ខេត្តព្រះសីហុន ៖ ករណីហិង្សាដោយចេតនា១កើតឡើង បង្កដោយជនសង្ស័យ១ក្រុម មានគ្នាប្រហែល១០នាក់ ជិះម៉ូតូ៦គ្រឿង បានធ្វើសកម្មភាពកាប់លើជនរងគ្រោះចំនួន២នាក់ នាថ្ងៃទី២០ ខែមករា ឆ្នាំ២០២១ វេលាម៉ោង២១និង៤៥នាទី ស្ថិនៅលើផ្លូវជំទាវម៉ៅ ក្នុងភូមិចំណោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ ។
ជនរងគ្រោះចំនួន២នាក់ ទាំង២នាក់ខាងលើមាន ១-ឈ្មោះ ហៀង សុខា ភេទប្រុស អាយុ២៧ឆ្នាំ មានទីលំនៅភូមិចំណោទរាមឃុំបិតត្រាំង ស្រុកព្រៃនប់ ខេត្តព្រះសីហនុ (របួសត្រង់ក្បាល) ២-ឈ្មោះ សេង ពិសិទ្ធ ភេទប្រុស អាយុ១៧ឆ្នាំ មានទីលំនៅ ភូមិចំណោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ របួសត្រង់កញ្ចឹងក ។
ក្រោយពីធ្វើសកម្មភាពរួច បានរត់គេចខ្លួនអស់បន្សល់នៅដាវ១ដើម និងដែកបំពង់ទីប ១កំណាត់ ។ ចំណែកឯជនរងគ្រោះបានសំរាកព្យាបាលនៅពេទ្យឯកជន ឃុំរាម ។ លុះដល់ថ្ងៃទី២១ ខែមករានេះ យើងបានធ្វើការឃាត់ខ្លួនជនសង្ស័យចំនួន០៣នាក់ ០១.ឈ្មោះជុំ ចំណានភេទប្រុស អាយុ១៦ឆ្នាំ មុខរបរសិស្ស មានទីលំនៅភូមិពូធឿង ឃុំបិតត្រាំងស្រុកព្រៃនប់ ខេត្តព្រះសីហនុ ។ ០២.ឈ្មោះឆាំ សុខុម ភេទប្រុស អាយុ១៧ឆ្នាំ មុខរបរសិស្ស មានទីលំនៅភូមិពូធឿងឃុំបិតត្រាំង ស្រុកព្រៃនប់ ខេត្តព្រះសីហនុ ។ ០៣.ឈ្មោះ សុគ្រី ស្លៃម៉ាន ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។
ព្រមទាំងដកហូតបានវត្ថុតាងកាំបិតបុ័ងតោ០១ ។ បច្ចប្បន្ន យើងកំពុងធ្វើការឃាត់ខ្លួនជនសង្ស័យខាងលើ និងកសាងសំណុំរឿងតាមនិតិវិធី ៕
ចែករំលែកព័តមាននេះ