រាជធានីភ្នំពេញ ៖ រថយន្តធំដឹកដែកសំពីងសំពោងបត់ចូលច្រកឌឿងហែមវាត់កន្ទុយត្រូវសំយ៉ាបផ្ទះនិងទូកញ្ចក់តាំងខោអាវផ្ទះកាត់ដេរបណ្ដាលឱ្យបែក កាលពីវេលាម៉ោង៩ និង៥០នាទីយប់ ថ្ងៃទី១៩ ខែធ្នូ ឆ្នាំ២០២០ នៅមុខផ្ទះកាត់ដេរ ហ៊ត់…
រាជធានីភ្នំពេញ ៖ រថយន្តធំដឹកដែកសំពីងសំពោងបត់ចូលច្រកឌឿងហែមវាត់កន្ទុយត្រូវសំយ៉ាបផ្ទះនិងទូកញ្ចក់តាំងខោអាវផ្ទះកាត់ដេរបណ្ដាលឱ្យបែក កាលពីវេលាម៉ោង៩ និង៥០នាទីយប់ ថ្ងៃទី១៩ ខែធ្នូ ឆ្នាំ២០២០ នៅមុខផ្ទះកាត់ដេរ ហ៊ត់ សិរី ចំណុចផ្សារដីថ្មី ផ្លូវបេតុងភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ។
បើតាមប្រភពព័ត៌មានបានប្រាប់ឲ្យដឹងថា មុនពេលកើតហេតុគេឃើញបុរសម្នាក់បានបើករថយន្តម៉ាកហ៊ីយ៉ាន់ដាយធុនធំមួយគ្រឿងពណ៌ស ពាក់ស្លាកលេខ ភ្នំពេញ 2D-4282 តាមផ្លូវវេងស្រេងក្នុងទិសដៅពីត្បូងទៅជើងលុះមកដល់ចំណុចកើតហេតុក៏បានបត់ចូលផ្លូវបេតុងផ្សារដីថ្មី ពេលនោះរថយន្តក៏បានធ្លាក់ដែកមកត្រូវសំយ៉ាបផ្ទះប្រជាពលរដ្ឋបណ្ដាលឲ្យរងការខូចខាតបន្តិចបន្តួច។
ប្រភពព័ត៌មានបានបន្តថា ក្រោយពីមានការប៉ះសំយ៉ាបផ្ទះហើយក៏មានប្រជាការពារបានឃាត់រថយន្ត និងបញ្ជាឲ្យរថយន្តធុនធំដែលដឹកសំពីងសំពោងបត់ចូលច្រកឌឿងហែម ពេលនោះអ្នកបើកបររថយន្តបានប្រាប់ទៅប្រជាការពារភូមិថាបត់មិនចូលទេច្រកនឹងតូចណាស់ តែប្រជាការពារភូមិនៅតែបញ្ជាឱ្យបត់ចូល ខណៈពេលដែលរថយន្តបត់ចូលទៅវាត់កន្ទុយដែកត្រូវទូកកញ្ចក់តាំងរូបកាត់ដេរខោអាវបណ្តាលឲ្យបែកកញ្ចក់ខ្ទេច។
ក្រោយមកកើតហេតុមានសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ចូលទៅដល់ធ្វើការសម្របសម្រួល ខាងរថយន្តក៏បានព្រមសងសំណងទៅម្ចាស់សន្យាផ្ទះ និងទូរកញ្ចក់តាំងនៅមុខផ្ទះចំនួន ៦០០ ដុល្លារ ដើម្បីបញ្ចប់រឿងនៅកន្លែងកើតហេតុ៕ ដោយ ៖ យឹម ឈឿន
ចែករំលែកព័តមាននេះ