ខេត្តមណ្ឌលគិរី ៖ ប្តីប្រពន្ឋមួយគូត្រូវបានសមត្ថកិច្ចចាប់វាយខ្នោះ បន្ទាប់ពីរកឃើញថា ពួកគេមានជាប់ពាក់ព័ន្ឋករណីជួញដូរថ្នាំញៀន ដែលប្រតិបត្តិការបង្ក្រាបនេះបានធ្វើឡើងកាលវេលាម៉ោង៨យប់ថ្ងៃទី៦ ខែធ្នូ ឆ្នាំ២០២០ នៅចំណុភូមិចំកាតែ សង្កាត់ស្ពានមានជយ័…
ខេត្តមណ្ឌលគិរី ៖ ប្តីប្រពន្ឋមួយគូត្រូវបានសមត្ថកិច្ចចាប់វាយខ្នោះ បន្ទាប់ពីរកឃើញថា ពួកគេមានជាប់ពាក់ព័ន្ឋករណីជួញដូរថ្នាំញៀន ដែលប្រតិបត្តិការបង្ក្រាបនេះបានធ្វើឡើងកាលវេលាម៉ោង៨យប់ថ្ងៃទី៦ ខែធ្នូ ឆ្នាំ២០២០ នៅចំណុភូមិចំកាតែ សង្កាត់ស្ពានមានជយ័ ក្រុងសែនមនោរម្យ ខេត្តមណ្ឌលគិរី។
លោកកាន់ ពេញ អធិការនគរបាលក្រុងសែនមនោរម្យបានឲ្យដឹងថា កម្លាំងផ្នែកជំនាញការិយាលយ័ប្រឆាំងគ្រឿងញៀន សហការជាមួយកម្លាំងនៃអធិការដ្ឋាននគរបាលក្រុងសែនមនោរម្យ និងកម្លាំងប៉ុស្ដិ៍នគរបាលរដ្ឋបាលស្ពានមានជ័យ ដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលបន្ទុកផែនប្រឆាំងគ្រឿងញៀន និងសម្របសម្រួលពីលោក ម៉ម វ៉ាន់ដា ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះបង្ក្រាបករណីជួញដូរ និងរក្សាទុកដោយខុសច្បាប់នូវសារធាតុញៀន នៅចំណុចភូមិឃុំខាងលើ ដោយបានឃាត់ខ្លួនជនសង្ស័យជួញដូរ និងចែកចាយ ចំនួន១នាក់ និងអ្នកពាក់ព័ន្ធ១នាក់។
លោកអធិការនគរបាលក្រុងបានបន្តថា ជនសង្ស័័យទាំង២នាក់ខាងលើ ក្នុងនោះម្នាក់ឈ្មោះយឹម សុខលី ហៅ វ៉ា ភេទប្រុស អាយុ៣១ឆ្នាំ មុខរបរមិនពិតប្រាកដ មានទីលំនៅភូមិចំកាតែ សង្គាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរិ (អ្នកជួញដូរ ចែកចាយ) និងឈ្មោះម៉ូត ស្រីម៉ៅ ភេទស្រី អាយុ៤០ឆ្នាំ មុខរបរមិនពិតប្រាកដ មានទីលំនៅភូមិចំការតែ សង្គាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី(អ្នកពាក់ព័ន្ធ) ។
ចំណែកវត្ថុតាងដែលដកហូតបានរួមមាន ម្សៅក្រាមពណ៌សថ្លាសង្ស័យជាសារធាតុញៀន ចំនួន២៨កញ្ចប់ ក្នុងនោះ២៥កញ្ចប់តូច និង៣កញ្ចប់ធំល្មម ទូរស័ព្ទដៃចំនួន១គ្រឿង ឧបករណ៍កែច្នៃសម្រាប់ជក់គ្រឿងញៀនមួយចំនួន ថង់វេចខ្ចប់ថ្នាំញៀនមួយចំនួន,ដែកកេះចំនួន២ដើម កន្រៃ្តចំនួន១ដើម ប្រាក់រៀលចំនួន៣៣១.៥០០រៀល។
ករណីខាងលើនេះ កម្លាំងការិយាល័យប្រឆាំងគ្រឿងញៀន និងអធិការដ្ឋាននគរបាលក្រុង បានកសាងសំណុំរឿងនិងចាត់ការតាមនីតិវិធី៕ (កែសម្រួលដោយ ៖ ធីតា)
ចែករំលែកព័តមាននេះ