គួរប្រើប្រាស់សម្បកកង់រថយន្តប្រភេទណាសម្រាប់ការបើកបរលើផ្លូវដែលលំបាក
តាមការបកស្រាយពីគេហទំព័របរទេសបានបង្ហាញថា នៅពេលមានការបើកបរលើស្ថានភាពផ្លូវដែលលំបាកៗនោះសម្ពាធកង់រថយន្តមិនអំណោយផលឬធុននឹងស្ថានភាពអាក្រក់នោះបានទេ
តាមការបកស្រាយពីគេហទំព័របរទេសបានបង្ហាញថា នៅពេលមានការបើកបរលើស្ថានភាពផ្លូវដែលលំបាកៗនោះសម្ពាធកង់រថយន្តមិនអំណោយផលឬធុននឹងស្ថានភាពអាក្រក់នោះបានទេ ហើយអាយុកាលនៃការប្រើប្រាស់ក៏មិនបានយូរអង្វែងដែរ ។
ជាមួយនឹងរថយន្តដែលបំពាក់មកជាមួយសម្បកមានក្រឡាធុននឹងភាពសឹករេចរិលកម្រិតទាបវាជារឿងសំខាន់មួយដែលត្រូវច្បាស់ថា សម្ពាធខ្យល់ក្នុងកង់គឺសប់បំប៉ោងឲ្យបានត្រឹមត្រូវ ។ ហេតុផលចំពោះកត្តាទាំងនេះក៏មានសារសំខាន់ដែរប្រសិនជារថយន្តអ្នកកិនវត្ថុរឹងស្រួចដូចជាដុំថ្មឬអម្បែងជាដើម សម្បកមានសម្ពាធខ្យល់កាន់តែទាបអាចរងផលប៉ះពាល់នៅលើកំណាត់ផ្លូវដែលសម្បូរដោយដុំថ្មដែលមិនទាន់ក្រាលកៅស៊ូ ។ សម្បកដែលមានក្រឡាកង់ងាយសឹកគឺរឹតតែធ្វើឲ្យជួបបញ្ហាដូចគ្នានេះកាន់តែច្រើនថែមទៀតខណៈគម្លាតរវាងសម្បកប៉ះទៅយ៉ាន់កាន់តែតិចជាងមុន ។
ចំណែកការប៉ះពាល់ក្នុងកម្រិតល្បឿននឹងបណ្តាលឲ្យសម្បកបែកធ្លុះធ្លាយក៏មានដែរ។ដូចនេះសម្រាប់ការបើកបរលើស្ថានភាពផ្លូវលំបាកៗវាត្រូវបានគេផ្តល់សេចក្តីណែនាំខ្ពស់ទៅនឹងការជ្រើសរើសសម្បកដែលមិនងាយសឹកក្រឡាឬធន់នឹងភាពសឹករេចរិល ។ ជាងនេះទៅទៀតបូមរថយន្តដែលអាចសារេកម្ពស់បាននឹងជួយដល់ការពង្រីកគម្លាតពីដីមកបាតរថយន្ត និងការបើកបរក្នុងលក្ខខណ្ឌផ្លូវមានទីទួលឬដំបូកខ្ពស់ៗជាដើមប៉ុន្តែនឹងមិនអាចជួយការពារពីការខូចសម្បកកង់បានឡើយ ។
ប្រសិនជាលោកអ្នកប្រើសម្បកថ្មីដែលមានគុណភាពខ្ពស់មិនងាយសឹកដើម្បីឲ្យកាន់តែអស់ចម្ងល់គឺបើកបរយឺតៗនៅលើតំបន់សម្បូរថ្ម និងសប់ឬថ្លឹងកង់រថយន្តឲ្យមានសម្ពាធខ្យល់ត្រឹមត្រូវមុននឹងចេញដំណើរ ។ សូមចងចាំថាប្រភេទផ្លូវលំបាកៗគឺត្រូវការសម្ពាធខ្យល់ក្នុងកង់ឱ្យបានត្រឹមត្រូវតាមកម្រិតស្ដង់ដា ។ ចំពោះការបើកលើផ្លូវខ្សាច់ស្របពេលកង់រថយន្តធូរគឺចៀសមិនផុតពីការបង្កើនល្បឿនតួងកង់រូងខ្សាច់មិនខានហើយពេលនោះផលប៉ះពាល់រវាងកៅស៊ូកង់កកិតនឹងខ្សាច់កាន់តែបង្កើនសម្ពាធ ។ សូមប្រិយមិត្តអ្នកបើកបរប្រកបដោយសុវត្ថិភាពគ្រប់ស្ថានភាពផ្លូវ ៕
ចែករំលែកព័តមាននេះ