លោកអ្នកចាំបាច់ត្រូវតែផ្លាស់ប្តូរសម្បកកង់រថយន្តចេញនៅចន្លោះពេលជាក់លាក់ណាមួយដើម្បីរក្សាបាននូវសុវត្ថិភាពក្នុងពេលធ្វើដំណើរ។ ការផ្លាស់ប្តូរសម្បកកង់ចាំបាច់ត្រូវធ្វើឡើងនៅចន្លោះពេលទៀង
លោកអ្នកចាំបាច់ត្រូវតែផ្លាស់ប្តូរសម្បកកង់រថយន្តចេញនៅចន្លោះពេលជាក់លាក់ណាមួយដើម្បីរក្សាបាននូវសុវត្ថិភាពក្នុងពេលធ្វើដំណើរ។ ការផ្លាស់ប្តូរសម្បកកង់ចាំបាច់ត្រូវធ្វើឡើងនៅចន្លោះពេលទៀងទាត់មួយហើយក៏នៅពេលណាដែលអ្នកមើលឃើញជាក់ស្តែងថាវាមានបញ្ហាដូចជា មានសភាពសឹករេចរិលជាដើម ។ ខាងក្រោមនេះជាចំណុចស្នូលដែលអ្នកគួរធ្វើការផ្លាស់ប្តូរសម្បកកង់រថយន្ត ៖
ក-គួរផ្លាស់ប្តូរតាមរយៈចម្ងាយផ្លូវនៃការបើកបរតាមរូបមន្តទូទៅ វាគឺជាគំនិតល្អម្យ៉ាងដែរក្នុងការផ្លាស់ប្តូរសម្បកកង់នៅពេលវាហាក់ដូចពុំអាចទ្រាំទ្ររួចប្រសិនជាលោកអ្នកបន្តដំណើរផ្លូវឆ្ងាយ ។ រីឯភាពប្រែប្រួលនៃចម្ងាយផ្លូវជាមួយនឹងកត្តាជាច្រើនដូចជា គុណភាពរបស់សម្បកដើម ស្ថានភាពផ្លូវបើកបរ ទម្លាប់របស់អ្នកបើក និងលក្ខខណ្ឌអាកាសធាតុជាដើម ។ ដូច្នេះវិធីល្អគឺផ្លាស់ប្តូរវាក្នុងអំឡុងពេលលោកអ្នកបើកបានចម្ងាយផ្លូវ ៦៤.០០០គីឡូម៉ែត្រ លើកលែងតែរថយន្តអ្នកប្រើសម្បកកង់ដែលគេរចនាឡើងធន់នឹងការប្រើប្រាស់ក្នុងរយៈចម្ងាយផ្លូវច្រើនគីឡូម៉ែត្រជាងនេះ ។
ខ-ការប្តូរសម្បកដែលខូច
វាក៏ជាការចាំបាច់មួយដែរក្នុងការកំណត់ពេលវេលាពិនិត្យពិច័យរកភាពសឹករេចរិលនៅលើកង់ទាំងបួនគ្រាប់របស់រថយន្ត ។ វាក៏ដល់ពេលដែលផ្លាស់ប្តូរចេញដែរប្រសិនជាភាពសឹកក្រឡាធ្វើឲ្យលោកអ្នកឃើញនឹងភ្នែកទៅហើយនោះ ។ មួយវិញទៀតប្រសិនជាអ្នកសង្កេតឃើញថាវាហាក់ដូចជាសឹកខាំ្លងឬធ្ងន់ធ្ងរហើយនោះចៀសវាងការបើកបរទៅណាមកណាតែម្តងព្រោះឧបសគ្គកើតចេញពីការផ្ទុះកង់មិនអាចកំណត់បានទេប្រយ័ត្នជួបគ្រោះថ្នាក់ជាយថាហេតុ ដូច្នេះមានតែរង់ចាំរហូតដល់អ្នកផ្លាស់ប្តូរវាចេញត្រឹមត្រូវសិន ។
គ-រូបមន្តចៀសវាងការប្តូរមុនកាលកំណត់មានកត្តាជាច្រើនដែលអាចបណ្តាលឲ្យសម្បកកង់ខូចប្រើលែងកើតហើយក៏មានរឿងជាច្រើនដែលលោកអ្នកអាចធ្វើវាដើម្បីចៀសវាងជួបបញ្ហាដូចបានបញ្ជាក់នៅចំណុចនេះដែរ ។
ក្នុងចំណោមកត្តាសំខាន់បំផុតគឺការថ្លឹងកង់ឲ្យបានទៀងទាត់ ។ ដូចេះ្នករណីនេះវាត្រូវបានគេផ្តល់អនុសាសន៍មកថា អ្នកគួរថ្លឹងកង់រថយន្តជារៀងរាល់៨.០០០គីឡូម៉ែត្រ ទៅ១៦.០០០គីឡូម៉ែត្រម្តង ។ ហើយក៏គួរចៀសវាងការបើករថយន្តក្នុងតំបន់ដែលអាចមានកាកសំណល់ឬកម្ទេចអម្បែងដែលអាចចាក់ទម្លុះចូលសម្បក កង់និងគួរពិនិត្យរថយន្តអ្នកឲ្យទៀងទាត់ពិសេសលើបញ្ហាបច្ចេកទេសដែលនាំឲ្យសឹកក្រឡាកង់កាន់តែខ្លាំង ៕
ចែករំលែកព័តមាននេះ