ខេត្តបន្ទាយមនាជ័យ ៖ មានមនុស្សចំនួន០៣នាក់បានរងរបួសធ្ងន់ក្រោយមកម្នាក់បានស្លាប់ និង០២នាក់ទៀតបានរងរបួសស្រាល ដោយសាររថយន្តហាយឡែនឌ័រ បុកជាមួយម៉ូតូ០២គ្រឿងបន្តបន្ទាប់។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១១ និង៣០នាទីព្រឹក ថ្ងៃទី២៦…
ខេត្តបន្ទាយមនាជ័យ ៖ មានមនុស្សចំនួន០៣នាក់បានរងរបួសធ្ងន់ក្រោយមកម្នាក់បានស្លាប់ និង០២នាក់ទៀតបានរងរបួសស្រាល ដោយសាររថយន្តហាយឡែនឌ័រ បុកជាមួយម៉ូតូ០២គ្រឿងបន្តបន្ទាប់។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១១ និង៣០នាទីព្រឹក ថ្ងៃទី២៦ ខែធ្នូ ឆ្នាំ២០២០ លើកំណាត់ផ្លូវជាតិលេខ៥៦អា ចំណុចទល់មុខវិទ្យាល័យស្វាយចេក ក្នុងភូមិស្ទឹងរលួស ឃុំរលួស ស្រុកស្វាយចេក ខេត្តបន្ទាយមានជ័យ។
លោកវរសេនីយ៍ទោ សួន នីប៉ូ នាយរងការិយាល័យ នគរបាលជើងគោកខេត្ត បានឲ្យដឹងថា៖ ដំបូងមានម៉ូតូ០១គ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខប.មានជ័យ 1H-1635 បើកបរដោយឈ្មោះឌី ណាបីនកា ភេទស្រី អាយុ១៧ឆ្នាំ មានអ្នករួមដំណើម្នាក់ឈ្មោះ ដា លីកា ភេទស្រីអាយុ១៦ឆ្នាំ។ ទាំង០២នាក់នៅភូមិកំណប់ ឃុំស្លក្រាម ស្រុកស្វាយចេក ខេត្តបន្ទាយមានជ័យ ធ្វើដំណើរក្នុងទិសដៅពីត្បូងទៅជើង។
ពេលមកដល់ចំណុចកើតហេតុទល់មុខវិទ្យាល័យស្វាយចេកក្នុងភូមិស្ទឹងរលួស ឃុំរលួស ម៉ូតូបានប្តូរគន្លងទិសបត់ឆ្វេង ស្របពេលនោះមានរថយន្ត០១គ្រឿងម៉ាកហាយឡែនឌ័រពណ៌ខ្មៅ ពាក់ស្លាកលេខ បន្ទាយមានជ័យ 2B-1958 បើកបរដោយឈ្មោះ(មិនស្គាល់អត្តសញ្ញាណ) បុកប៉ះ បណ្តាលឲ្យរងរបួសស្រាលទាំង០២នាក់។ បន្ទាប់មករថយន្តបានបន្តទៅបុកជាមួយម៉ូតូ០១គ្រឿងទៀតក្នុងទិសដៅច្រាសគ្នាពីជើងទៅត្បូង ពាក់ស្លាកលេខ បន្ទាយមានជ័យ 1C-2831បើកបរដោយឈ្មោះ បាន ជុំ ហៅ ជីនហុន ភេទប្រុស អាយុ៦៤ឆ្នាំ អតីតជាយោធាចូលនិវត្តន៍ រងរបួសបាក់ជើងក្រោយមកបានស្លាប់ និងអ្នករួមដំណើ0២នាក់ម្នាក់ឈ្មោះ ស្មាន ឆាន់ ភេទស្រី អាយុ៦៣ឆ្នាំ របួសបាក់ជើងស្ដាំ0២កំណាត់ និងម្នាក់ទៀត ឈ្មោះ យុង ឌី ភេទស្រី អាយុ0៧ឆ្នាំ របួសបែកក្បាល។
ជនរងគ្រោះទាំង០៣នាក់នេះ មានទីលំនៅភូមិបារាយណ៍ ឃុំតាផូ ស្រុកស្វាយចេក ខេត្តបន្ទាយមានជ័យ។ វត្ថុតាងម៉ូតូ និងរថយន្តត្រូវបាននគរបាលជំនាញចរាចរណ៍ស្រុកស្វាយចេក យកមករក្សាទុកនៅអធិការដ្ឋាន ដើម្បីដោះស្រាយនៅពេលក្រោយ ចំណែកអ្នករងរបួសត្រូវបានបញ្ជូនទៅសង្គ្រោះនៅមន្ទីរពេទ្យ ចំណែកសាកសពបានប្រគល់ជូនសាច់ញាតិចាត់ចែងធ្វើបុណ្យតាមប្រពៃណី៕ ដោយ ៖ ណុប រក្សា
ចែករំលែកព័តមាននេះ