ការប្រើប្រាស់អំពូលភ្លើងដែលមានលក្ខណៈសន្សំសំចៃថាមពល គឺជាតំរូវការចាំបាច់របស់ក្រុមគ្រួសារទូទៅនៅក្នុងសង្គម និងជាផ្នែកមួយសំរាប់កាត់បន្ថយលើការចំណាយថវិកាផងដែរ ។
-ត្រូវបិទភ្លើងក្នុងពេលដែលឈប់ប្រើប្រាស់ ។
-ព្យាយាមជូតសំអាតអំពូលភ្លើងឱ្យថ្លាល្អ ។
-ប្រើពន្លឺឱ្យភ្លឺស្របទៅតាមលក្ខណៈចាំបាច់ ដូចគ្នាក្នុងករណីដែលត្រូវប្រើនៅទីកន្លែងដែលត្រូវបើកភ្លើងចោលពេញមួយយប់គួរប្រើអំពូលម៉ែត្រមូលរាងជាអក្សរ “U”។
-ក្នុងបរិវេណដែលធ្លាប់ប្រើអំពូលម៉ែត្ររាងទ្រវែងគួរតែផ្លាស់ប្តូរប្រើអំពូលរាងជាអក្សរ “U” វិញ ។
-ត្រូវប្រើប្រាស់អំពូលដែលមានការសន្សំសំចៃថាមពលដូចជាអំពូលម៉ែត្រមានរាងជាអក្សរ “U” គឺអាចសន្សំថាមពលបានច្រើនជាងអំពូលម៉ែត្ររាងទ្រវែងបានដល់ទៅ៤-៥ដង និងមានអាយុកាលប្រើប្រាស់បានយូរជាងដល់ទៅ៨ដង ។
-ត្រូវប្រើប្រាស់ពន្លឺជាលក្ខណៈធម្មជាតិ
ជំនួសការបើកអំពូលភ្លើងភ្លឺខ្លាំង ដូចជានៅផ្ទះបាយ បន្ទប់រក្សាទុករបស់របរ បន្ទប់ទឹក និងផ្លូវដើរជាដើម ។
-គួរតែលាបពណ៌នៅតាមជញ្ជាំង ឬជ្រើសរើសគ្រឿងសំណង់លំអក្នុងបន្ទប់ ដែលមានពណ៌ស្រទន់ ព្រោះថា ពណ៌ស្រទន់ នឹងជួយឆ្លុះបញ្ជាំង ពន្លឺនៅក្នុងបន្ទប់បានល្អជាងពណ៌ចាស់ស្រអាប់ ជាហេតុធ្វើឱ្យយើងមិនបាច់ប្រើអំពូលភ្លើងដែលមានវ៉ុលខ្ពស់ ៕
ចែករំលែកព័តមាននេះ