគរំពឹងថា ក្នុងអំឡុងពីឆ្នាំ២០១៥ ដល់ឆ្នាំ២០៥០ ចំនួនប្រជាជននៅអាហ្វ្រិក គឺច្រើនជាងពាក់កណ្តាលនៃចំនួនប្រជាជនលើលោក ។ បណ្តាប្រទេសក្នុងទ្វីបអាហ្វ្រិកចំនួន២៨ប្រជាជនេនឹងកើនឡើងទ្វេដងឯណោះ ៕
ចែករំលែកព័តមាននេះ