ដឹងពីវិធីងាយៗសម្រាប់ការពារ ការទល់លាមកលើកុមារ !
តាមការចុះផ្សាយរបស់គេហទំព័រ Kids Health ដែលត្រូវបានត្រួតពិនិត្យដោយលោកវេជ្ជបណ្ឌិត Joanne Murren-Boezem បានឱ្យដឹងថា កុមារអាចចាត់ទុកថា មានជំងឺទល់លាមក គឺនៅពេលដែលពួកគេ…
តាមការចុះផ្សាយរបស់គេហទំព័រ Kids Health ដែលត្រូវបានត្រួតពិនិត្យដោយលោកវេជ្ជបណ្ឌិត Joanne Murren-Boezem បានឱ្យដឹងថា កុមារអាចចាត់ទុកថា មានជំងឺទល់លាមក គឺនៅពេលដែលពួកគេ…
តាមការចុះផ្សាយរបស់គេហទំព័រ Kids Health ដែលត្រូវបានត្រួតពិនិត្យដោយលោកវេជ្ជបណ្ឌិត Joanne Murren-Boezem បានឱ្យដឹងថា កុមារអាចចាត់ទុកថា មានជំងឺទល់លាមក គឺនៅពេលដែលពួកគេ ៖
- បន្ទោរបង់ធំតិចជាង ៣ដងក្នុងមួយសប្តាហ៍
- មានបញ្ហាក្នុងការបន្ទោរបង់ធំ (ពិបាក)
- មានលាមករឹង ស្ងួត និង ធំៗ ។
នៅពេលដែលកូនរបស់អ្នកមានជំងឺទល់លាមក អ្នកអាចអនុវត្តវិធីងាយៗដូចខាងក្រោម ៖
- ផ្តល់ទឹកឱ្យកូនអ្នកទទួលទានឱ្យបានច្រើន ។ ការទទួលទានទឹកឱ្យបានគ្រប់គ្រាន់ និងសារធាតុរាវៗផ្សេងៗទៀត ជួយឱ្យលាមកធ្វើចលនាបានកាន់តែងាយស្រួលតាមរយៈពោះវៀន ។ ចំនួនទឹក ដែលកុមារត្រូវការនឹងខុសគ្នាអាស្រ័យលើទម្ងន់ និងអាយុរបស់ពួកគេ ។ ប៉ុន្តែកុមារដែលមានអាយុគ្រប់ចូលរៀន ភាគច្រើនត្រូវការទឹកយ៉ាងហោចណាស់ ៣ ទៅ ៤ កែវក្នុងមួយថ្ងៃ ។
– ឱ្យកូនទទួលទានអាហារមានជាតិសរសៃឱ្យបានច្រើន ។ អាហារមានជាតិសរសៃខ្ពស់ (ដូចជាផ្លែឈើបន្លែ និងនំប៉័ង) អាចជួយការពារការទល់លាមក ។
- ត្រូវប្រាកដថាក្មេងៗហាត់ប្រាណឱ្យបានគ្រប់គ្រាន់ ។ សកម្មភាពរាងកាយធ្វើឱ្យពោះវៀនមានសកម្មភាព ។ ដូច្នេះលើកទឹកចិត្តកូនរបស់អ្នកឱ្យធ្វើលំហាត់ប្រាណឱ្យបានច្រើន ។ វាអាចមានលក្ខណៈសាមញ្ញ ដូចជាការចាប់ត្រី ជិះកង់ ឬ លេងទាត់បាល់ ។
- បង្កើតកាលវិភាគអាហារទៀងទាត់ ។ ការបរិភោគ គឺជាការរំញោចធម្មជាតិសម្រាប់ពោះវៀន ដូច្នេះអាហារទៀងទាត់អាចជួយឱ្យកុមារមានទម្លាប់ពោះវៀនធម្មតា ។
- ធ្វើឱ្យក្មេងមានទម្លាប់នៃការទៅបន្ទប់ទឹក ។ ប្រសិនបើកូនរបស់អ្នកចូលចិត្តទប់នោម ឬ ទប់លាមក អ្នកអាចឱ្យគេមានទម្លាប់ទៅអង្គុយលើចានបង្គន់យ៉ាងហោចណាស់ ១០នាទី ជារៀងរាល់ថ្ងៃ ជាពិសេស គឺក្រោយទទួលទានអាហារ ។ ពិគ្រោះជាមួយវេជ្ជបណ្ឌិតមុនពេលផ្តល់ឱ្យកូនរបស់អ្នកនូវប្រភេទថ្នាំទិញនៅហ្វាម៉ាស៊ី សម្រាប់ការទល់លាមកលើកុមារ និងទារក ៕ ប្រភព ៖ kidshealth
ចែករំលែកព័តមាននេះ