AFP ផ្សាយកាលពីពេល ថ្មីៗកន្លងមកថាអ្នកជំនាញមានក្តីបារម្ភលើបញ្ហាសុខភាពពីការទទួលទានស្លាម្លូ ឬ «Kun Ja» ជាភាសាមីយ៉ាន់ម៉ា ដែលកំពុងពេញនិយម ។ ទាំងថ្នាំជក់ និងស្លា ម្លូជាសារធាតុបង្កឱ្យកើតមហារីក
AFP ផ្សាយកាលពីពេល ថ្មីៗកន្លងមកថាអ្នកជំនាញមានក្តីបារម្ភលើបញ្ហាសុខភាពពីការទទួលទានស្លាម្លូ ឬ «Kun Ja» ជាភាសាមីយ៉ាន់ម៉ា ដែលកំពុងពេញនិយម ។ ទាំងថ្នាំជក់ និងស្លា ម្លូជាសារធាតុបង្កឱ្យកើតមហារីក ជាមូលហេតុធ្វើឱ្យជនជាតិមីយ៉ាន់ម៉ាកើតមហារីកមាត់ធ្មេញខ្ពស់ខុសប្រក្រតី ។
ស្លាម្លូជាគ្រឿងទំពាបៀមនៅតំបន់អាស៊ានតាំងពីបុរាណកាលមក និងនៅរ៉ង់ហ្គូន ស្លាកស្នាមទឹកមាត់ស្លាពណ៌ក្រហមបានជាប់ដិតដាមនៅតាមផ្លូវដើរ ក្នុងក្រុង ជាភស្តុតាងបញ្ជាក់ថា វត្ថុទំពាបៀមប្រភេទនេះកំពុងពេញនិយម ក្នុងពេលបច្ចុប្បន្ន ។ លោក Myo Myint Htaike ចាប់ផ្តើមទំពាស្លាម្លូតាំងពី១២ឆ្នាំមុន ដើម្បីជួយកាត់បន្ថយអាការឈឺធេ្មញដូចគ្នានឹងជនជាតិមីយ៉ាន់ម៉ាជាច្រើនលាននាក់ទៀតដែរ និងបច្ចុប្បន្នរូបគេនៅតែទំពាស្លាជារៀងរាល់ថ្ងៃ ។ ការងារជាអ្នកបើកតាក់ស៊ី ការទំពាស្លាអាចជួយដល់រូបគេស៊ូទ្រាំបាននឹងបញ្ហាកកស្ទះចរាចរនៅក្នុងទីក្រុងអស់រយៈពេលជាច្រើនម៉ោង ។ លោក Myo Myint Htaike និយាយថា «ខ្ញុំងងុយដេក នៅពេលចាប់ផ្តើមរត់តាក់ស៊ីដំបូង ដូច្នេះ ខ្ញុំទំពាស្លាម្លូ ដើម្បីកុំឱ្យងងុយដេកនិងបន្ថយការហត់នឿយ » ។
មានផលប៉ះពាល់ពីស្លាម្លូច្រើនទៀត ធ្វើឱ្យកើតមហារីកមាត់ធ្មេញ ។ លោកតាន់ សេន ប្រធានមូលនិធិផ្នែកសុខភាពរបស់ពលរដ្ឋថ្លែងថា លោកចង់ឃោសនាដើម្បីក្រើនរំលឹកដល់អ្នកប្រើប្រាស់ស្លាម្លូឱ្យដូចការជក់បារី ដោយលោកពិនិត្យឃើញថា មីយ៉ាន់ម៉ា មានសភាពទន់ខ្សោយ បើប្រៀបធៀបទៅនឹងប្រទេសជិតខាង។ ជាក់ស្តែងនៅប្រទេសថៃ បច្ចុប្បន្នទាំងនៅជនបទក្តីស្ទើរតែគ្មាននរណាម្នាក់ពិសាស្លាទេ រីឯនៅម៉ាឡេស៊ីក៏ស្ទើរតែគ្មានដែរ ព្រោះស្លាម្លូប៉ះពាល់ដល់សុខភាព ។
ដោយឡែក លោក Myo Myint Htaike អ្នកបើកបរតាក់ស៊ីទទួលស្គាល់ថា «ខ្ញុំដឹងច្បាស់ពីផលប៉ះពាល់ពីស្លា ប៉ុន្តែខ្ញុំក៏មិនអាចរស់នៅដោយគ្មានវាបានទេ » ៕
ចែករំលែកព័តមាននេះ