តារាម៉ូដែល និងសម្តែងវ័យ២៦ឆ្នាំ នាង Olivia Jordan គ្រងមកុដបវរកញ្ញាអាមេរិកឆ្នាំ២០១៥ ក្រោយពីផ្តួលបេក្ខនារី៥០នាក់ ផ្សេងទៀតមកពីរដ្ឋ ខុសៗគ្នា ។ ព្រឹត្តិការណ៍នេះធ្វើឡើងកាលពីថ្ងៃទី១២ កក្កដា នៅក្រុងBaton Rouge រដ្ឋ Louisiana សហរដ្ឋអាមេរិក ។
នេះគឺជាលើកទី១ ដែលបេក្ខនារីមកពីរដ្ឋអូក្លាហាម៉ា គ្រងមកុដបវរកញ្ញាអាមេរិក ២០១៥។ រីឯនាង Yliana Guerra វ័យ២២ឆ្នាំ មកពីរដ្ឋតិចសាសទទួលបានចំណាត់ថ្នាក់លេខ២ និងចំណាត់ថ្នាក់លេខ៣ បានទៅលើនាង Anea Garcia វ័យ២០ឆ្នាំ មកពីកោះរ៉ូត ។
និស្សិតបរិញ្ញាបត្រផ្នែកសុខាភិបាលពីសាកលវិទ្យាល័យប៊ូស្តុនកាលពីឆ្នាំ២០១១ នាង Olivia Jordan និយាយថា «នាងខ្ញុំមានមោទភាពណាស់ដែលតំណាងឱ្យរដ្ឋអូក្លាហាម៉ា ក៏ដូចជាសហរដ្ឋអាមេរិកទៅចូលរួមការប្រកួតប្រជែងបវរកញ្ញាចក្កវាឡ២០១៥» ។ នាង Olivia Jordan មានកម្ពស់១,៨០ ម៉ែត្រ ទំហំសុដន់៨២សង្ទីម៉ែត្រ ចង្កេះ៦៦ សង្ទីម៉ែត្រ និងត្រគាក៨៩សង្ទីម៉ែត្រ ៕
ចែករំលែកព័តមាននេះ