រាជធានីភ្នំពេញ ៖ ទីសក្ការៈព្រះអង្គដងកើ ដែលមានទីតាំងមុខព្រះបរមរាជវាំង តាមបណ្តោយវិថីព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ត្រូវបានបើកឲ្យប្រជាពលរដ្ឋចូលគោរពសក្ការៈវិញហើយនាព្រឹកថ្ងៃទី២៧ ខែវិច្ឆិកា…
រាជធានីភ្នំពេញ ៖ ទីសក្ការៈព្រះអង្គដងកើ ដែលមានទីតាំងមុខព្រះបរមរាជវាំង តាមបណ្តោយវិថីព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ត្រូវបានបើកឲ្យប្រជាពលរដ្ឋចូលគោរពសក្ការៈវិញហើយនាព្រឹកថ្ងៃទី២៧ ខែវិច្ឆិកា ឆ្នាំ២០២០ ក្រោយពីមានបុរសម្នាក់យកញញួរទៅវាយរូបសំណាកព្រះអង្គដង្កើ បណ្តាលឱ្យរងការខូចខាតប្រេះស្រាំព្រះហត្ថខាងស្តាំកាលពីរសៀលថ្ងៃទី២៥ វិច្ឆិកា ឆ្នាំ២០២០កន្លងមកនោះ ។ គួររំលឹកថា បុរសម្នាក់ចូលទៅវាយបំផ្លាញរូបសំណាកព្រះអង្គដងកើខ្ទេច
មន្ត្រីសាលាខណ្ឌដូនពេញមួយរូបបានប្រាប់ថា ៖ ទីសក្ការៈព្រះអង្គដងកើ ត្រូវបានបើកឲ្យប្រជាពលរដ្ឋចូលគោរព ដុតធូប ថ្វាយផ្កាជាធម្មតាវិញហើយនាព្រឹកថ្ងៃសុក្រ ទី១៧ វិច្ឆិកានេះ ក្រោយពីបិទទ្វាអស់ពេលរយៈមួយថ្ងៃកន្លះដើម្បីធ្វើការជួសជុលព្រះហត្ថខាងស្តាំដែលត្រូវបុរសម្នាក់យកញញួរវាយបណ្តាលឲ្យប្រេះស្រាំ ។
មន្ត្រីនគរបាលដែលប្រចាំការនៅទីសក្ការៈព្រះអង្គដងកើ បានរំលឹកឲ្យដឹងថា ៖ កាលពីរសៀលថ្ងៃទី២៥ ខែវិច្ឆកា ឆ្នាំ២០២០ មានបុរសម្នាក់កាន់ញញួរដងឈើបានផ្លោះបង្អួចខាងត្បូងចូលទៅវាយរូបសំណាកព្រះអង្គដងកើ បណ្តាលឲ្យរងការខូចខាតប្រេះស្រាំព្រះហត្ថខាងស្តាំ ហើយភ្លាមៗនោះកម្លាំងនគរបាលនិងកម្លាំងប្រជាការពារខណ្ឌដូនពេញដែលប្រចាំការនៅទីនោះ ក៏បានធ្វើការឃាត់បុរសរូបនោះបញ្ជូនទៅកាន់អធិការដ្ឋាននគរបាលខណ្ឌដូនពេញដើម្បីសាកសួរ ។
តាមប្រភពដដែលបានឱ្យដឹងបន្តថា ជនសង្ស័យដែលសមត្ថកិច្ចឃាត់ខ្លួនខាងលើឈ្មោះ ឡោ គឹមសួ ភេទប្រុស អាយុ២៧ឆ្នាំ មានទីលំនៅខេត្តក្រចេះរស់នៅជាមួយឪពុកម្តាយ ដោយប្រកបមុខរបរធ្វើចំការ ។
តាមប្រភពដដែលបានឱ្យដឹងបន្តទៀតថា ជនសង្ស័យរូបនេះបានប្រាប់សមត្ថកិច្ចប្រចាំការនៅទីសក្ការៈព្រះអង្គដងកើថា មុនពេលកើតហេតុ រូបគេជិះរថយន្តឈ្នួលពីខេត្តក្រចេះដោយនៅជាប់នឹងខ្លួនមានញញួរដងឈើមួយ ហើយរថយន្តឈ្នួលបានឈប់នៅគល់ស្ពានជ្រោយចង្វា ពេលនោះខ្លួនក៏ហៅម៉ូតូឌុបឲ្យជូនទៅទីសក្ការៈព្រះអង្គដងកើ ក្នុងតម្លៃ៥.០០០រៀល ។
ជនសង្ស័យបានបន្តថា លុះពេលដល់ទីសក្ការៈព្រះអង្គដងកើ រូបគេបានស្ថិតនៅបង្អួចខាងត្បូង ហើយលើកដៃសំពះរូបសំណាកព្រះអង្គដងកើបីដង ទើបផ្លោះចូលទៅខាងក្នុងរួចក៏យកញញួរវាយបំបាក់ព្រះហត្ថខាងស្តាំ ប៉ុន្តែភ្លាមៗនោះក៏ត្រូវកម្លាំងសមត្ថកិច្ចចាប់ឃាត់ខ្លួនតែម្តង ។
ជនសង្ស័យបានបញ្ជាក់ថា ៖ ខ្លួនគេមិនបានប្រើប្រាស់គ្រឿងញៀនឡើយ តែគេមានកូនចិត្តមួយត្រូវតែជិះរថយន្តកាន់មកកន្លែងទីសក្ការៈព្រះអង្គដងកើ ដើម្បីវាយកម្ទេចរូបសំណាកឲ្យទាល់តែបាន ។
បច្ចុប្បន្ន បុរសជាជនសង្ស័យដែលវាយបំផ្លាញរូបសំណាកព្រះអង្គដងកើខាងលើ ត្រូវបានអធិការដ្ឋាននគរបាលខណ្ឌដូពេញកសាងសំណុំរឿងបញ្ជូនទៅសាលាដំបូងរាជធានីភ្នំពេញនាព្រឹកថ្ងៃទី២៧ ខែវិច្ឆិកា ឆ្នាំ២០២០ ដើម្បីចាត់ការតាមនីវិតិធី ៕ (កែសម្រួលដោយ ៖ ធីតា)
ចែករំលែកព័តមាននេះ